بهمنین ییرمی دوققوزو موبارک اولسون

 

 

 

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

 

 

   علیرضا ذیحق

 

  بهمن ين ييرمي دوققوزي                                         

                                  

                                

اؤلكه ميزده حق  نداسي اوجالـدي 

                                        جلاد لارين رنگي سولوب سارالدي

ائل چاليشيدي شاه رژيمين پوزماقا  

                                       یئنـي قانـون يئـني تاريـخ  يازماقا

قوچ ايگيت‌لر بير-  بيرينه يار اولدو  

                                      ايشيـق دونيا  قولـدورشاها تاراولدو

فهله-  ايشـچي اكينچي‌‌لر اوياندي 

                                     شاه اؤنـونده تبـريز  اوگون  داياندي

قانلار آخدي هربير ياندا سئل اولدو

                                    ظفـر چـالان دؤيوش لرده ائل اولدو

شـرف سـاندي آذربايجان عصـياني 

                                    سنـگر اولـدو اوديـوردونـون هرياني

بهمن  آيي عصيـان آيي ساييـلدي    

                                   اوردا بـوردا ياتيـب قـالان آييـلـدي

 

فایناق: http://maral65.blogfa.com/post-346.aspx

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

 

 

كربلا اولوبدو بوتون يئرلريز

 

خورشیدی باشیندا نازلانیب سینن

نیزه سو ایچینده آلیشیب یانیب

نیزه اولدوغوندان اوتانیب اینان

نیزه اولدوغونو مین کره دانیب

 

گولللر اوچوردو قلبینه ساری

 غصه لی اوچوردو غملی اوچوردو

هارایی حشیری بوغوب ایچینده

اینان کی گوزلری نملی اوچوردو

 

آرپیچی الینده یالواریر سنه

تانکی وور وطنه ساری یورورور

بالا بالا دوشمنین توپراقی دا 

ادعا ایلییر هر آن بویورور

 

آناسی باجیسی باسار باغرینا

سفره گئدنده اینسان هر زامان

نه اولوب سیز جنت مسافریسیز 

دالیزجا یالقیزلیق سو سپیر،دايان

 

او اوزده صف قوروب ملائكه لر

قرآن اللرينده باخيللار سيزه

حسرتيز دولوبدو اوركلرينه

احتيرام ائدركن چوكوللر ديزه

 

 شيطاني يانديرديز شيطاني ياخديز

سيز بير عومور بويو بيزه شرفسيز

شلمچه، حويزه،فككه،حلبچه

كربلا اولوبدو بوتون يئرلريز 

 

فرید کریم زاده

 

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!