عشق نه دیر ؟ بیلمه دین!
هانسی کؤنول سنله گئدیر؟ بیلمه دین!
من نئچه یول آخ سنه یالوارمالییام؟ سایمادین!
کیم یارامی سانکی دیدیر؟ بیلمه دین!
کیم نه ائدیر؟ بیلمه دین!
قیش، سنه اولسون سلام !
( به زبان ترکی )
قیش گلیب، تاخ تاخ تاتاخ
شاختـادان دوندی بـوتـون تاختـا تابـاخ
قارکولک دی، چن دی ، بوز، هر یئر قیرو، هر یئر سازاخ
چیلله چیلله بیـز گره ک قیش دان داداخ
ائتمه سین چوخ قاش قاباخ
*
داغلار آغ کؤینک گئییر
باغ و بستــانــه کولک لای لای دئییر
شاختادان گؤیده بولودلار تیتره ییر هئی قار یاغییر
یئـــر آغیـز آچمیش او قارلاردان یئییر
آسمـانـه بـاش اَیـیــــر
*
اولدو قار هر کوچه دام
من باباملا جورلـه دیم قاردان آدام
قیش دادا وار چوخ گؤزللیکلرله لذّتدن خبـر
قیش سیز ائتمز یاز بو یئر اوسته قیام
قیش، سنه اولسون سلام !
*
یئر اوشور قار یاغماسا،
داغ تپه ، چایلار ، باتار هر گون یاسا
آمما من قیشدا گرکدیر ایستی پالتارلار گییه م
قویمایام تـا شاختا دان جانیم سوسا
یا مریضلیکدن میسا
دادا بیلوردی
يالقيز گزيـرم
من اؤز گؤزوم ايله گؤرورم اؤز جانيمي چالخالانیر قان آراسيندا
عالم دولانيـر باشيما حيرتله نيـرم چؤل دولو قوربان آراسيندا
من اؤز گؤزوميله گؤرورم يئر كوره سينده سينيبان غصّه لي كؤنلوم
آرتير يارام آنجاق كيچيلير دونيا غريب جانيله جانان آراسيندا
بير باشقا يوخو پرده چكير سيرّيمه آيدينلاشاراق سئوگي خيالـي
اؤز دونياما باش وورماغا حيران كيمي يم كفريله ايمان آراسيندا
من اؤز گؤزوم ايله گؤرورم پارچالانير جانيمي ات تورپاغي ايچره
گيزلين كؤنوله قان سوزوبن قان اودورام عالم ِ عرفان آراسيندا
من منصورولا حافظ ايله حتّي فضولي له واريديم تانيديزمي ؟!
بير عؤمر نسيمـي لنيديم مست قيزيل قانيلـه ميدان آراسيندا
حق عرصه سي خلوتله شيب ايندي يخيلان عشقدي يالنيز بـو آراده
دينديرمه مني دالغالانيب داشسا گؤزوم وصليله هيجران آراسيندا
انساني مجازي حال ائديب باغلي يئر اوستونده كي شهرتلره آنجاق
يالقيز گزيـرم گؤیده کی عشقيلـه بــو ميلياردلار انسان آراسيندا
جانلار آييلينجا یئنه عاشقلـري رؤياده هوس بوغمادادیر آه
قيرغين دي دوماندي ازيلير حقّه وورولموشلاري كَروان آراسيندا
بو يئرده اگر ائتسه تكبّرله دومانليق يئني احساسلا را خـانليق
عشقين قوُشونيلا گئنه چَه رلتمه لي ييك خانليغـي طوفـان آراسينـدا
گؤردوم حقه ناحقّ بَـتـه َر اوخشاياراق ديل ياريلير سؤز اؤزو آغلير
بيردن اوره ييم ياندي تك آ للّاهه مسيحي له مسلمان آراسيندا
هـردن گئجه قوينوندا قولاق پنجره سين تيتره ديبن جانيمي اوْدلور
بير غملي سيزيلتي سَسي طغيان ائدَره ك يانغي بيابان آراسيندا
تعجيل ائـلـه اي گولشنمين واله و سرمست غزلخواني دادا آه !
آواره دي پيمانـه م انَا الحق دييَه ن عالم دوْلو اصلان آراسيندا
دادا
زلزله
گئنه دونیام بوزولور
گئنه احساسیمی آلقان سوزولور
یئر آغیز آچدی نفَس چکسین اؤزون دینجَتسین
گؤردو داغ سینه سینه غم دوزولور
نه اوره کلر اوزولور
*
نه پتَک لردن اؤتور
نه ده صاحیبسیز اینک لردن اؤتور،
باخارام ، آواریله ال بــه یاخا ویرنیخانا ،
یانارام قانلی بیلک لردن اؤتور
داغ اورک لردن اؤتور
*
منیم آی هم وطنیم!
منیم آی غصّه یه باتمیش بدنیم!
دؤزگیلن بیرده سوُلان اؤلکه میزه یاز گلسین
چیچگه دولسون اوغولسوز گزه نیم
یاشیل اولسون کفنیم
دادا بیلوردی
مناجات
الهی! آل سلامیم بنده وَم من
علاجی قطع اولان شرمنده وم من
ای عالمده وئرن مخلوقونا جان!
منه اؤز رحمتیندن ائیله احسان
الهی! معصیتکار و ذلیلم
الیم بوش، آستانیندا دخیلم
بو عاجز بنده وه رحم ائیله آلله!
سن ای پنهانی درد و سیرره آگاه!
الهی! ای غریبلر پادشاهی
بوتون بی کس لرین پشت و پناهی
قبول ائت طاعتیم، عفو ائت گناهیم
ائله محشرده آسان دادگاهیم
الهی! داد او گوندن کی وئرم جان
دوعایه قالمییا بیر ذرّه ایمکان
چکه اعمالیمی بیر بیر حسابه
سالا مأمورلارین روحوم عذابه
هایاندا واردی سندن باشقا قدرت؟!
هایاندا واردی سنسیز دوز رفاقت؟!
سنه پس التماس ائتمیم نه ائیلیم؟!
سنه تکجه سپاس ائتمیم نه ائیلیم؟!
الهی! دونیا زندانیندا گیرم
یئتیش فریادیما آنجاق، اسیرم
دادا بیلوردی
گؤزلریم اولموش ارس
دالغا دالغا جان سنی ائیله ر هوس
گل کی تکلیکدن بوغولدوم هئچ نه واریم قالمادی
اولماسان من عاشقه دونیاده سَس
خلوت ائیلیم کیمله پس؟
دادا
گؤزلریم اولموش ارس
دالغا دالغا جان سنی ائیله ر هوس
گل کی تکلیکدن بوغولدوم هئچ نه واریم قالمادی
اولماسان من عاشقه دونیاده سَس
خلوت ائیلیم کیمله پس؟
دادا
یالواریرام
رؤیادا زولفون داریرام
من سنی دویدوقجا کی وارسان قاندا
قلبیمی آنجاق یاریرام
آختاریرام
دادا
من او گون دولدوم آها
آتدیلار پولسوز منی درمانگاهـا
بؤیره گیم جیسمیمده سالیمدیر قانیم قلبیمده صاف
اولمادیم مؤحتاج نامـــرده داهــــــا
شوکر اولسون آللها
دادا
هایانداسان گؤزللرین گؤزلی؟!
ائدیـر منی او سئوگین آیریلیـق یولوندا دَلی
اَزیر بوکؤنلومو آنجاق چاپیـر زمانـه دویغوم اوسته داهـا
یئتیش دادا کسیلمه سین بو یول محبّت الی
دانانمیرام گونش سنی گؤره لی
دادا
شـور و سـاز گلدی گئنـه
عشقلــه یـــار اولدو ســاز ، گلدی گئنه
شعر جان تاپدیقجا دویغوم قاینادی،اؤز سئوگولوم
دفتـریـم اوستونـده یــــاز : گلدی گئنه
نازلــی یـــاز گلدی گئنـه
دادا
سنسيز گؤزه ليم گلمه سن آخـر باهـار اولماز
سنسيز گؤزَه ليم گلمه سن آخـر باهـار اولماز
گولشنده كـــي بولبول لـرينه اعتبـار اولماز
دونيا دولو حوري اولا ، عالـــم دولــو عارف
سن تك منِ شيدايـــه بيليـرسن كي يـار اولماز
سن گل كي دوُنور دویغومو بیر ایستی زُلال تک
یازفصلی کؤنوللرده داهــــا بئیله قــار اولماز!
قلبيم سيناراق بيــــر نفريــم يـوخـدو هـــوادار
هئچ عاشقه هئچ يئــرده بئله روزگار اولماز
قان آغــــلاييرام شهـري غـريبانه گـَـــزَه نـده
دونياده بئلــه ســــوز ِ غم ِ بيشمار اولماز
معلومدوكـي غــربتده اگــــــــر اولماسا مؤنس
انسان چاليشا هـــر نه قـَدَه ر رستگار اولماز
فريـــاد و امـان درده سالان تكليك اليندن
گلسن داهــــا بـو غملي گؤزوم اشكبار اولماز
هاردان سني من آختاريـم اي نازلي نيگاريم؟!
آخــر بئلــه دونيـــاده اوزون انتظار اولماز
سن گل کی جهان سنسيز اولار واديِ ظلمت
قان اوددورار هرگون دادايـــا سازگار اولماز
دادا بیلوردی
دوز رفاقت گؤرمــه دیــم
دونیـــادان آنجـاق محبّت گؤرمــه دیــم
چوخلاری اولدی قارین یولداشی،آج واختی قَنیم
خوشلوقی هئچ کیمده عادت گؤرمه دیم
عشقی راحت گؤرمه دیم
دادا
دوتما یولوم ای سئیل!
قییما کی بولوت کیم سوُلوم ای سئیل!
انصاف ائله بیر آز دایان ، اولما منه راضی ،
بو عرصه ده غملی قالیم ای سئیل!
پوُزما حالیم ای سئیل!
دادا
منه بايرامدير او گون كي...
گؤزه ليم گل قونوشاق باهم اورك دن دانيشاق
سئوگي دن، آرزيلاريمدان ، گَـله جك دن دانيشاق
بيزكي بير عؤمر بو زندان دا قالانلار دَه ييليك
باش ووراق گولشنه بير يولدا چيچك دن دانيشاق
دويغوموز لاپ آخار اولسون سؤزوموز أن دادلي
سوسوزا ســو آجـا البتــّه چؤره ك دن دانيشاق
قارغيلانميش يئري دولدوردو دومانلار دور گَل!
تانري دان نور ديله ييب خالقا كؤمك دن دانيشاق
سئوگي يوردوندا دوْنان دويغولارا باش وئـرمه
ياخشي اوْلماز داها یاز فصلی كولك دن دانيشاق
يانغيلي قوْ ل بويون اولماق نه قَـدَه ر رؤياده ؟!
گل دوْداق بير اوز اوزه آنجاق امك دن دانيشاق
بير قوجاق شنليك ايله كؤكسومو قيوْراق دولاناق
اؤلكه مه شار سالاق ايستكله ديلك دن دانيشاق
قلبيمي آل اليم اوستوندن آخـان قانيمي گـؤر
قلم آلتيندا سينان باغلـــــــي بيلك دن دانيشاق
قافالــــــي ائللـــــريمين قايغيلاريـــن دويدوقجا
گؤز ياشيمدا بوْغولان خسته بَبَك دن دانيشاق
سؤیكه نركن گونشه عدل دن آرتيق سؤز آچاق
يازيق اینسانــلارا يارديـــم ائله َمك دن دانيشاق
دونيانين يـوخ يیيه سي ظولم چيخيبدير عرشه
گل گوناهسيز قان اودان حوري - ملك دن دانيشاق
آختاريب بيرجه تاپاق گؤيده كي بخت اولدوزونو
عؤمرومه قوْرا چَكن چرخ ِ فلك دن دانــيشاق
هئچ بيليرسن نهَ يَه خاطير سنه بئل باغلاميشام
هئچ بيليرسن نييه يالوارديم اوره ك دن دانيشاق؟!
ايستيرم گوزگو اولام يئرله شه سن باغریمدا
حسنيوه تانري وئره ن بوْللو بزك دن دانيشاق
منه بايرامدير او گون كي جمالين شمعي شاخا
باغـــري يانميش دادا آدلي كپَهَ نك دن دانـــيشاق
دادا
بایرامیز موبارک اولسون
کؤنولوز شادلیقیله ،عشقیله دولسون
یاشاییش باغلاریزی باللی چیچکلرله بورونسون
گؤروم آلله آجیلیقلاریـــزی یولسون
غملریز هر نه دی سولسون
دادا
اوُ، قارنی تولیق دیر
احساسی سولی جانی ایلیق دیر
ایستی سویوقو آنلاماییر،قیش یایی دویمور
دریاده اوزه ن سانکی بالیق دیر
بیلمیر باهالیق دیر
دادا
اوُ، قارنی تولیق دیر
احساسی سولی جانی ایلیق دیر
ایستی سویوقو آنلاماییر،قیش یایی دویمور
دریاده اوزه ن سانکی بالیق دیر
بیلمیر باهالیق دیر
دادا
آخیـرام عشـق هاییندا
دویـورام غیـرتی من سئوگی پاییندا
گئنه بیرلیک آغاجی ریشه له نیب قوُل قاناد آچمیش
آییلارکـن سو ایچیـر فجـــر چاییندا
گول آچیر بهمن آییندا
دادا
سوُلور رسولِ خدانین صفالی بُستانی
اولوبدو شمس و قمر، مبتلاسی زهرانین
سالیبدی جانه شرر اودلو یاسی زهرانین
غروب رنگی تاپیر اون بیر اولدوزون گونشی
دولور سحابیله غملی سماسی زهرانین
یاواش یاواش دولانیر گؤی حسن حسین(ع) باشینا
گلیر کی زینبه ساری صداسی زهرانین
کیچیک یاشیندان اولور درده آشنا زینب
تاپیر ادامه قیزیندا وفاسی زهرانین
دوشوبدو داهی گؤزوندن مین اوزلو دونیانی
اولوب اؤلوم گئجه گوندوز دوعاسی زهرانین
ائشیتسه بئیله دوعانی چتیندی بیر کیشی یه
بو حالدا، نئیله سین آخر آقاسی زهرانین!
باخیشلارین دَییشیر مرتضا زمانه یه دای
قاتیبدی فیکرین عجیب کربلاسی زهرانین
نه جور زمانه یه ائتسین پس اعتماد علی(ع)
بیر حالداکی شهید اولدی بالاسی زهرانین!
نه نوعی پس گییه جک رنگی پالتارین زینب(س)
بیر حالداکی قانا باتدی لباسی زهرانین(س)!
سوُلور رسول خدانین صفالی بُستانی
اولورکی لاله به لاله یاراسی زهرانین
عطش قناری یه بنزه ر قاناد چالیر زینب
اوجالدیقیجا عذابدان نواسی زهرانین
خانیم بیله ر خانیمین یاخشی نیسگیلین دردین
اولار کیم آخی زینبه تای آشناسی زهرانین؟!
او گون کی کرب و بلاده یانیردی خیمه لری
یئر اوسته تازه له نیردی عزاسی زهرانین
گلیردی قلب فلک دن صدای «جان زینب»
یانیردی گؤز قاباغیندا آتاسی زهرانین
تمام اولمایاجاقدی یانیر بو غمده گئنه
وفالی خلقیله « شاعیر دادا» سی زهرانین
دادا بیلوردی
سوُلور رسولِ خدانین صفالی بُستانی
اولوبدو شمس و قمر، مبتلاسی زهرانین
سالیبدی جانه شرر اودلو یاسی زهرانین
غروب رنگی تاپیر اون بیر اولدوزون گونشی
دولور سحابیله غملی سماسی زهرانین
یاواش یاواش دولانیر گؤی حسن حسین(ع) باشینا
گلیر کی زینبه ساری صداسی زهرانین
کیچیک یاشیندان اولور درده آشنا زینب
تاپیر ادامه قیزیندا وفاسی زهرانین
دوشوبدو داهی گؤزوندن مین اوزلو دونیانی
اولوب اؤلوم گئجه گوندوز دوعاسی زهرانین
ائشیتسه بئیله دوعانی چتیندی بیر کیشی یه
بو حالدا، نئیله سین آخر آقاسی زهرانین!
باخیشلارین دَییشیر مرتضا زمانه یه دای
قاتیبدی فیکرین عجیب کربلاسی زهرانین
نه جور زمانه یه ائتسین پس اعتماد علی(ع)
بیر حالداکی شهید اولدی بالاسی زهرانین!
نه نوعی پس گییه جک رنگی پالتارین زینب(س)
بیر حالداکی قانا باتدی لباسی زهرانین(س)!
سوُلور رسول خدانین صفالی بُستانی
اولورکی لاله به لاله یاراسی زهرانین
عطش قناری یه بنزه ر قاناد چالیر زینب
اوجالدیقیجا عذابدان نواسی زهرانین
خانیم بیله ر خانیمین یاخشی نیسگیلین دردین
اولار کیم آخی زینبه تای آشناسی زهرانین؟!
او گون کی کرب و بلاده یانیردی خیمه لری
یئر اوسته تازه له نیردی عزاسی زهرانین
گلیردی قلب فلک دن صدای «جان زینب»
یانیردی گؤز قاباغیندا آتاسی زهرانین
تمام اولمایاجاقدی یانیر بو غمده گئنه
وفالی خلقیله « شاعیر دادا» سی زهرانین
دادا بیلوردی
بو باش دا یئرده منیمدیر بدن ده یئرده منیم
سنینله بو گئجه من قایغی دان جالانمالییام
دانیش کی بیر داها اوْل کؤزلرینده یانمالییام
دانیش کی غم قوجاغیندا داریخمادان اؤلورم
بَه بَه کلرینده ائدیب یئر گَزیب دولانمالییام
زامان یارامــی دئشَرکن سیزیلداییر کؤنلوم
گؤزوم یاشیله چیمیب بیرده چالخالانمالییام
یارالی بولبولونو چَک یانیقلی باغرینا کیم
یاواش یاواش دییه سن من دَه آرخالانمالییام
گونش دونوندا بولودلار افاده ساتسا اگـر
گون اورتا چاغی گونون اولماسیندا دانمالییام
سئوینج قاینامیر هردن اینام آزالمادادیـر
دَریم سویولسادا آنجاق بو سیرّی قانمالییام
دوداقیمی تیکه لرده سؤزوم شورولدایاجاق
محبّتین قانـی آخسا ، قـانـا بـویـانـمالیـیام
بو باش دا یئرده منیمدیر بدن ده یئرده منیم
بوغازیمــی کسه لـرده حقـی اینانمالییام
دئییرلـر عشق آیاغین اوزوبدو گولشندن
دوز اوْلسا یوردومو سَنله دوروب دولانمالییام
کؤنول قانیله دوْلورسا ، دومانلی عرصه لره
گیریب بو خلقیمه خاطیر هرآن دایانمالییام
*
دادا اوْجاغین آلاوْلیر داغین چوخالمادادیر
هایین گلیر اوجا یئردن سنینله یانمالییام
دادا بیلوردی
قار یاغیردی، گول چمن،
سانکی گئیمیشدی یئر اوستونده کفن.
من اؤزوم بوز آیناسیندا آخرت دن گؤردوم ایز.
اؤلدورورسن،جان وئریرسن عشقه سن
ای منیم تانریم نه سن !
دادا
قار یاغیردی ، من ، دونن
بیـر قوشـی گؤردوم تاپانمیـر یئـرده ،ده ن،
بـو شرایـط ده آدامـلاردان دا وار شـایـد دئـدیــم.
زنگ ووردوم: یوُخسان هئچ دای عمّه سن؟!
سؤیله دی: آجدیر حسن...
دادا
فیکـر ائیله درمـانا
دردی دوغوب یاتیرتما یان یانا
بیز انقلاب اوشاقلاری ییق،جنگ بیشمیشی
کؤنلون یانیر اگر بـو ایرانا
باج وئرمه دوشمانا
دادا
قیشیمی یاز ائله گـل!
یارالی کؤنلـومـه پـرواز ائلـه گـل!
یئنه آل قوینونا بوعاشیقینی یانغی سایاق
سئوگیلر ماهنیسین آواز ائله گل!
غمیمی آز ائـله گـل
دادا
چوخلات گؤروشلرین،
عشقی دیریتسین اول اؤپوشلرین،
کؤنلومله وئرسین ال اله سون آرزولاریم.
ای لاله لبین اینجه دیشلرین!
خوشدور گولوشلرین
دادا
عشقیـله بوردا گـز
آتدیم به آتدیم هر غمین وار از
بیرگون اولار کی بو نئچه گونلوک عجاز گلین
توپراقیله ائده ر سنی عوض
ایسته ر یا ایسته مه ز
دادا
قالخیب اوُتورماغین
هـردن یئریشین یا کی دورماغین
شخصیّتیندن ایــز ، ادبیندن نیـشانـــه دیـــــر
بوُینون کؤکون نه دندی قورماغین،
ناحقّه بورماغین؟!
دادا
اوندا کی جانیم کوسه ر
سؤیله رم: بیخود یاراتما دردسر،
حدّ دن چوخ اولسا بو دونیاده عشقین آتشی
عاشقی کول ائیله ییب نسلین کسه ر
سئوگی دن قالماز اثر
دادا
پروانه سن مگر؟
باشسیز دولانان شانه سن مگر؟
گیزلینجه یانماغین گونشین اوزدو باغرینی
حلّاج سان آیا نه سن مگر؟
دیوانه سن مگر؟!
دادا
تاپسام سنی اگـر
عشقینله یانیب داغلارام جگر
زولفون گؤزوم یاشیله یوووب تئز داراقلارام
سرگـردانام دالینجـا دادگـــر!
سن هارداسان مگر؟
دادا
گونلر گئچه ر گئده ر
روحوم قوشو اونلا کؤچه ر گئده ر
فیرلاننام آنجاق عقربه تک اؤز کناریمه
غملـر گلیب قانیم ایچه ر گئده ر
کؤنلوم بیچه ر گئده ر
دادا
نه جان دئرلر
نه بو عطشانه یان دئرلر
هوسبازلاردیلار بازار و میداندا
کی دریانی اینان دئرلر
یالان دئرلر
دادا
پائیــز زُلالی
پائیـز گئنه گلدی
هر یئر دولو یارپاقدی خزل دی
سانکی یئـره نقّاشی چکیبلر سالینیب فرش
بو منظره نی آخ نه گؤزل دی!
پائیـز گئنه گلدی
*
بـاخدیـقجا اَنـاره
یئتدیم دئییرم پس کی بهاره
دئم قارپیزی، نارنگی، لومو، پرتقال، انجیر
به به، نئجه گؤر گلدی بازاره
پُز وئـردی خیـاره
*
گون نورونو ساچدی
داوودی گولی قول قاناد آچدی
من مدرسه نین باشلانیشی شَنلیگه دولدوم
روحوم گئنه شادلیقلاری ایچدی
پروانه تک اوچدی
*
احساسیله یاتدیم
رؤیاده نه گؤر حئیرته باتدیم!
پالتارلارینی بیـر بیر آغاجلار سویونورلار
من پالتاریمی آمما چوخاتدیم
راحتلیگه چاتدیم
دادا بیلوردی
بیر گون بیر «ایل» دیر
اوُل دم کی عشـق بی دلیل دیـر
بـو مغزلن بـو هوش و ذکاوتـله دونیــــــادا
باش هر نه یه بیر پارچا «دیل» دیر
اینسان ذلیل دیر
دادا
گؤیدن نه داش گلیر!
باخ گؤر نه گلن داش یاواش گلیر!
جنگ ایله صلح ال اله وئرمیش قاماس قاماس
تا سئوگی قورخماسین یاناش گلیر!
گؤز باغلی، قاش گلیر!
دادا
ای بؤیوک اینسان،حسین(ع)!
ای بیــزه تـعلیـم ائـدن عــرفـان! حسیـن(ع)!
ظولمتین باغریـن یاریبـسـان پـارلاق اولـدوزلار تـکی!
باغلامیشدین کیملـه سن پیمان حسین(ع)!؟
جان سنه قوربان حسین(ع)!
دادا
امام حسین(ع)
ای زُولاللیقدا گزه ن!
ای بولانلیق گؤللرین باغرین ازه ن!
سنسیز هئچ مئیداندا من دوزلوک، شرافت گؤرمه دیم
سن سن آنجاق تانری نین غیرت جـوشان عرفان دَنیـزینـده اوزه ن.
سندن ایچدیم من بو گون آزادلیغین سون نغمه سین
دونیا وارسا تانری عشقیله بزه ن
ابلیسه آغزین بوزه ن!
*
ای بؤیوک اینسان،حسین(ع)!
ای بیــزه تـعلیـم ائـدن عــرفـان! حسیـن(ع)!
ظولمتیـن باغریــن یاریبـسـان پـارلاق اولـدوزلار تـکی!
کیم کئچه ر سن تک بئله دریایه چاتدیقجا عطش جاندان حسین(ع)!
کیــم آلار حیـثـیّـتـیـن سـن تـک قیـــزیـل قاندان آقــا!
باغلامیشدین کیملـه سن پیمان حسین(ع)!؟
جان سنه قوربان حسین(ع)!
دادا بیلوردی
قوپدو جانیـمده کولَک
دوندوروب داغ بئینیمی ائتدی اَلک
هئچ یئره دویغوم آخانمیرهئچ کیمه قیزمیر سؤزوم
بیلمه دیم آنجاق بشردیـر یــا ملک
سیندیریر بئیله اوره ک!
دادا
گلیب بیر آن دولان یئرده
نه گؤر سایسیز یئتیم وار،باش یولان یئرده
قالیب دوزلوکدن آد یالنیـز، قیامتدندیـــر ایـز یالنیـز
داهـا یـوخ حـقّـی ظالیـمـدن آلان یئــــرده
یالان یئرده،یالان یئرده
دادا
.jpg)
آغلییار تلّ اوسته زینب(س)
داغلییـار دونیــانی دستـه دستـه زینب(س)
قالدی پیغمبـر بالاسی قانلی مئیداندا کؤمک سیـز
نئیله سین قان عرصه سینده خسته زینب(س)
قارداشا دلبسته زینب(س)
دادا
ائیله دین طوفان حسین(ع)!
قالـدی عالم لـر سنه حئیـران حسین(ع)!
باشیـوی کشـور بـــه کشـور آیـریـلاندا جسم دن
کاش اولئیدی بو یئری ویران حسین(ع)!
جان سنه قوربان حسین(ع)!
دادا
اؤزونو گؤر
هر زامان آشاغایا باخاندا اؤزونو گؤر !
بو سؤزون عکسینده دئمک اولار: یوخاری باخاندا یالنیز اؤزونو گؤرمه گیله!
بیز قدیم دن آتا بابامیزدان ائشیتمیشیک کی دئییبلر: بیری نین الیندن گره ک ائله دوتاسان کی او بیری الین خبری اولماسین!
امام علی (ع) حضرتلری یوخسوللارین ائوینه خوُره ک آپاراندا قاپینین بیر اوزونده ائله دوراردی کی یالنیز اؤزوندن سونرا هئچ کیمی گؤرمزدی . دئمه ک: ایستَمه زدی کی پای آلان اونو گؤروب تانیسین ، آنجاق ائله بونا گؤره ده چوخلو واختلار گئجه لر بئله یاخشیلیقلارا ال آتاردی.
آدام گره کدیر وارلی چاغی اؤزوندن آشاغا باخاندا بوینون دیک دوتماسین و ال دن دوتان چاغی اؤزون ائله کیچیک سایسین کی ائله بیل ، ال آچان کیمسه اوُ اؤزودور!
یاخشیدیرکی بیری نین الیندن دوتماق ایسته ین کیمسه تانری ایله اؤزوندن باشقا هئچ کیمی گؤرمه سین، چونکی تانری ، اؤنجه آلار سونرا وئره ر. بؤیوک تانری اوتانان یوخسوللارین اؤنونده یاخشیلیق ائتمه گین پایین او چاغ وئره ر کی یاخشیلیق یالنیز اوندان اؤترو اولسون ، مثال اوچون یاخشیلیق ائدن ، یوخسول بیر کیمسه دن هئچ نه اوممایاراق ، حتتا گؤزو گؤزونه ساتاشماقدان دا بَری اولمالی دیر.
یعنی: اگر یاخشلیق ائدن ، یوخسولدان چوخلو حؤرمت و سئوگی گؤرسه و بو ایشدن لذّت آپارسا ، اوندا ائله بیل کی پایین آلیبدیر و تانری وئره ن پایا داها یئر قالماییبدیر!
آدام گره ک وارلاندیقجا اؤزون یوخاری دا گؤرمه سین ، آداملارین اوره کلری بیر بیرینه باغلیدیر ، شاید بیر گون یئتیشه کی همان وارلی کیمسه ، بوتون واری الدن گئده رکن اولا همان یوخسولون تایی کی ال آچماغا مجبور اولوبدیر. آنجاق گؤرسه ک بیرکس یوخسوللوق آغری سین آزالتماق اوچون دوغرودان یالواریر ، الیمیزده بیر زاد اولماسادا اوزون آچمایاق و اونا توخونوب دیل یاراسی وورمایاق ، اوندا گؤره ریک بیزیم جایماغیمیز تانری نین گؤزو ساتاشان چاغا دوشدو و آز چوخ الیمیزده کی لری ده آلیب آغلادا آغلادا گؤرمه دیگیمیز یئره یولا سالدی ...
یازان: الف. عظیمی بیلوردی ( دادا بیلوردی )
بیر پارا یالاندان الینه قلم آلانلار، ادبیّات دونیاسیندا یوخلاییب ایکی ساعات سونرا اویانیب اؤزونون اوستونه شاعیر آدی قویانلار کی وزنین یالنیز کُپی سین بئیینلرینده دولاندیریرلار و هئچ نه شعر موسیقی سیندن باش چیخارا بیلمه ییرلر ، گلیب نثر یازینی نین کلاملارین دوزمه ک ایله شکیل جورله ییب بئیینلرینه دولدوروبلار ، اودور کی قافالاریندا داها زولال یؤندمین دویماغا یئر قالماییبدیر.
بیر پارا، پاخیل و خبیث اینسانلار ، اؤزگه نین بیر عؤمر زحمتلرینه خط ووروب اونو کوُرلاماقلا ، ایسته ییرلر بعضی لری نین یانیندا ایکی گونلوک آد قازانسینلار. آنجاق زُلال یؤندمین دوشونمه ک اوچون اونون بوتون قانونلارین اوخوماق گره کدیر:
کلیک به آدرس قالب های سبک زلال:
http://galebezolal500.blogfa.com/
آدرس فنون زلالسرایی:
آدرس فنون زلالسرایی
بیز هارداییق؟
عالم ده نئچه مین میلیارد بلکه ده سایسیز، کهکشان واردیر و اونلارین بیری نئچه یوز میلیارد کوره دن عبارت اولدوقدا لاپ کیچیک لری نین بیری بیز اولان مکان ( یئر ) دیر. «یئر» او قده ر کیچیک دیر کی کهکشانین ایچینده بیلینمه ییر. آنجاق اگر عالمی بوتون کهکشانلاریله بیرگه خزر دنیزچه سینه اوخشاتساق ، « یئر » اونون ایچینده ایگنه اوجو قده ری اولان بیر داشدان دا کیچیک دیر کی بیر آز یئردن اوزاقلاشاندان سونرا ، توز کیمی ایتیر و داها گؤزه گؤرسه نمه ییر.
ایندی بیز ایسته ییریک بو ایگنه اوجو قده ری اولان داشین اوستونده هر اویوندان چیخاق!
بیر بیریمیزه پاخیللیق ائدیریک ، شؤهرته چاتماقدان اؤترو عدالتی آیاقلاییریق ، حرامی قاتیریق حلاله ، حلالی قاتیریق حرامه !
بو شؤهرت ، کهکشانلار آراسیندا ایتدی باتدی اولان توز کیمی بیر زاددان ( یئردن ) قیراغا چیخماییر.
آنجاق یئر باشدان آیاغا قیزیل دان اولا و بو قیزیل بیر نفرین آدینا یازیلا ، هئچ نه بیلینمه ییر . ایندی گل گؤر بیز اینسانلار بو ایگنه قده ری اولان توزون ایچینده ، اؤزوموزو گؤرستمکدن اؤترو نه ظولم لر ائدیریک ، نه قانلار تؤکوروک! و بئش نفر تانیماقدان خاطیره نئجه اؤزوموزو اوتا سویا ووروروق...!
بعضی آداملار او قده ر بو یئری یئکه گؤرورلر کی چوخ چکمه ییر اؤزلرین ایتیریرلر .
غرور ، پاخیللیق ، شهوت ده بوغولماق، شؤهرتده کئفلنمه ک ، ظولم ائتمه ک ، اؤزون بیَنمه ک ، سؤز یئریتمکدن اؤترو اونو بونو آلداتماق ، یالنیز اؤزون گؤروب عدالتی آیاق آلتیندا ازمه ک ، و بئلنچی بیر خصلت لر ، چوخلارین بو ایگنه اوجو قده ری اولان توزون ایچینده قویلاییب تانری نین باشقا عالملرده اولان ایشیغیندان اوزاقلاداجاقدیر...
یازان: الف. عظیمی بیلوردی ( دادا بیلوردی )
غدیر زلالی
چیچکله نیــر بو گون محبّت الی
گؤزللیک ایله قاووشمیش نه گؤر عدالت الی
اؤزون نیشان وئریر آنجاق گونشله نرکن ایستی سئوگیمیزی
سالام یاغیــر گونو گوندن اومود باغی ، قانادلانیر یاشیـــل جماعت الــی
قانیم جوشور یئنه دویغوم دامارلاریمدا یانغی یانغی یازیـــــر:
گرکـدیــــر آسمان اوزالـدا حقّـه بیـعت الـــی
ائدیبدیر عشقدن اطاعت علی(ع)
دادا بیلوردی
غدیــر زُلالی
چیچکله نیــر بو گون محبّت الی
گؤزه للیک ایله قاووشمیش نه گؤر عدالت الی
اؤزون نیشان وئریر آنجاق گونشله نَرکن ایستی سئوگیمیزی
سالام یاغیــر گونو گوندن اومود باغی ، قانادلانیر یاشیـــل جماعت الــی
قانیم جوشور یئنه دویغوم دامارلاریمدا یانغی یانغی یازیـــــر:
گرکـدیــــر آسمان اوزالـدا حقّـه بیـعت الـــی
ائدیبدیر عشقدن اطاعت علی(ع)
دادا
شهید
شهید عکسی نین یانیندان کئچنده سوسون! ...
شاید او بو دونیامیزدا قالسایدی ، بیزه بیل وئردی ده ( دانشکده ده ) یا دونیانین بؤیوک بیل یوردوندا ( دانشگاه دا ) اوستاد اولوب سؤز اؤرگه دیردی .... البته کی ایندی ده بیلگین دیر و بیز گره کدیر اونون هر دویغوسوندان بیر عالم یاخشیلیق اؤرگه نه ک!
شهید عکسی نین یانیندان کئچنده سوسون! ...
شاید او بو دونیامیزدا قالسایدی ، مجلسین و اؤلکه میزین بؤیوک باشلاریندان ایدی و سنین دردینه ده یه ر وئریردی ، البته کی ایندی ده بو دونیانین اوزده کی بؤیوک باشلاری اوندان درس آلمالی دیرلار ...
شهید عکسی نین یانیندان کئچنده سوسون! ...
شاید او بو دونیامیزدا قالسایدی ، مندن - سندن گؤزه ل دولانا بیلردی ، آنجاق بیز اوتاندیق ، او دولانماغینا گؤز یومدو ...
شهید عکسی نین یانیندان کئچنده سوسون! ...
***
عشق را با خونِ خود کردی تو معنا ای شهید
خویش را بردی به اوجِ عرش اعلا ای شهید!
بر تُهی دستـان نگاهی از حضورِ پاک باد
چشمِ یاری دارد از عشقِ تو دادا ای شهید!
یازان: الف. عظیمی بیلوردی ( دادا بیلوردی )
میدان دان دانیش!
چون یئتیشدین قطره تک دریایه توفاندان دانیش
عشقلر دریاسی ساحلسیزدی عرفاندان دانیش
عؤمریوین آیینه سین پاک ساخلا وجداندان دانیش
موج موج اعمال و تکلیفِ مسلماندان دانیش
شیطانا باج وئرمه ییب جرعتله میداندان دانیش
*
ای کؤنول بی درد وغم، مرهم سوراغین دوتما گَل
خلقه خدمت ایسته سن، ایمانی یعنی آتما گَل
دونیا بازارینده انصافی مقامه ساتما گل
صُبح «مهدی» سَسله ییب، آخشام نامازسیز یاتما گل
عشق دردین درک ائیله سونرا درماندان دانیش
*
سن یازیقلار دردینی گؤرجک روانون اَسمه سه
قویماسان بازارِ کاردا فرق یاخشیله پیسه
گیرمه مئیدانه ، روان اولما مقدّس مجلسه
قورخورام پیغمبر اوغلی قهر ائدیب سندن کوسه
امر ائده لال اوُل نه آلله دان نه شیطاندان دانیش!
*
لطف قیل سن یوسف کنعانه بنزه تمه اونی
بی مَثَل دیر شاه یا سولطانه بنزه تمه اونی
هیچ بیر ارباب و هئچ بیرخانه بنزه تمه اونی
حتّی بو یئرده گئنیش عمّانه بنزه تمه اونی
سؤز دوشنده «مهدی» دن، خلّاقِ رحماندان دانیش!
*
خالقیم موعود گونی بیر آن جهانی تنگ ائده ر
چونکی تصمیم، آخرین تصمیم دی، ساعت هنگ ائده ر
نور جوش ائیلیب قرانلیق لحظه لرله جنگ ائده ر
بی ریا عاشقلری صاحب زمان(عج) سرهنگ ائده ر
بی ریا اوُل، خالص اوُل، عشقیله جاناندان دانیش!
*
چون هدف سنگین دی دونیاده اولور حجّت تمام،
قطعاً آلله دا اؤزی بو عرصه ده ائیله ر قیام
تا کی عالم گؤرسه ده مهدیِ عشقه احترام
السّلام ای قدرتِ حق، صاحب عصر، السّلام!
گل ظهور ائیلیب بیزه اتمامِ هجراندان دانیش!
*
سنسیز ای آقا جهانین یوخ صفا و لذّتی
هئی آچیب سولماقدی بو گولشنده گوللر عادتی
سنده سولماق یوخدوسا، گؤرستسن اوُل قد – قامتی
اقتدا ائیله ر سنه دونیاده محروم مللتی
یالوارار آچ گول دوداغین، باغ و بُستاندان دانیش...!
بیلوردی
گلیب بیر آن دولان یئرده
نه گؤر سایسیز یئتیم وار، باش یولان یئرده
قالیب دوزلوکدن آد یالنیـز ، قیـامتـدنـدیــــر ایـز یالنیـز
داهـا یـوخ حـقّـی ظالیـمـدن آلان یئــــرده
یالان یئرده،یالان یئرده
دادا
سن منی مست ائیله دین
لذّتِ دنیـایــه پابست ائیـله دین
سن منی ای توپ! مجذوبِ تجمّل قیلدین آه
جان ائوین اغیاره دربست ائیله دین
گول آدیم پَست ائیله دین
دادا
بایرامیز موبارک اولسون
کؤنولوز شادلیقیله ،عشقیله دولسون
یاشاییش باغلاریزی باللی چیچکلرله بورونسون
گؤروم آلله آجیلیقلاریـــزی یولسون
غملریز هر نه دی سولسون
دادا
عشقله بایــرام گلیر
داغ گؤره ن بایرام یئلی آرام گلیر
موشدولوق وئر آغ دونون گولزار قویدی صاندیقا
یازه سئوگی جانی اولموش رام گلیر
گوللره پیـغام گلیر
دادا
منه بايرامدير او گون كي...
گؤزه ليم گل قونوشاق باهم اورك دن دانيشاق
سئوگي دن، آرزيلاريمدان ، گَـله جك دن دانيشاق
بيزكي بير عؤمر بو زندان دا قالانلار دَه ييليك
باش ووراق گولشنه بير يولدا چيچك دن دانيشاق
دويغوموز لاپ آخار اولسون سؤزوموز أن دادلي
سوسوزا ســو آجـا البتــّه چؤره ك دن دانيشاق
قارغيلانميش يئري دولدوردو دومانلار دور گَل!
تانري دان نور ديله ييب خالقا كؤمك دن دانيشاق
سئوگي يوردوندا دوْنان دويغولارا باش وئـرمه
ياخشي اوْلماز داها یاز فصلی كولك دن دانيشاق
يانغيلي قوْ ل بويون اولماق نه قَـَدَه ر رؤياده ؟!
گل دوْداق بير اوز اوزه آنجاق امك دن دانيشاق
بير قوجاق شنليك ايله كؤكسومو قيوْراق دولاناق
اؤلكه مه شار سالاق ايستكله ديلك دن دانيشاق
قلبيمي آل اليم اوستوندن آخـان قانيمي گـؤر
قلم آلتيندا سينان باغلـــــــي بيلك دن دانيشاق
قافالــــــي ائللـــــريمين قايغيلاريـــن دويدوقجا
گؤز ياشيمدا بوْغولان خسته بَبَك دن دانيشاق
سؤیكه نركن گونشه عدل دن آرتيق سؤز آچاق
يازيق اینسانــلارا يارديـــم ائله َمك دن دانيشاق
دونيانين يـوخ يیيه سي ظولم چيخيبدير عرشه
گل گوناهسيز قان اودان حوري - ملك دن دانيشاق
آختاريب بيرجه تاپاق گؤيده كي بخت اولدوزونو
عؤمرومه قوْرا چَكن چرخ ِ فلك دن دانــيشاق
هئچ بيليرسن نهَ يَه خاطير سنه بئل باغلاميشام
هئچ بيليرسن نييه يالوارديم اوره ك دن دانيشاق؟!
ايستيرم گوزگو اولام يئرله شه سن باغریمدا
حسنيوه تانري وئره ن بوْللو بزك دن دانيشاق
منه بايرامدير او گون كي جمالين شمعي شاخا
باغـــري يانميش دادا آدلي كپَهَ نك دن دانـــيشاق
بیلوردی
آخیـرام عشـق هاییندا
دویـورام غیـرتی من سئوگی پاییندا
گئنه بیرلیک آغاجی ریشه له نیب قوُل قاناد آچمیش
آییلارکـن سو ایچیـر فجـــر چاییندا
گول آچیر بهمن آییندا
دادا
قیرجاندی زمان
آچدیـن هؤروگون بیـر دیشی یـوخ شانـه دن اؤتـرو
یـانــدیـردیـن اؤزون بیــــر قــوجـــا پـروانـه دن اؤترو
احساس ائـله دین کئـفلی لــرین قیمتی آرتمیش
ساتـدیـن اوجــوزا عقلیـنـی میـخـانـه دن اؤتــرو
چــؤللر قـوشـو تـک عؤمرونو داغ داشدا چوروتدون
نـامــرده بـویـون اَیـدیـن آخیــــر لانــه دن اؤتـــرو
سن ائـل ده بـاریـش یـایـماغـا باش قاتمادا یالنیز
دیـوانــــــه چــومـاق بـاغـلادی دیـوانــه دن اؤتــرو
سن آغلادین عشقیندن اؤتور، سئوگی یه خاطیر
اؤزگـــه دئـــدی پـس یـانـدیـن او ویـرانـه دن اؤترو
قیــرجـانــدی زمـان فیـــرتـانـا دوغـدی وطنـمیده
حلله نــدی نـه خلقـه گـــؤره ، بیـگـانــه دن اؤترو
غــــرق اولــدو رقیـبـیـم زولالیـن دالـغــالاریـــنـدا
اؤلــدوردو اؤزون بیـلمه دیــم امّــا نه دن اؤترو!
مئی لـه دولـو تـاپـدیـن دادانی یـانغی لیغیندان
سیندیـردیـن آخیــر گـؤر نئـجـه پیـمانه دن اؤترو!
دادا بیلوردی
