ده زلال پند ترکی - سبک زلال - دادا بیلوردی

91- درمان

*

درده درمان ایسته رم

جان وئریب سندن گئنه جان ایسته رم

دونیانی سنلن ده ییشمه م،عشقی سنسیز دینله مَم

کؤنلومی وصلین اوچون قان ایسته رم

نفسی قوربان ایسته رم

*

92- جان

*

دور منه جاندان دانیش!

قلبیوه وئـر تاققا بیــر قاندان دانیش!

سؤز دوشه نده شرم دن غئیرتدن، عمداً یوخلاما!

هئچ نه دن یوخ،بلکه اینساندان دانیش!

درده درماندان دانیش!

*

93- قول

*

قُول وئردین بیر کسه

قویما تا قولون آلان سندن کوسه

ایسته سه بارلی بولودلاری یئتیرسین گولشنه،

یئل گره کدیر بو ایشه پیدر اَسه،

هر نه مانع دیر کَسه

*

94- دؤزوم

*

داش یولا باشماق گره ک

آخماقا کهریز کیمی داشماق گره ک

موشگولـون آنجاق تلنبار و اوجـا داغ اولسادا

دالغا تک داشدان داشا آشماق گره ک

قایناییب داشماق گره ک

*

95- معتاد

*

اولدو معتاد عندلیب

یورقون آرغین گؤرنه سرگردان گلیب

سَس فدا، قامت فدا، غیرت مریض، ایمان غریب،

بیر دومانلی شهر و رؤیایه گیریب

وئرمیش اؤز جانین فریب

*

96- دوزلوک

*

ایسته دیم کؤز اولماسین

کؤزلـر ایچـره بـد نظر گـؤز اولماسین

دئرلرحق چوخ زهر،باطل چوخ شیریندیر بال تک

هئچ گؤروم بو اَیری سؤز دوز اولماسین

دوزلوگوم سؤز اولماسین

*

97- سلام

*

حق بولاغیندان سو ایچ!

حـق دانان یئـردن تنفّر ائیله کؤچ

بومَثل دیر« بی حیایه تئز سلام وئر کئچگیله »

یاخشی بو امّا سلام دا وئـرمه هئچ

دؤنده ریب اوز باخما کئچ!

*

98- یئر کوره سی

*

بوردا هر کیمسه یاشیـر

شؤهـرتـه حددیندن آرتیـق دیـرماشیـر

گاه ساواددان،گاه مال دان،گاه اؤزوندن دَم ووروب

بیلمیره م چوخلار نه دن مغرورلاشیر

آرتمامیش قاینیب داشیر

*

99- قیزیشماق

*

عشق دادیندن چیخار

اونـدا کی صحبت نهادیندن چیخار

سؤز قیزیشدیقجا دوشه ر بیـر شخص آلله یادینه

باشقا بیر شخصین ده یادیندن چیخار

اعتقـادیـندن چیخــار

*

100- سؤز

*

بوش اؤتورمه کؤنلونی

دیل اوجاغیندان گؤتورمه کؤنلونی

سؤز قیزیشدیقجا سنی تحویل دای آلدیقجا بیـز

«من»دییه ن جانه یئتیرمه کؤنلونی

تئـز ایتیرمه کؤنلونی

دادا بیلوردی

عشق نه دیر ؟ - سبک زلال

 

 

عشق نه دیر ؟ بیلمه دین!

هانسی کؤنول سنله گئدیر؟ بیلمه دین!

من نئچه یول آخ سنه یالوارمالییام؟  سایمادین!

کیم یارامی سانکی دیدیر؟ بیلمه دین!

کیم نه ائدیر؟ بیلمه دین!

 

 

شعر در سبک زلال - کودک و نو جوان - قیش - زمستان

 

 

 

قیش، سنه  اولسون  سلام !

 

 

( به زبان ترکی )

 

 

 

 

 

قیش گلیب، تاخ تاخ تاتاخ

شاختـادان  دوندی   بـوتـون  تاختـا  تابـاخ

قارکولک دی، چن دی ، بوز، هر یئر قیرو، هر یئر سازاخ

چیلله چیلله  بیـز گره ک  قیش دان  داداخ

ائتمه سین چوخ قاش قاباخ

*

داغلار آغ کؤینک گئییر

باغ  و  بستــانــه کولک  لای لای  دئییر

شاختادان گؤیده  بولودلار تیتره ییر  هئی  قار یاغییر

یئـــر آغیـز آچمیش او  قارلاردان  یئییر

آسمـانـه  بـاش  اَیـیــــر

 *

اولدو  قار هر کوچه دام

من  باباملا  جورلـه دیم  قاردان  آدام

قیش دادا  وار  چوخ گؤزللیکلرله  لذّتدن  خبـر

قیش سیز ائتمز یاز  بو یئر اوسته  قیام

قیش، سنه اولسون سلام !

*

یئر اوشور قار یاغماسا،

داغ  تپه ، چایلار ، باتار  هر گون  یاسا

آمما  من  قیشدا  گرکدیر  ایستی  پالتارلار  گییه م

قویمایام  تـا  شاختا دان  جانیم  سوسا

یا مریضلیکدن  میسا

 

دادا  بیلوردی

 

 

 

 

 

سبک زلال

 

 

 

زلزله . میانه .ورنکش

 

 

زلزله

 

 

 

 

 

 گئنه  دونیام  بوزولور

گئنه  احساسیمی آلقان  سوزولور

یئر آغیز آچدی نفَس چکسین اؤزون دینجَتسین

گؤردو داغ  سینه سینه غم  دوزولور

نه  اوره کلر اوزولور

*

نه  پتَک لردن  اؤتور

نه ده  صاحیبسیز اینک لردن  اؤتور،

باخارام ، آواریله  ال  بــه  یاخا  ویرنیخانا ،

یانارام  قانلی  بیلک لردن  اؤتور

داغ  اورک لردن  اؤتور

*

منیم  آی  هم وطنیم!

منیم آی غصّه یه  باتمیش  بدنیم!

دؤزگیلن  بیرده  سوُلان  اؤلکه میزه  یاز گلسین

چیچگه  دولسون  اوغولسوز  گزه نیم

یاشیل  اولسون  کفنیم

 

 

دادا بیلوردی

 

 

 

سبک زلال . ادبیات ترکی. پاییز

 

 

پاییـــز

 

( زُلال شعری )

 

 

 

 

 

پائیـز گئنه گلدی

هر یئر دولو  یارپاقدی خزل دی

سانکی یئره نقّاشی چکیبلر سالینیب فرش

بو منظره نی آخ نه گؤزل دی!

پائیـز گئنه گلدی

*

بـاخدیـقجا اَنـاره

یئتدیم دئییرم پس کی بهاره

دئم قارپیزی،نارنگی،لیمو،پرتقال،انجیر

به به، نئجه گؤر گلدی بازاره

پُز وئـردی خیـاره

*

گون نورونو ساچدی

داوودی گولی قول قاناد آچدی

من مدرسه نین باشلانیشی شَنلیگه دولدوم

روحوم گئنه شادلیقلاری ایچدی

پروانه تک اوچدی

*

احساسیله یاتدیم

رؤیاده  نه گؤر حئیرته  باتدیم!

پالتارلارینی بیـر بیر آغاجلار سویونورلار

من پالتاریمی آمما چوخاتدیم

راحتلیگه چاتدیم

 

 

دادا

 

 

 

 

سبک زلال . ادبیات ترکی

 

 

 

 

 

گؤزلریم اولموش ارس

دالغا دالغا  جان سنی ائیله ر هوس

گل کی تکلیکدن  بوغولدوم  هئچ نه واریم قالمادی

اولماسان  من عاشقه دونیاده سَس

خلوت ائیلیم کیمله پس؟

 

 

دادا

 

 

 

 

سبک زلال . ادبیات ترکی

 

 

 

 

 

گؤزلریم اولموش ارس

دالغا دالغا  جان سنی ائیله ر هوس

گل کی تکلیکدن  بوغولدوم  هئچ نه واریم قالمادی

اولماسان  من عاشقه دونیاده سَس

خلوت ائیلیم کیمله پس؟

 

 

دادا

 

 

 

 

سبک زلال . ادبیات ترکی

 

 

 

 

 

یالواریرام

رؤیادا زولفون داریرام

من سنی دویدوقجا کی وارسان قاندا

قلبیمی آنجاق  یاریرام

آختاریرام

 

 

دادا

 

 

 

سبک زلال . ادبیات ترکی

 

 

 

 

 

سبک زلال . ادبیات ترکی

 

 

 

 

 

من او گون دولدوم آها

آتدیلار  پولسوز   منی   درمانگاهـا

بؤیره گیم جیسمیمده سالیمدیر قانیم قلبیمده صاف

اولمادیم  مؤحتاج  نامـــرده  داهــــــا

شوکر  اولسون  آللها

 

 

دادا

 

 

 

 

زلال انتظار

 

 

 

هایانداسان گؤزللرین گؤزلی؟!

ائدیـر منی  او  سئوگین  آیریلیـق  یولوندا  دَلی

اَزیر بوکؤنلومو آنجاق چاپیـر زمانـه دویغوم اوسته داهـا

یئتیش  دادا  کسیلمه سین   بو  یول  محبّت  الی

دانانمیرام گونش سنی گؤره لی

 

 

 

دادا

 

 

 

 

 

سبک زلال . ادبیات ترکی

 

 

 

شـور  و  سـاز  گلدی  گئنـه

عشقلــه  یـــار  اولدو  ســاز ، گلدی گئنه

شعر جان تاپدیقجا دویغوم قاینادی،اؤز سئوگولوم

دفتـریـم  اوستونـده  یــــاز :  گلدی  گئنه

نازلــی  یـــاز  گلدی  گئنـه

 

 

 

دادا

 

 

 

 

سیل جنوب - شعر زلال

 

 

 

 

دوتما یولوم ای سئیل!

قییما کی بولوت کیم سوُلوم ای سئیل!

انصاف ائله  بیر  آز  دایان ، اولما  منه  راضی ،

بو عرصه ده غملی قالیم ای سئیل!

پوُزما حالیم ای سئیل!

 

 

دادا

 

 

 

سبک زلال . ادبیات ترکی. بایرام

 

 

 

 

بایرامیز موبارک اولسون

کؤنولوز شادلیقیله ،عشقیله دولسون

یاشاییش باغلاریزی باللی  چیچکلرله  بورونسون

گؤروم  آلله  آجیلیقلاریـــزی  یولسون

غملریز هر نه دی سولسون

 

 

دادا

 

 

 

سبک زلال . ادبیات ترکی

 

 

 

 

 

دولوب گؤزلر اولوب دریا

ازل  گونـدن  یازیبـلار  بختیـمی  قـارا

یقین عشق عالمینده هوش آپارمیشدی منی سالک!

اویاندیم  بیلمه دیم خوش گونلریم  هاردا

خراب  ائتدی  منی  دونیا

 

 

سالک تبریزی

 

 

 

 

 

سبک زلال . ادبیات ترکی

 

 

 

 

 

اوُ، قارنی تولیق دیر

احساسی سولی  جانی  ایلیق دیر

ایستی سویوقو آنلاماییر،قیش یایی دویمور

دریاده اوزه ن سانکی بالیق دیر

بیلمیر باهالیق دیر

 

 

دادا

 

 

 

 

سبک زلال . ادبیات ترکی

 

 

 

 

 

 

 

اوُ، قارنی تولیق دیر

احساسی سولی  جانی  ایلیق دیر

ایستی سویوقو آنلاماییر،قیش یایی دویمور

دریاده اوزه ن سانکی بالیق دیر

بیلمیر باهالیق دیر

 

 

دادا

 

 

 

 

سبک زلال . ادبیات ترکی

 

 

 

 

 

آللاهین وئردیگی ، قیسمت

اونوکی وئرمیری وار اوندا بیر حکمت

آییق اوُل سالک دا بو میللته ال آچما کی بیر گون

هر نه وئرسه ووراجاقدیر سنه مینّت

وئرمه سه ذلّتدی ، ذلّت

 

 

سالک تبریزی

 

 

 

 

 

 

سبک زلال . ادبیات ترکی

 

 

 

اولوب  دونیا  منه  زندان

پوزوب  احوالیمی  بو گردش  دوران

مقام عشقده سالک! بوتون عؤمروم فنا اولدی

نه جان قالدی نه ده ایستکلی او جانان

آلیشدیم، درده یوخ درمان

 

 

سالک تبریزی

 

 

 

 

سبک زلال . ادبیات ترکی

 

 

 

 

کؤنول  وئردیم  او جانانه

گونی گوندن چئویردی باغریمی قانه

اسیر اولموشدوم  او زلف پریشانینده  جانانین

آلیـردی  جانیمی   پیمانـه  - پیمانـه

منی  ائیلیـردی  دیـوانـه

 

 

 

سالک تبریزی

 

 

 

 

زلال بهمن

 

 

 

 

 

 

آخیـرام عشـق هاییندا

دویـورام  غیـرتی  من  سئوگی  پاییندا

گئنه بیرلیک آغاجی ریشه له نیب قوُل قاناد آچمیش

آییلارکـن  سو   ایچیـر  فجـــر  چاییندا

گول آچیر بهمن آییندا

 

 

دادا

 

 

 

 

سبک زلال . ادبیات ترکی

 

 

 

 

 

قار یاغیردی، گول چمن،

سانکی گئیمیشدی  یئر اوستونده  کفن.

من اؤزوم  بوز آیناسیندا  آخرت دن  گؤردوم  ایز.

اؤلدورورسن،جان وئریرسن عشقه سن

ای منیم تانریم  نه سن !

 

 

 

دادا

 

 

 

 

سبک زلال . ادبیات ترکی

 

 

 

 

 

قار  یاغیردی ، من ، دونن

بیـر قوشـی گؤردوم  تاپانمیـر یئـرده ،ده ن،

بـو  شرایـط ده  آدامـلاردان دا  وار  شـایـد  دئـدیــم.

زنگ ووردوم: یوُخسان هئچ دای عمّه سن؟!

سؤیله دی:  آجدیر  حسن...

 

 

دادا

 

 

 

 

سبک زلال . ادبیات ترکی

 

 

 

 

فیکـر ائیله  درمـانا

دردی دوغوب یاتیرتما  یان یانا

بیز انقلاب اوشاقلاری ییق،جنگ بیشمیشی

کؤنلون  یانیر  اگر  بـو  ایرانا

باج  وئرمه  دوشمانا

 

 

دادا

 

 

 

 

 

سبک زلال . ادبیات ترکی

 

 

 

 

 

سبک زلال . ادبیات ترکی

 

 

 

 

بشر بیلمیـر گوناه  ائیلیر

اؤز اعمالــینه اعضاسین گواه ائیلیر

خطا ائیلیر ولی غافیلدی اویموش نفسینه،یالنیز

اؤزون  آلله  یانیندا  روسیاه  ائیلیر

بوتون عؤمرون تباه ائیلیر

 

 

 

سالک تبریزی

 

 

 

 

 

 

 

سبک زلال . ادبیات ترکی

 

 

 

 

 

 

قیشیمی یاز ائله گـل!

یارالی کؤنلـومـه پـرواز ائلـه گـل!

یئنه آل قوینونا بوعاشیقینی یانغی سایاق

سئوگیلر ماهنیسین آواز ائله گل!

غمیمی آز ائـله گـل

 

 

دادا

 

 

 

 

سبک زلال . ادبیات ترکی

 

 

 

 

 

 

ای اینسان ، هر زمان  هر آن

تمامِ  خلقه  خدمت  ائیلـه  تــا  وارسان

چالیش سندن سورا دونیا بوُیی سندن ده  آد  قالسین!

آماندی، یوخدو فرصت، ائیلمه عصیان

بوگون وارسان صاباح یوخسان!

 

 

سالک تبریزی

 

 

 

 

 

 

 

سبک زلال . ادبیات ترکی

 

 

 

 

 

چوخلات  گؤروشلرین،

عشقی دیریتسین اول  اؤپوشلرین،

کؤنلومله  وئرسین ال اله  سون  آرزولاریم.

ای لاله لبین اینجه دیشلرین!

خوشدور گولوشلرین

 

 

دادا

 

 

سبک زلال . ادبیات ترکی

 

 

 

 

عشقیـله  بوردا  گـز

آتدیم به آتدیم  هر غمین وار  از

بیرگون اولار کی بو نئچه گونلوک عجاز گلین

توپراقیله  ائده ر  سنی  عوض

ایسته ر یا  ایسته مه ز

 

 

دادا

 

 

 

 

سبک زلال . ادبیات ترکی

 

 

 

قالخیب  اوُتورماغین

هـردن  یئریشین یا کی دورماغین

شخصیّتیندن  ایــز ،  ادبیندن  نیـشانـــه دیـــــر

بوُینون کؤکون  نه دندی قورماغین،

ناحقّه  بورماغین؟!

 

 

دادا

 

 

سبک زلال . ادبیات ترکی

 

 

 

 

اوندا کی  جانیم کوسه ر

سؤیله رم: بیخود  یاراتما  دردسر،

حدّ دن  چوخ  اولسا  بو دونیاده عشقین آتشی

عاشقی کول ائیله ییب نسلین کسه ر

سئوگی دن  قالماز  اثر

 

 

دادا

 

 

 

 

سبک زلال . ادبیات ترکی

 

 

 

 

 

 

پروانه سن مگر؟

باشسیز دولانان شانه سن مگر؟

گیزلینجه یانماغین گونشین اوزدو باغرینی

حلّاج سان  آیا  نه سن  مگر؟

دیوانه سن مگر؟!

 

 

دادا

 

 

 

 

 

سبک زلال . ادبیات ترکی

 

 

 

 

 

تاپسام  سنی اگـر

عشقینله یانیب داغلارام جگر

زولفون گؤزوم یاشیله یوووب تئز داراقلارام

سرگـردانام  دالینجـا  دادگـــر!

سن هارداسان مگر؟

 

 

دادا

 

 

 

 

 

 

سبک زلال . ادبیات ترکی

 

 

 

 

 

 

گونلر گئچه ر گئده ر

روحوم قوشو  اونلا کؤچه ر گئده ر

فیرلاننام  آنجاق  عقربه تک  اؤز  کناریمه

غملـر گلیب  قانیم  ایچه ر  گئده ر

کؤنلوم بیچه ر گئده ر

 

 

دادا

 

 

 

 

 

سبک زلال . ادبیات ترکی

 

 

 

 

 

 

نه  جان  دئرلر

نه  بو عطشانه  یان  دئرلر

هوسبازلاردیلار  بازار  و  میداندا

کی  دریانی  اینان  دئرلر

یالان دئرلر

 

 

دادا

 

 

 

 

سبک زلال . شعر کودک پاییز - ترکی

 

 

 

پائیــز  زُلالی

 

 

 

 

پائیـز گئنه گلدی

هر یئر دولو  یارپاقدی خزل دی

سانکی یئـره نقّاشی چکیبلر سالینیب فرش

بو منظره نی آخ نه گؤزل دی!

پائیـز گئنه گلدی

*

بـاخدیـقجا اَنـاره

یئتدیم دئییرم پس کی بهاره

دئم قارپیزی، نارنگی، لومو، پرتقال، انجیر

به به، نئجه گؤر گلدی بازاره

پُز وئـردی خیـاره

*

گون نورونو ساچدی

داوودی گولی قول قاناد آچدی

من مدرسه نین باشلانیشی شَنلیگه دولدوم

روحوم گئنه شادلیقلاری ایچدی

پروانه تک اوچدی

*

احساسیله یاتدیم

رؤیاده  نه گؤر حئیرته  باتدیم!

پالتارلارینی  بیـر بیر آغاجلار سویونورلار

من پالتاریمی آمما چوخاتدیم

راحتلیگه چاتدیم

 

 

دادا بیلوردی

 

 

 

 

سبک زلال . ادبیات ترکی

 

 

 

 

دونیا نه یه لازیم؟

 

داد اولماسا دادا نـه یـه لازیم؟!

 

یوسف سیز اولان گونده زلیخا نه یه لازیم

 

مجنون سیز او لئیلا نه یه لازیم؟

 

آیا نه یه لازیم؟!

 

 

 

 

دادا

 

 

 

 

سبک زلال . ادبیات ترکی

 

 

 

 

بیر گون بیر «ایل» دیر

اوُل دم کی  عشـق  بی دلیل دیـر

بـو مغزلن  بـو هوش  و  ذکاوتـله  دونیــــــادا

باش هر نه یه بیر پارچا «دیل» دیر

اینسان ذلیل دیر

 

 

دادا

 

 

سبک زلال

 

 

 

سبک زلال . ادبیات ترکی

 

 

 

 

 

 

 

غمزه  ائدیب  وار میسین؟

کؤنلومه صاحیب چیخاجاق  یار میسین؟

دینلـه  کی  دعوت  ائـدیـرم ،  گل  امیـرین  قلبینه

ای گونشیم ، حالیمی  اودلار میسین؟

فیکریمی اوخشار میسین؟

 

 

 

سخن سنج تبریزی

 

 

 

سبک زلال . ادبیات ترکی

 

 

 

  

گؤیدن  نه داش گلیر!

باخ گؤر نه  گلن داش  یاواش گلیر!

جنگ ایله صلح  ال اله  وئرمیش  قاماس قاماس

تا  سئوگی  قورخماسین  یاناش گلیر!

گؤز باغلی، قاش گلیر!

 

 

دادا

  

سبک زلال . ادبیات ترکی

 

 

 

 

ای بؤیوک اینسان،حسین(ع)!

ای بیــزه تـعلیـم ائـدن عــرفـان! حسیـن(ع)!

ظولمتین باغریـن یاریبـسـان پـارلاق  اولـدوزلار تـکی!

باغلامیشدین کیملـه سن پیمان حسین(ع)!؟

جان سنه قوربان حسین(ع)!

 

 

دادا

 

 

 

 

سبک زلال . ادبیات ترکی

 

 

 

 

قوپدو جانیـمده  کولَک

دوندوروب  داغ بئینیمی  ائتدی  اَلک

هئچ یئره دویغوم آخانمیرهئچ کیمه قیزمیر سؤزوم

بیلمه دیم  آنجاق  بشردیـر  یــا  ملک

سیندیریر بئیله  اوره ک!

 

 

دادا

 

 

 

سبک زلال . ادبیات ترکی

 

 

 

 

 

گلیب بیر آن دولان یئرده

نه گؤر  سایسیز  یئتیم وار،باش یولان یئرده

قالیب دوزلوکدن آد یالنیـز، قیامتدندیـــر  ایـز  یالنیـز

داهـا یـوخ حـقّـی ظالیـمـدن آلان  یئــــرده

یالان یئرده،یالان یئرده

 

 

 

دادا

 

 

 

سبک زلال . ادبیات ترکی

 

 

 

 

 

 

آغلییار تلّ اوسته زینب(س)

داغلییـار  دونیــانی  دستـه دستـه  زینب(س)

قالدی  پیغمبـر بالاسی  قانلی مئیداندا  کؤمک سیـز

نئیله سین قان عرصه سینده خسته زینب(س)

قارداشا دلبسته زینب(س)

 

 

 

دادا

 

 

 

 

سبک زلال . ادبیات ترکی

 

 

 

 

 

  

ائیله دین طوفان حسین(ع)!

قالـدی عالم لـر سنه  حئیـران حسین(ع)!

باشیـوی  کشـور  بـــه  کشـور  آیـریـلاندا  جسم دن

کاش اولئیدی بو یئری ویران حسین(ع)!

جان سنه قوربان حسین(ع)!

 

 

دادا

 

 

 

 

سبک زلال

 

 

بیر پارا یالاندان الینه قلم آلانلار، ادبیّات دونیاسیندا یوخلاییب ایکی ساعات سونرا اویانیب اؤزونون اوستونه شاعیر آدی قویانلار کی  وزنین یالنیز کُپی سین  بئیینلرینده دولاندیریرلار  و  هئچ نه  شعر موسیقی سیندن  باش چیخارا  بیلمه ییرلر ، گلیب نثر یازینی نین  کلاملارین  دوزمه ک ایله  شکیل جورله ییب  بئیینلرینه دولدوروبلار ، اودور کی  قافالاریندا  داها  زولال یؤندمین دویماغا  یئر  قالماییبدیر. 

 بیر پارا،  پاخیل و خبیث اینسانلار ، اؤزگه نین  بیر عؤمر  زحمتلرینه  خط ووروب  اونو  کوُرلاماقلا   ، ایسته ییرلر  بعضی لری نین  یانیندا  ایکی گونلوک آد قازانسینلار. آنجاق  زُلال یؤندمین  دوشونمه ک  اوچون  اونون  بوتون قانونلارین اوخوماق گره کدیر:

 

 

کلیک به آدرس قالب های سبک زلال:

 

http://galebezolal500.blogfa.com/

 

 

 

 آدرس فنون زلالسرایی: 

 http://zolal94.blogfa.com/

 

 

 

 

آدرس فنون زلالسرایی

 

 

 

 

 

 

 

 

 

 

 

 

 

 

سبک زلال . زلال غدیر

 

 

 

 

 

غدیر زلالی

 

 

 

چیچکله نیــر بو گون محبّت الی

گؤزللیک ایله قاووشمیش نه گؤر عدالت الی

اؤزون نیشان وئریر  آنجاق گونشله نرکن ایستی سئوگیمیزی

سالام یاغیــر گونو گوندن اومود باغی ، قانادلانیر یاشیـــل جماعت الــی

قانیم جوشور یئنه دویغوم دامارلاریمدا یانغی یانغی یازیـــــر:

گرکـدیــــر آسمان اوزالـدا حقّـه بیـعت الـــی

ائدیبدیر عشقدن اطاعت علی(ع)

 

 

دادا بیلوردی

 

 

 

 

سبک زلال . ادبیات ترکی

 

 

 

 

 

عشق یعنی بنده لیک

بنده لیک ائتمه ک  خدایه گونده لیک

آلله آلله  سؤیلمه کله  تانری  گؤیلون  ایزلمه ک .

پس چالیش تا  حقّه  وار پاینده لیک

اولماسین شرمنده لیک

 

 

 

دادا

 

 

 

 

سبک زلال . ادبیات ترکی

 

 

 

 

اوخ دئدیم

 

 

 

کونلومه گل، قال دئسه م

فیکریمی عشقین اودونا  سال دئسه م

پرده چکیب نازلی باخیشلارلا  منی یاخ  دئسه م

روحومو ساز تک کؤک ائدیب چال دئسه م

عومرومو سن آل دئسه م

*
غمزه ائدیب وار میسین؟

کونلومه صاحیب چیخاجاق یار میسین؟

دینلـه کی  دعوت  ائـدیـرم ،  گل  امیـرین  قلبینه

ای گونشیم، حالیمی  اودلار میسین؟

فیکریمی اوخشار میسین؟

*
سنله کؤنول توخ دئدیم

باشقا نیگار ایسته میره م ، یوخ دئدیم

گل نفسیم سینه مه  حبس اول ، سنه  ائوره ن  اولوم

گل اوخو شعریمده زولال  اوخ دئدیم

منده زولال چوخ دئدیم

 

 

دوکتور امیر علی مطلوبی

( سخن سنج تبریزی )

 

 

 

بایرامیز موبارک اولسون

 

 

 

 

 

 

بایرامیز موبارک اولسون

کؤنولوز شادلیقیله ،عشقیله دولسون

یاشاییش باغلاریزی باللی  چیچکلرله  بورونسون

گؤروم  آلله  آجیلیقلاریـــزی  یولسون

غملریز هر نه دی سولسون

 

 

دادا

 

 

 

 

 

 

 

عشقله  بایــرام  گلیر

داغ  گؤره ن  بایرام یئلی  آرام  گلیر

موشدولوق وئر آغ دونون گولزار قویدی صاندیقا

یازه  سئوگی جانی اولموش رام گلیر

گوللره پیـغام  گلیر

 

 

دادا

 

 

 

 

بایرامیز موبارک اولسون

 

 

 

 

بایرامیز موبارک اولسون

کؤنولوز شادلیقیله ،عشقیله دولسون

یاشاییش باغلاریزی باللی  چیچکلرله  بورونسون

گؤروم  آلله  آجیلیقلاریـــزی  یولسون

غملریز هر نه دی سولسون

 

 

دادا

 

 

 

 

چیلله . فال زلال

 

 

                                                                                      http://falezolal.blogfa.com/

 

 

نظر علیرضا قزوه در مورد سبک زلال

 

علیرضا قزوه: زلال نه تنها سبک نیست که طرز هم نیست و روش و شیوه هم نیست . نوعی توهّم است.

شعر زلال ضدِّ شعر است ( !!!!! )

 

دادا بیلوردی: قرار نیست هرکس نتوانست زلال بسراید دشمن زلال باشد.

سایش و جلای نگین سخن در قالب های عروضی سبک زلال ، کار هر شاعر نیست.

 

 

 

 در اوج تنهایی و غربت

 

 

 

سبک زلال

 

 

 

 

 

هر غریبه جان دئییر

هر گؤزی یاشه جانین قوربان دئییر

نوبه  چون  یئتدی  منه ، حلقیم  جفائیـله  کَسیر

کؤنلومی  اؤز باشینه  احسان دئییر

آتشیمله  یان  دئییر

 

 

دادا

 

 

 

 

 

سبک زلال . ادبیات ترکی

 

 

 

 

سبک زلال . ادبیات ترکی

 

 

 

اوشاق دویغوسو.پاییــز . شعر

 

 

 

 

سبک زلال . ادبیات ترکی

 

 

 

سبک زلال

 

 

 

اوّلین های  شعـر زلال

 

 

 

 

کیتابین آدی: اوّلین های شعر زلال

یازان: ابوالفضل عظیمی بلویردی ( دادا بیلوردی )

یایان: انتشارات فروزش

یاییلان یئری: تبریز

 

ایضاح: یوخاریداکی  کیتاب  زُلال یؤنده مینده  اولان  شعرلردن  ایشیقلانیبدیر  و  یازان، زلال یؤندمی باره سینده ده  اؤن سؤزونده  یؤنده مین نئجه  اولماسین  آچیقلاییبدیر.

 

 

 

سبک زلال . ادبیات ترکی

 

 

 

 

 

حقّه  هـر ساعت  اَییل

حقّسیز گولزاری  کؤکدن  خوار بیل

حقّیله عالمده  قالخیب  دیرچه لن  سینماز داها

حق گوجی قارشیندا هر زاددان ذلیل

تکجه  بو دونیا  ده ییل

 

 

 

دادا

 

 

 

 

سبک زلال

 

 

 

 

 

 

گزمه در بـه در

گون ایشیق ساچار خود بخود سحر

دونیا اؤز کؤکوندن اَییلسه ده  سن  دوز  اولگیلان

من  اینانمیـشام  دوز  ایتیـلسه  گـر

اَیرینی  کَسـَه ر

 

 

 

دادا

 

 

 

زلال غدیر

 

 

غدیر زلالی

شعر: دادا بیلوردی

 ( شعر در سبک زلال )

 

چیچکله نیــر بو گون محبّت الی

گؤزللیک ایله قاووشمیش نه گؤر عدالت الی

اؤزون نیشان وئریر  آنجاق گونشله نرکن ایستی سئوگیمیزی

سالام یاغیــر گونو گوندن اومود باغی ، قانادلانیر  آخیر  جماعت  الــی

قانیم جوشور یئنه دویغوم دامارلاریمدا یانغی یانغی یازیـــــر:

گرکـدیــــر آسمان اوزالـدا حقّـه بئیـعت الـــی

ائدیبدیر عشقدن اطاعت علی(ع)

 

 

 

ماهنی - زلال

 

 

 

 

 

ماهنی

***

 

 

گـلدی جـانیـم فغـانـا

اولدوم  آخیــر گؤرون نئجه دیـوانـا

گؤزوم  دوتـدو  عینالی دا  بیـر قارا  گؤز مارالی

یاییندی  تئز  اؤزون  سالدی گومانا

دوشدوم عجیب دومانا

*

آلــدی  بـولـود  بـاشیــمی

ایسلادیر آنجاق  منی گؤز  یاشیـمی

قالمیـشام  ایندی  بـاخیــشی  جئیـرانیـمدان  آرالی

هـاردادی  بیـلمم  او  اَمک  داشیمی

سئومــه لی  سیــرداشیـمی

 

 

دادا

 

 

 

شعر زلال - ولادت امام رضا

 

 

 

گرعلی موسی الرّضا(ع)!

نامــه مه مثبت باخیب« اقدام» یــــازا ،

بیـــر اوزونـده  یـوُللایـا  آللّهه  استحضار اوچـون،

دای نه پول ایسته رنه پاسپورت و  ویزا

گَلله م  هر گون  پروازا

 

 

دادا

 

 

 

 

 

 

 

 

 

شعر زلال . ترکی

 

 

 

 

 

 

 

در تـنگنـای ایـن قـفس

باغریـم دولوبدور قانه یـوخدور همنفس

عمرم بـه حسرت شد تـلف ، در ایـن دیــارِ بیـکسی

صبر ائیلیرم تا کی یئتیشسین داده  کس

گــر دیــر آیــد این نفس

 

 

سالک تبریزی

 

 

 

 

شعر زلال - ترکی

 

 

 

 

 

 

 

دونیا یامان دونیادیر

عاشقینی  درده  سالان  دونیادیــــر

دوست و دشمن  تانیمیرسا، گونو گوندن قیریر

دالدادا  هم  اوزده  چالان  دونیادیر

گؤرنه  ایلان دونیادیر

 

 

 

دادا

 

***********************

 

 

 

 

 

 

دونیا غریب دونیادی

دونیـانین  آنجاق  کـی  قالیبدیــر آدی

هئچ زادا بـو یئرده طاماح ساللاما، بئل باغلاما!

زهر اولور آخیرده  نه وار کیم دادی

بیردی غمیله  شادی

 

 

دادا

 

 

********************

 

 

 

 

 

عشق، سؤزومدن  دوشور

اینجاریـم  آرتدیقجا  دیـزیمدن  دوشور

یاخشیلیق  ائتدیکجه کی  پیسلیک  دولاشیـر جانیمه

روحوم  ازیلمیشسه دؤزومدن دوشور

دونیـا گؤزومدن دوشور

 

 

دادا

 

 

 

 

شعر زلال . رمضان

 

 

 

 

 

نازینا ناز قیلاجام

سندن اؤترو نذیر- نیــاز قیلاجام

رمضاندان گول عطرینی آلیم دئیه، گؤزه لیم

اوروج توتوب سنه ناماز قیلاجام

قیشیمی یاز قیلاجام

 

 

 

 

اکبر حمیدی علیار

 

 

 ***

 

 

 

 

شعر زلال

 

 

 

 

بوردا هرکیمسه  یاشیر

شؤهرته  حدّیندن  آرتیق  دیـرماشیر

گاه ساواددان، گاه مالدان، گاه اؤزوندن  دم ووروب،

بیلمیره م  چوخلار  نه دن  مغرورلاشیر!

آرتمامیش قاینیب داشیر!

 

 

دادا

 

 

 

 

 

بنده  سنسیـز  نئیله سین؟!

بولبول  آخ  گولسوز  چمن سیز نئیله سین؟!

روحومـوز  یئددی  گؤیـون  ارباب  و  شاهـی  اولسادا

ایش گؤره ن  واختی  بدن سیز نئیله سین؟!

مور، دَن سیز  نئیله سین؟!

 

 

دادا

 

 

 

 

تاپمادیم باش دونیادان

یاغدی آنجاق دال با دال داش دونیادان

آیریلیقلار  هئچ  ماجال  وئرمیر  غریب  آددیملارا

نه واریم یاردیم نه سیرداش دونیادان

گؤز دولی یاش دونیادان

 

 

دادا

 

 

شعر کودک بهار. ترکی . سبک زلال

 

 

 

یــاز  زولالی

 

 

 

 

 

یاغدی  یاغیش

آیـریـلیبان  آغـلادی   قیـش

شاختا کؤچوب گئتدی داها یئتیشدی یاز

آی گول آچیل بیرده دانیش

منله باریش

*

گولدی داغی

عطیرله نیرسه   تورپاغی

من  سئویـره م  آتـام  آنـام  ایـله  گـزه م

یاشیل یاشیل باغچا باغی

سحر چاغی

*

آچدی چیچک

اوستـونه  قـوندی کَپه نک

حیاتیمیزدا  « یا کریم »  ائـو  چَکه رَک

قوشلار اونا گلدی کؤمک

قالمادی تک

*

گؤز دولانیر

گؤزده گؤزه للیک  قالانیر

بیـر  آغاجین  گوللری   هئی  آلچـالانیر

باخجاغین آغزیم  سولانیر

تورشالانیر

 

 

دادا بیلوردی

 

 

 

شعر زلال عید - ترکی

 

 

 

 

 بایرامیـز موبـارک اولسون

کؤنولوز شادلیقیله ، عشقیله دولسون

یاشاییش باغلاریزی  باللی چیچکلرله  بورونسون

گؤروم  آلله  آجیلیقلاریزی  یولسون

غملریز هر نه دی سولسون

 

 

دادا

 

 

 

 

 

 

بایرامیز موبارک اولسون

کؤنولوز شادلیقیله ،عشقیله دولسون

یاشاییش باغلاریزی باللی  چیچکلرله  بورونسون

گؤروم  آلله  آجیلیقلاریـــزی  یولسون

غملریز هر نه دی سولسون

 

 

دادا

 

 

سبک زلال

 

 

 

 

 

 

قُول  وئردین  بیر کسه

قویما  تا  قولون آلان  سندن  کوسه

ایسته سه  بارلی  بولودلاری  یئتیرسین  گولشنه،

یئل  گره کدیر  بو ایشه  پیدر اَسه،

هر نه مانع دیر کَسه

 

 

 

دادا

 

 

 

زولال

 

 

 

 

تاپمادیم باش دونیادان

یاغدی آنجاق دال با دال داش دونیادان

آیریلیقلار  هئچ  ماجال  وئرمیر  غریب  آددیملارا

نه واریم یاردیم نه سیرداش دونیادان

گؤز دولی یاش دونیادان

 

 

دادا

 

 

 

پاییز . ترکی . شعر کودک . زلال

 

 

 

پاییــز  ( اوشاق  زولالی )

 

 

 

 

 

 

 

 

پائیـز گئنه گلدی

هر یئر دولو  یارپاقدی خزل دی

سانکی یئـره نقّاشی چکیبلر سالینیب فرش

بو منظره نی آخ نه گؤزل دی!

پائیـز گئنه گلدی

*

بـاخدیـقجا اَنـاره

یئتدیم دئییرم پس کی بهاره

دئم قارپیزی، نارنگی، لیمو، پرتقال، انجیر

به به، نئجه گؤر گلدی بازاره

پُز وئـردی خیـاره

*

گون نورونو ساچدی

داوودی گولی قول قاناد آچدی

من مدرسه نین باشلانیشی شَنلیگه دولدوم

روحوم گئنه شادلیقلاری ایچدی

پروانه تک اوچدی

*

احساسیله یاتدیم

رؤیاده  نه گؤر حئیرته  باتدیم!

پالتارلارینی  بیـر بیر آغاجلار سویونورلار

من پالتاریمی آمما چوخاتدیم

راحتلیگه چاتدیم

 

 

 

دادا

 

 

 

 

زلال عاشورا

 

 

 

سهند - زلال

 

 

 

 

 

سهندم من

 

 

 

 

 

 

 

بو داغلاردان  سهندم  من

حکیملر یازدیقی دفتر ده  پندم من

شهَرلر باغلاریم وار،کند لردن بهره مندم من

اتکلرده  پتکدن ، کانِ  قندم  من

سمایـــه  پای بندم  من

*

جهاندا  شوکتیم  واردیر

اؤنومده  دوشمنیم،نامرد لر خواردیر

باشیم طوفانلیدیر گؤیدن یئره  گلمه ز، یاغار الهام

بوتون شاعیرلره  عنوانیم  آشکاردیر

ائلیم  یوردوم منه یاردیر

*

 گل ایچ  بوزلی  بولاقلاردان

قلم قاشلاریمی  سئیر ائت  اوزاقلاردان

اوچوب قوشلار، قونورلار، لاله لی گوللی اتکلرده

بو  آل گوللر  حیکایتدیـر  یاناقلاردان

قیزیل رنگلی  دوداقلاردان

 

 

جاوید مدرس (رافض)

 

 

 

 

زولال

 

 

 

 

 

 

 

تانیـر  احـوالیـمی  یـول

گـؤزومون  یـاشلاری  اؤپمـوش  قـورو  کول

نـه  زامـان  امــر ائلـه سن  منـده  یاشیللیـق  گـؤره رم

تؤکه نیب، یوخ داها صبریم،  دی  تئز اول

اؤلورم گؤز! یاشا دول!

    

 

 

دکتر امیر علی مطلوبی

( سخن سنج تبریزی )

 

 

 

 

بیر گؤزه ل  قیز  واریدی اون  اوچون  تـانری  غم ایچره  یاریدی اوخـویـاردی  غمـه  قـارشی   ساز  الینده   زولالی أتـگیـنـده   دولــو  هئیـوا ،  نـاریـدی ایشی   آه  و   زاریدی       رعنا امیریان

غمزه  ائدیب  وار میسین؟ کؤنلومه صاحیب چیخاجاق  یار میسین؟ دینلـه  کی  دعوت  ائـدیـرم ،  گل  امیـرین  قلبینه ای گونشیم ، حالیمی  اودلار میسین؟ فیکریمی اوخشار میسین؟       دکتر امیر علی مطلوبی (سخن سنج تبریزی)

آرزیلار  هئی  منی  سَسله ر داغیـدار  سینـمی  او  غملی  نفس لر عؤمور حسرتله ساووشدو سؤزلر حبس اولدو  قفسده شاعیرین طبعی دیر عالملری بسله ر داریـخیب  داغـلی  قفس لر       سالک تبریزی

حسرتین کؤنلومو داغلار اوره گیم  سیزلایاراق  گؤزلریم  آغلار نه بیلئیدیم کی  وفاسیز چیخاجاق  یار منه قارشی منی بوندان  سورا غملرده  سوراغلار ائشیدن یوخ  منی داغلار!       سالک تبریزی

رلال پند - ترکی

 

 

 

 

 

یانسا کؤنلون آهینا

دوش  یخینتی عشق درمانگاهینا

هر نه غم  احساس دن  گلمیش  اونی  اظهار قیل

سینه نی  یار  قلبی  وئر  آللاهینا

تورپاق اول درگاهینا

 

 

***

 

 

دوز  یولون گئتسه  دادا

دادینا  بیر گون  یئته ر آنجاق خدا

یولچونون هر گون چیراغی اؤز الینده یانسا گر

هر  یئتَن له  ایمانین  وئرمه ز  بادا

عشقه  ائیله ر  اقتدا

 

 

***

 

 

 

 

گؤرسه کیم سن دن آزار

هر نه شیرین خاطیره ن واردیر پوزار

جنبه سی آز شخصه بیرده سؤیلمه دردین، نییه

سن دانیشدیقجا کفن  اوسته  یازار

سؤزلرین  قبرین  قازار

 

 

***

 

 

 

 

 

کیمسه عشقه  دوشمه سه

عشقسیزلر اونلا  اَیری  ائشمه سه

هئچ نه بیل وئردی اولانماز خلقه مخصوصن ده کی

اودلو سؤزلرله  قیزاریب پیشمه سه

عقلی کامیل لشمه سه

 

*

ایضاح:

بیل: دانش ، تجربه ، علم

بیل وئردی : دانشداد . استاد

 

 

 

شعر زلال - ترکی

 

 

 

اوخ دئدیم

 

 

 

کونلومه گل، قال دئسه م

فیکریمی عشقین اودونا  سال دئسه م

پرده چکیب نازلی باخیشلارلا  منی یاخ  دئسه م

روحومو ساز تک کؤک ائدیب چال دئسه م

عومرومو سن آل دئسه م

*
غمزه ائدیب وار میسین؟

کونلومه صاحیب چیخاجاق یار میسین؟

دینلـه کی  دعوت  ائـدیـرم ،  گل  امیـرین  قلبینه

ای گونشیم، حالیمی  اودلار میسین؟

فیکریمی اوخشار میسین؟

*
سنله کؤنول توخ دئدیم

باشقا نیگار ایسته میره م ، یوخ دئدیم

گل نفسیم سینه مه  حبس اول ، سنه  ائوره ن  اولوم

گل اوخو شعریمده زولال  اوخ دئدیم

منده زولال چوخ دئدیم

 

 

دوکتور امیر علی مطلوبی

( سخن سنج تبریزی )

 

 

ده زلال پند (3)

 

ده زلال پند (3)

 

*

21- گؤزون ییغ

*

سؤز دییه ر هر گل گئدن

ائوله نیبسن دای گؤزون ییغ اؤزگه دن

بو یاشاییش کی ائدیرسن تک هوس، شهوت ، دَییل

گؤیلره  روح پس یئره گئتمیش بدن.

درسین آلمیشسان نه دن؟

 

 

*

22- مرهم

*

مرهم اوُل درمانلیغا

موشگول اولما  هئچ  زمان  آسانلیغا

سئوگی لر آلقیشلاسین  قوی  درده  درمان تک  سنی

باخما کی  بیر کس  دالیر  حیوانلیغا

سن چالیش انسانلیغا

 

 

*

23- باور

*

وئرمه  ألدن  باوَری

دوتما  دونیانین  ایشین   چوخ  سرسری

بعضی  اخلاق  وار  چاپار  داللار  بوتون  شیرین لری

زهرمار  ائیله ر  یالان  خوش  گونلری

افترادن  اوُل  بری

 

 

*

24- آتا

*

قویما  گون  بارسیز  باتا

وار  سنه   گــــر    بیـر  محبّتلی  آتا

هر سحر آخشام  تومارلا  کؤنلونو حالین  سوروش

راضی اولما   بیر گئجه  غمگین  یاتا

دونیانی  باش دان  آتا

 

 

 

*

25- آنا

*

عشقینی  دوز  یان یانا

قوی آپارسین  سهم  اونلاردان  آنا

وئر کؤنول اول شخصه کیم  قارنیندا  بَسلیبدیر سنی

یوخسا  بنزه ر سن  وفاسیز حیوانا

هئچ نه  قالماز دونیانا

 

 

 

*

26- ائوله نگیلن

*

زنده گانلیق  چون  گیریش

دوش   بوشا   بَرکه  آخیر   صبریله  پیش

ایمکانین  اولسا  سوبای  چوخ  قالما  دای  ائوله نگیلن

چونکی  اوُل  دونیایه  پاداشدیر  بو  ایش

آرتار آلله دان  گه لیش

 

 

 

*

27- صبر

*

ده یسه ده  باشون  داشا

وئرمه   قانماز   بیر  آداملا   باش باشا

صبریله  قالدیـــر آراده ن  سیمتن   موشگوللــری

قویما  سیرتیق  فیکرلر  باشدان  آشا

آز  یـاشا  آزاد  یـاشا

 

 

 

*

28- آز دانیش

*

جَمعه گیردین  آز دانیش

آز  دانیش  امـّا  عوض ده   ناز  دانیش

سؤزلری  بیر بیر  پیشیر  سونرا  چیخارت  قوی  بوشقابا

حافظه ن  گر  اولسا  تنبل،  یاز  دانیش

دوز فیکیرله ش ساز دانیش

 

 

*

29- فتنه

*

دوشسه جانون داشلیغا

دعوت  ائیــــله  یولداشون  قارداشلیغا

گؤردون  اخلاقی  قولای دیر  گونده  بیر  شرّ  آختاریر

سون  قُوی آخیر  بیر  بئله  یولداشلیغا

فتنـه لـی   سیـرداشلیغا

 

 

 

*

30- توقّع سیز

*

شاهی گؤرمه  آهی گؤر

غم سپاهیـله  اولان  همراهی  گؤر

سعی  قیل  ألدن  توقّع سیز  دوتوب  آللّهی  گؤر

نه خانی  نه اَربابی  نه جاهی  گؤر

درده  درمانگاهی گؤر

 

 

 

قیش فصلی ( اوشاق شعری )

 

اوشاق ادبیاتی

 

قیش فصلی (شعر زلال )

 

 

 

قیش گلیب، تاخ تاخ تاتاخ

شاختـادان  دوندی   بـوتـون  تاختـا  تابـاخ

قارکولک دی، چن دی ، بوز، هر یئر قیرو، هر یئر سازاخ

چیلله چیلله  بیـز گره ک  قیش دان  داداخ

ائتمه سین چوخ قاش قاباخ

*

داغلار آغ کؤینک گئییر

باغ  و  بستــانــه کولک  لای لای  دئییر

شاختادان گؤیده  بولودلار تیتره ییر  هئی  قار یاغییر

یئـــر آغیـز آچمیش او  قارلاردان  یئییر

آسمـانـه  بـاش  اَیـیــــر

 *

اولدو  قار هر کوچه دام

من  باباملا  جورلـه دیم  قاردان  آدام

قیش دادا  وار  چوخ گؤزللیکلرله  لذّتدن  خبـر

قیش سیز ائتمز یاز  بو یئر اوسته  قیام

قیش، سنه اولسون سلام !

*

یئر اوشور قار یاغماسا،

داغ  تپه ، چایلار ، باتار  هر گون  یاسا

آمما  من  قیشدا  گرکدیر  ایستی  پالتارلار  گییه م

قویمایام  تـا  شاختا دان  جانیم  سوسا

یا مریضلیکدن  میسا

 

 

شعر زلال - کریم حیدرزاده (سالک تبریزی)

 

سؤزلر  زولال اولسون

شاعر دَه  گرک اهلِ حال اولسون

چَک عالمی نظمه ، سؤزو  دوز  یان یانا سالک!

یاز  هرنه  یازیر سان  آمما  دوز  یاز  قویما  حق  پایمال  اولسون

عؤمرون  وفاسی  یوخ  بیزه،  دوران داها دؤنمز

ناحق  دانیشانلاری  لال  اولسون

آز قیل و قال اولسون

 *

کریم حیدر زاده ( سالک تبریزی )

 

ده زلال پند ترکی (1)

 

ده زلال پند (1)

 

 

*

1- آز دانیش

*

سعی قیل کی آز دانیش

آز  دانیـش   امّـا   عوضـده  نــاز  دانیـش

سؤزلری  بیـر بیـر  بیشیـر آنجـاق  آغیـزدان  چیـخمامیش

نه بوشال چوخ، نه شیشیب دانقاز دانیش

حقّه  اوُل همراز دانیش

 

 

*

2- آییقلیق

*

کبر  باغرینی اوزسن

هر زمـان   هر  چتینلیگه   دؤزسن

تانری سنلن دی ،  عشق،  سئوگی سنیلن،  البتّه

حق  دنیزینده   دم به دم   اوزسن

گؤزلرین آچیق گزسن

 

 

*

3- اؤلوم فیکری

*

وار گئدیش  هرگلمه گه

مهلت  آزدیـرسا  فیـکیـرلش  اؤلمـه گـه

اولمامیش   یون  یورقانین   تورپاق ،  لباسین  آغ کفن

بیر چالیش گؤز یاشلاریندان سیلمه گه

وئرمه سون هر گولمه گه

 

 

*

4- قان بیر

*

قلبی ساخلیاندیر  قان

قانسیز  هئچ   قلب  ایشله مز  بیر آن

ساخلا  قلبینده  پس  اونو کی  سنله  قان  بیر دیر

آزدیر اول شخصه کی اولار درمان

ائیله سن جانین قوربان

 

 

*

5- انساندان سوروش

*

جان سؤزون جاندان سوروش

آغـریـن   اولسا   علّتین   قـانـدان   سوروش

موشگولـه  دوشدوکـده  ایستـرسن  عـلاجیـن  دویماغی

تولکودن یـوخ  بلکه  اصلانـدان  سوروش

دوزگون  انساندان  سوروش

 

 

*

6- عبادت

*

یاغ  عبادتدن  ساری

دولما  بوگولشنده شهرتدن ساری

جان گره ک  انسانلیغین اوجوندا  گون تک  پارلایا

تیتره یـه  یالنیز  جماعتدن  ساری

تک عدالتدن ساری

 

 

*

7- عمر

*

عمر سرعتله کئچیر

غم  اوراقـی گوللری   بیر بیر   بیـچیـر

دونیـانی  دؤرد اَللی  دوتما  بورج دیر  آلدیقلارین

بورجلار آرتدیقجا  دونیا  جان  سئچیر

اول جانین قانین ایچیر

 

 

*

8- بخت

*

یئرسیز آه زار ائیلمه

دونیانی  اؤز  روحونا  دار ائیلمه

بخت  دؤیسه آچ  قاپین اندازه دن  چیخما  ولی

دردینی هر شخصه اظهار ائیلمه

هرکسی  یار ائیلمه

 

 

*

9- بیتمه هر وَریاندا

*

سئوگی یه باغلار سنی

عشقینی آلیقشلایان ساغلار سنی

بیتمه هر وَریاندا هر کوزده اوجاقدا یوخسا کی

اَزدیره ر  بیر اوت کیمی باغلار سنی

یاندیرار  داغلار  سنی

 

 

*

10- آغیرلاش

*

چوخ  تَلسدیرمه اؤزون

یئللره سؤیـکنمـه ، اسدیـــرمه  اؤزون

میوه گَتدیـکجه آغیـرلاش باغبان دویسون سنی

سیلکه لنمه،سینما، کسدیرمه اؤزون

خلقه کوسدورمه اؤزون

 

 

ده زلال پند ترکی (2)

 

ده زلال پند (2)

 

 

*

11- کئچن عؤمر

*

گل  بو دونیانی گزه ک

عشق  دریـاسیندا  حال   ائیلیب  اوزه ک

دای  کئچن  عؤمرون   تاپیلماز  قوورالانمیش گونلری

گونلریله  دوست  اولاق  درده  دؤزه ک

موشگولون باغرین اوزه ک

 

 

*

12- هانی؟

*

یول کسن خانلار هانی؟

ظولمله  ناحق  توکن  قانلار  هانی؟

سن چالیش رحمت اوخونسون یاده دوشدوکجه آدین

یوخسا  بیزلردن قاباق جانلار هانی؟

گوجلو انسانلار هانی؟

 

 

*

13- یولداش

*

یـولداشا  تــوان  گؤرست

ایسته سه  جانین  حتّی  جان  گؤرسَت

هــر  یئتَن  آدی   دوستــا  یـولـداشا  یــوخ   البتّه

بونلاری   ائیــــــــله   امتـحـان  گؤرسَت

شعله ن اولسا، یان،گؤرسَت

 

 

*

14- موشگول

*

اولسا غیرتلر مریض

گوج تاپیب اینجارلانار نه قول نه دیز

موشگولون  اولدی  سینا  بیر دفعه  یالنیز  یولداشین

دای  ایکینجی  دفعه ده  آچما  آغیـز

قوی قالا غیرتدن ایز

 

*

15- دوزلوک

*

هر یانا گئدسن دوز اول

من من ائتمه ،دیک دانیشما، منسیز اول

محتــرم  انسانـلارا   دانـقـازلانـارکن   بُـوی  دئـمه

یـاخشیـلیـقلار  داستـانیندا  سـؤز  اول

اؤز کلامیندان گؤز اول

 

*

16- کؤنَزلیک

*

دای دورماغا گلمز

بیهوده دوداق سورماغا گلمز

هر  بیر کؤنـَـزین سکته دوغان فعلینه اویما

غیرتلی بویون، بورماغا گلمز

جان،یورماغا گلمز

 

 

*

17- ملّیّت

 *

اینسانین شخصیّتی

بیـرده  کی  هَریـاندا  گیزلین  نییّتی

نفسی گوج  تاپدیقجا  خانلیق ائیله یَن چاغ  بیلله نَر

اؤلدوره ر درد اهلین آنجاق غیرتی

اولمـاسا  میـللییّتی

 

 

*

18- سن دوز اوُل

 *

بوی آتا اوشاق گر حرام ایله

یـــا  آزار  اوچـار  یــــا  قاچـار  اؤلـر  انتقام  ایله

جور به جور  زمان  دالغالانسادا  باخگیلان دوزه  سن اوزه اوزه

کیمسه دوز چؤرک هئچ دادانمایار یوز کلام ایله

کیمسه بال یاغار بیر سلام ایله

 

*

19- دوز  اَیرینی  کسه ر

*

گزمه در به در

گون ایشیق ساچار خود بخود سحر

دونیا اؤز کؤکوندن اَییلسه ده  سن  دوز  اولگیلان

من  اینانمیـشام  دوز  ایتیـلسه  گـر

اَیرینی کَسـَه ر

 

*

20- پند منیّت

*

دانیش چنته نده سؤز اولسا

اوتورما  سنده  هر آن  گوجلو  دیــز  اولساز

هوالانما منیـله ،  شیشمه امّـا ،  چـوخ گـؤیـه گئتــمه

قویـوق تک پاتلایـارسان  منده  بیـز  اولسا

تکبّـــرلـــــردن  ایـــز  اولسا

 

 

شام یولو ( یانغی سس )

 

یانغی سس

 

نه قدرتدیر اؤلن سن سیز

نه بو دونیاده شهرت دیر اؤلن سن سیز

علی (ع) ای عارف و ایستکلی عالمده زولال اینسان

سوسوز میداندا میلّتدیر اؤلن سن سیز

عدالتـدیر اؤلـن سن سیز

***

گلیب بیر آن دولان یئرده

نه گؤر سایسیز یئتیم وار، باش یولان یئرده

قالیب دوزلوکدن آد یالنیـز ، قیـامتـدنـدیــــر  ایـز  یالنیـز

داهـا یـوخ حـقّـی ظالیـمـدن آلان  یئــــرده

یالان یئرده،یالان یئرده

***

دوز اینسانه دایاز دونیا

بوتـون ارواحه زنـدان حوققا بـاز دونیـا

بلی، بو یئرده آنجاق هر نه دن آرتیق گؤز آلدیقجا

یغیب شهوت اوچون بوللو جاهاز دونیا

دوغور فتنه عجاز دونیا

***

عجازداندا عجاز دونیا

دوشونـدو نـه عبادت نـه نـاماز دونیـا

اولوب گؤر نه حسینه کربلا تک یئـرده آز دونیـا

دوزه قیش، اَیری یه یازداندا یاز دونیا

اَوَلدن درده باز دونیا

***

دوشنده شام یولی یاده

یـانیـــــر کلّ وجـودیـم دار دونیـاده

دَه یَنده تـازیـــــانـه حضرت زینبـله سجّــــاده

دولارمیش هر یئری افغان و فریاده

گلن اولمازمیش ایمداده

***

او گون بوللی ملک یاندی

بوتون انسانلیق،حرمت،دوز چؤرک یاندی

گون آلتیندا سوزالمیش قـوللارا زنجیـــر باغلانــدی

دمیــر قیزدیقجا هئی نازیـک بیلک یاندی

هارای سیز قان اورک یاندی

***

فقط سس گلدی جان زینب

اوشاقلاردان ساری صبر ائت دایان زینب

بــو  دونیا  فانـی  دونیادیـــر  وئریرسن  امتحان  زینب !

بیــزه ناظیــردی چـونکی آسمان زینب!

چـوخ اولما نـاگــــران زینب!

  

 

70- پائیز فصلی ( ترکی زلال)

 

فصل پائیز - ترکی زلال

 

( اوشاق شعری )

 

***

 

پائیز گئنه گلدی

هر یئر دولو یارپاقدی خزل دی

سانکی یئره نقّاشی چکیبلر سالینیب فرش

بو منظره نی آخ نه گؤزل دی!

پائیز گئنه گلدی

*

باخدیقجا اناره

یئتدیم دئییرم پس کی بهاره

دئم قارپیزی ، نارنگی، لیمو، پرتقال، انجیر

به به، نئجه گؤر گلدی بازاره

پُز وئردی خیاره

*

گون نورونو ساچدی

داوودی گولی قول قاناد آچدی

من مدرسه نین باشلانیشی شَنلیگه دولدوم

روحوم گئنه شادلیقلاری ایچدی

پروانه تک اوچدی

*

احساسیله یاتدیم

رؤیاده  نه گؤر  حیرته  باتدیم!

پالتارلارینی  بیر بیر  آغاجلار  سویونورلار

من پالتاریمی آمما چوخاتدیم

راحتلیگه چاتدیم

 

شور زلال عاشورا

 دانلود آهنگ زلال عاشورا ( تمرین ریتم زلال بالا ):

http://sound.zarup.com/150830-download-02.mp3.html

 

دریافت فایل

 

 

 

وزن شعر :

 

فاعلاتن فاعلاتن

فاعلاتن فاعلاتن فاعلاتن

فاعلاتن فاعلاتن فاعلاتن فاعلاتن

فاعلاتن فاعلاتن فاعلاتن

فاعلاتن فاعلاتن

 

 

کربـلانی  ماتـم  آلـدی

چیگنینه زینبده  قانلی پـرچم  آلدی

گولشنه اود ووردولار گوللر سوسوز چؤلده سارالدی

شیعه لـر قلبین خداونـدا  غم آلدی

گؤزلرین جامین نم آلدی

*

آغلیار تلّ اوسته زینب

داغلیــــار  دونیـــانی  دستـه دستـه  زینب

قالدی  پیغمبـــر  بالاسی  قانلی  میدانـدا  کؤمک سیــز

نئیله سین قان عرصه سینده خسته زینب

قارداشا دلبسته زینب

*

آغلیــار حیـدر حسینه

حضرت ِ  زهـرا  و  پیغمبـر  حسینه

آغلیـار  داغـلارلا  باغـلار  دریـالار  گلمیش  نـوایــه

قانلی داش و نیزه و خنجر حسینه

مسجد و منبر حسینه

 

 

 

 دانلود آهنگ زلال عاشورا ( تمرین ریتم زلال بالا ):

http://sound.zarup.com/150830-download-02.mp3.html

 

 

وزن شعر :

 

فاعلاتن فاعلاتن

فاعلاتن فاعلاتن فاعلاتن

فاعلاتن فاعلاتن فاعلاتن فاعلاتن

فاعلاتن فاعلاتن فاعلاتن

فاعلاتن فاعلاتن

 

 

ای  شـــــریف  آزاده  انسـان!

ایستییه ر  سن تک  مسلمـان  دینـه  قرآن

قهرمان سن سن شرف دریاسی سن سن عشق سن سن

ائیـلـه ییبسن  عالمی  بـاخ گـؤر  نـه حیـران

یا حسین جان یا حسین جان!*

*

بـاغـلادیـن  حقّیـلـه  پیـمـان

اَیـمه دیـن  زوره  بـویـون  دونیـاده  بیــر آن

عشق دانشگاهـی نیـن  استــــادی  ای  عالـمـده  اُلگـو !

سؤیله یَـه ر   احسن سنه  دادار  سبحان

قانین آخدیقجا لب عطشان

*

سرور  و  شاه  شهیدان

آشنـای  عـالـم  پــر شــور  عــــرفـان

کیـم  کئـچَـر  اهـل  و  عیالیندان  بـو  شور  و  رغبتیله !

وار یوخون بیر گونده ائلَر دینه قوربان؟!

امتحان وئردین نه آسان!

*

ای عـزیــز و نــور  رحمان

اؤلمه ییبسن  تا  همیشه  جاودانسان

انـقلابیندان  آلیـــر  درس  انـقلابـلار  بــــو  جهـانـدا

فخر ائدیـر گؤیلر  سنه  ای جان جانان

اولدون آی گوندن درخشان