سبک زلال

 

 

 

غزل . بو باش دا یئرده منیمدیر بدن ده یئرده منیم

 

 

بو  باش دا  یئرده  منیمدیر  بدن ده  یئرده  منیم 

 

 

 

 

 

 

سنینله  بو گئجه  من  قایغی دان  جالانمالییام

دانیش کی  بیر داها  اوْل  کؤزلرینده  یانمالییام

دانیش کی  غم قوجاغیندا  داریخمادان  اؤلورم

بَه بَه کلرینده   ائدیب  یئر  گَزیب  دولانمالییام

زامان  یارامــی  دئشَرکن  سیزیلداییر  کؤنلوم

گؤزوم  یاشیله  چیمیب  بیرده  چالخالانمالییام

یارالی  بولبولونو  چَک  یانیقلی  باغرینا  کیم

یاواش یاواش  دییه سن  من دَه  آرخالانمالییام

گونش  دونوندا  بولودلار   افاده  ساتسا   اگـر

گون اورتا چاغی  گونون  اولماسیندا دانمالییام

سئوینج   قاینامیر  هردن   اینام   آزالمادادیـر

دَریم  سویولسادا  آنجاق  بو سیرّی  قانمالییام

دوداقیمی  تیکه لرده  سؤزوم  شورولدایاجاق

محبّتین  قانـی آخسا  ،  قـانـا  بـویـانـمالیـیام

بو  باش دا  یئرده  منیمدیر  بدن ده  یئرده منیم

بوغازیمــی  کسه لـرده   حقـی  اینانمالییام

دئییرلـر  عشق  آیاغین  اوزوبدو  گولشندن

دوز اوْلسا یوردومو  سَنله دوروب دولانمالییام

کؤنول  قانیله دوْلورسا ، دومانلی  عرصه لره

گیریب  بو خلقیمه خاطیر  هرآن  دایانمالییام

 *

دادا  اوْجاغین آلاوْلیر  داغین  چوخالمادادیر

هایین  گلیر  اوجا  یئردن  سنینله  یانمالییام

 

 

 دادا بیلوردی

 

 

 

بایرامیز موبارک اولسون

 

 

 

 

 

 

بایرامیز موبارک اولسون

کؤنولوز شادلیقیله ،عشقیله دولسون

یاشاییش باغلاریزی باللی  چیچکلرله  بورونسون

گؤروم  آلله  آجیلیقلاریـــزی  یولسون

غملریز هر نه دی سولسون

 

 

دادا

 

 

 

 

 

 

 

عشقله  بایــرام  گلیر

داغ  گؤره ن  بایرام یئلی  آرام  گلیر

موشدولوق وئر آغ دونون گولزار قویدی صاندیقا

یازه  سئوگی جانی اولموش رام گلیر

گوللره پیـغام  گلیر

 

 

دادا

 

 

 

 

بایرام و باهار سؤزو شعرلریمیزده

 

 

بایرام  و  باهار  سؤزو  شعرلریمیزده 

 

 

 

 

 

دونیانین بیر چوخ ادبیاتیندا اولدوغو کیمی ؛ ائله جه ده آذربایجان ادبیاتیندا دا بایرام سؤزونه اوزل بیر یئر آچیلمیش و شاعیرلریمیزین بیر چوخو بایرام حاقدا شعرلر قوشموش و یا شعرلرینده یئری گلدیکده بایراما ایشاره لری اولموشدور . آشاغیدا تقدیم ائده جه یمیز بیت لر  اونلارین بلکه ده  مین دن  بیری حسابلانا بیلر :

 

شیروانلی عماد الدین سید علی نسیمی:

 

باهار اولدو گل ای بولبول تماشا قیل بو گولزاره

بوراخدی غنچه لر پرده بشارت وئردی بو زاره

شقایق پرده دن چیخدی بویاندی باغ ایله بوستان

ایریشدی گولشنین حوسنو بویاندی رنگ ازهاره

 

 

قاسیم بیگ ذاکر:

 

بایرام گونودور ذوق و صفاخانه لر ایچره

جانانیم اوتورموش نئچه جانانه لر ایچره

 

شبسترلی میرزه علی معجز:

 

بایرام گونو دوشابی توکنده پیاله یه

قورخوم بودور کی شیربینینجی اوشاقلار یارالی یه

 

 

میر مهدی سید زاده:

 

بیر قوش اوچدو بیزیم باغا

سحر – سحر  اوخوماغا

قوندو  یاشیل  بیر بوداغا

دئدی  گؤزه ل  بایرام گلیر

 

 

 محمد حسین شهریار :

 

بایرام ایدی گئجه قوشو  اوخوردو

آداخلی قیز به ی جورابین توخوردو

هر کس شالین بیر باجادان سوخوردو

آی نه گوزل قایدا دی شال ساللاما

به ی شالینا بایراملیغین باغلاماق

 

 

 مجید یالقیز :

 

... چون یاخشیلیغا آدین چیخیب دیر

چک پیسدن اوزون کناره بایرام

طبعین بو طبیعتین دیشدین

قیش دوندو گوزل باهاره بایرام

ائتدین گئجه گوندوزو برابر

احسنت بو اقتداره بایرام

بیر گوزده گوروبدو قویمادین فرق

لیل ایله بو گون نهاره بایرام

 

 محمد افتخاری:

 

ایسته سن شاد ائده سن میللتی بایرام گئجه سی

یوخسولون قویما گئده حورمتی بایرام گئجه سی

ایسته سن ثروتیوی خرج ائده سن یاخشی یئره

یول یاخین دیر اوزاغا گئتمه نه داغ وار نه دره

یوخسولون خرجینی چکمک له قیزین سن وئر اره

چوخ اوزاتما  آرادا صحبتی بایرام گئجه سی

 

 

حمید سخا مهر:

 

... بایرامین صحبتی اولدوقجا اوشاقلار سئوینیر

سانکی عاشیق ائوینه سئوگیلی جانان گلیری

ایندی دن منده سیزه بایرامی تبریک ائدیره م

گورورم پنجره دن شاد و خورامان گلیری

 

 

عباس بارز:

 

 

یوزلر ایل دیشیله یوز بایرام گله

احساسیم بوغماسا اولمه ره م حله

سالیر مین فیرتانا قورور مین تله

بیزی آللاتماغا نوروز بایرامی

 

 

 

نجار اوغلو :

 

یوخسول اوز حقینه چاتسا اونا بایرام اولاجاق

زحمت ایله قازانان پوللاری جیبده قالاجاق

توتاجاق بایرامی چرشنبه ده چیلتیک چالاجاق

نجار اوغلو گوره جک اولکه ده بایرام اولورو

دئییری شنلیک ایله یوخسولا بایرام گلیری

 

 

محمد فضولی :

 

انتظار مئی گلرنک ایله بایرام آیینا

باخا – باخا ائنه جک دیر گوزوموزه قاره سو

 

دادا بیلوردی:

 

بایرامیز موبارک اولسون

کؤنولوز شادلیقیله ،عشقیله دولسون

یاشاییش باغلاریزی باللی  چیچکلرله  بورونسون

گؤروم  آلله  آجیلیقلاریـــزی  یولسون

غملریز هر نه دی سولسون

 

 *

توپلایان: حیدرزاده. ( همراز جنابلاری نین سایتیندان دا  یاردیم آلینیب)

 

 

 

 

قیرجاندی زمان

 

 

 

 

قیرجاندی زمان

 

 

 

 

آچدیـن هؤروگون بیـر دیشی یـوخ شانـه دن اؤتـرو

یـانــدیـردیـن اؤزون بیــــر قــوجـــا پـروانـه دن اؤترو

احساس ائـله دین کئـفلی لــرین قیمتی آرتمیش

ساتـدیـن  اوجــوزا  عقلیـنـی میـخـانـه دن  اؤتــرو

چــؤللر قـوشـو تـک عؤمرونو داغ داشدا چوروتدون

نـامــرده  بـویـون  اَیـدیـن آخیــــر لانــه دن  اؤتـــرو

سن  ائـل ده  بـاریـش یـایـماغـا باش قاتمادا یالنیز

دیـوانــــــه چــومـاق بـاغـلادی دیـوانــه دن  اؤتــرو

سن آغلادین عشقیندن اؤتور، سئوگی یه  خاطیر

اؤزگـــه دئـــدی پـس یـانـدیـن او  ویـرانـه دن اؤترو

قیــرجـانــدی زمـان فیـــرتـانـا  دوغـدی  وطنـمیده

حلله نــدی نـه خلقـه گـــؤره ، بیـگـانــه دن  اؤترو

غــــرق اولــدو  رقیـبـیـم  زولالیـن  دالـغــالاریـــنـدا

اؤلــدوردو  اؤزون  بیـلمه دیــم  امّــا  نه دن  اؤترو!

مئی لـه  دولـو  تـاپـدیـن  دادانی  یـانغی لیغیندان

سیندیـردیـن  آخیــر گـؤر  نئـجـه  پیـمانه دن اؤترو!

 

 

دادا بیلوردی

 

 

 

 

سبک زلال . ادبیات ترکی

 

 

 

 

گاه شئر، گاه مورسان

گاه غملی ، گاه  چوخ مسرورسان

آللّهی هردن چیخاردیرسان یادیندان ای بشر!

اؤلمه گه، واختیندا کی مجبورسان

پس نه دن مغرورسان؟!

 

 

 

دادا

 

 

شعر مقاومت . ترکی

 

 

 

بسیجی

 

 

 

 

 

 

عشقین  اودونا  بیل کی  یانار جاندی  بسیجی

هر لحظه ده  آمـــاده ی   فـــرماندی   بسیجی

اثبات  ائله ییب  جنگده  اؤز  عهد  و  وفاسین

مــــردِ  عمل  و  فاتحِ   میـداندی   بسیــــــجی

چون درسین آلیب  کرب و بلا  مدرسه سیندن

حقّ  اوسته  فـدا  اولماقا  عطشاندی  بسیــجی

مظلومین  اولان  یــاره سینه  مرهم  و درمان

ظالیم  گؤزونه  ناوک و  پیکانـدی  بسیـــــجی

بیگانـه   اگــــــر   بـادِ   غـــروریـله  دولانسا

ظؤلمت  ائوینی  ییخماقــا  طوفانــدی  بسیجی

غیــرتـله  بـو گــون  مملکتِ  عشقــه  محافـظ

حیثیّت  و  نامـوســه   نگهبـــانــدی  بسیـــجی

ایـثــار  و  شهادتــــده  اولان  عـالمــــه  الگـو

بــو  مرحله ده  بهتــریــن  انسانـدی  بسیــجی

امنیّت  و  وحـدت  ، عملاً  نطق و شعــــاری

دیــوانسرادا   رهبــــرِ  وجـدانـدی   بسیــــجی

ســــازنـدگــــیِ   مُلکِ   شــــرافتـده   مـؤثّـــر

آبــادگــــــرِ   کشـورِ   ایـرانـــــدی   بسیـجــی

شیطانیلره باج  وئره  مومکون دَه ییل،هیهات،

چون  طالبِ حـق ، دشمنِ  شیطاندی  بسیــجی

خُلقـی عـلـوی، عـشقـی حسینی،  هـدفـی حــق

مستِ  می  و  پیمانـه ی  عـرفـاندی   بسیـجی

واللّهی  شـرافتـدن  اوزاقـدی   دئمه سه م  گر

عیـنِ  شـرف  و  معرفتِ  جـانـدی   بسیـــجی

اَل  چـکمه   دادا ،  مدرسـه ی  عشقِ خــدادن

بو  یئـرده  اؤزی  خالیقــه  مئهماندی  بسیجی

 

 

دادا  بیلوردی  -  اروند رود

1365 هجری شمسی

 

 

سبک زلال

 

 

 

 

 

 

گزمه در بـه در

گون ایشیق ساچار خود بخود سحر

دونیا اؤز کؤکوندن اَییلسه ده  سن  دوز  اولگیلان

من  اینانمیـشام  دوز  ایتیـلسه  گـر

اَیرینی  کَسـَه ر

 

 

 

دادا

 

 

 

سبک زلال

 

 

 

 

 

 

سنله قورباندیر گئده ن

تشنه لب قوربانلیغا جاندیر گئده ن

صبرحلقین،دوغرانارکن دویغومو، آه دیر کسه ن

آهیم آردینجا قیزیل قاندیر گئده ن

یالقیز اینساندیر گئده ن

 

 

 

دادا

 

 

 

زلال غدیر

 

 

غدیر زلالی

شعر: دادا بیلوردی

 ( شعر در سبک زلال )

 

چیچکله نیــر بو گون محبّت الی

گؤزللیک ایله قاووشمیش نه گؤر عدالت الی

اؤزون نیشان وئریر  آنجاق گونشله نرکن ایستی سئوگیمیزی

سالام یاغیــر گونو گوندن اومود باغی ، قانادلانیر  آخیر  جماعت  الــی

قانیم جوشور یئنه دویغوم دامارلاریمدا یانغی یانغی یازیـــــر:

گرکـدیــــر آسمان اوزالـدا حقّـه بئیـعت الـــی

ائدیبدیر عشقدن اطاعت علی(ع)

 

 

 

ماهنی - زلال

 

 

 

 

 

ماهنی

***

 

 

گـلدی جـانیـم فغـانـا

اولدوم  آخیــر گؤرون نئجه دیـوانـا

گؤزوم  دوتـدو  عینالی دا  بیـر قارا  گؤز مارالی

یاییندی  تئز  اؤزون  سالدی گومانا

دوشدوم عجیب دومانا

*

آلــدی  بـولـود  بـاشیــمی

ایسلادیر آنجاق  منی گؤز  یاشیـمی

قالمیـشام  ایندی  بـاخیــشی  جئیـرانیـمدان  آرالی

هـاردادی  بیـلمم  او  اَمک  داشیمی

سئومــه لی  سیــرداشیـمی

 

 

دادا

 

 

 

شعر زلال . ترکی

 

 

 

 

 

 

 

در تـنگنـای ایـن قـفس

باغریـم دولوبدور قانه یـوخدور همنفس

عمرم بـه حسرت شد تـلف ، در ایـن دیــارِ بیـکسی

صبر ائیلیرم تا کی یئتیشسین داده  کس

گــر دیــر آیــد این نفس

 

 

سالک تبریزی

 

 

 

 

شعر زلال . رمضان

 

 

 

 

 

نازینا ناز قیلاجام

سندن اؤترو نذیر- نیــاز قیلاجام

رمضاندان گول عطرینی آلیم دئیه، گؤزه لیم

اوروج توتوب سنه ناماز قیلاجام

قیشیمی یاز قیلاجام

 

 

 

 

اکبر حمیدی علیار

 

 

 ***

 

 

 

 

شعر ترکی در وصف پیامبر اکرم. عید مبعث

 

 

 

 

 

 

 

یا رسول الله (ص)!

 

 

 

جماليندان   ايشيق  اولدوز   آلار  جان  يـــا  رسول الله ( ص )

ايه ر  باش  گؤيده  جبريل(ع) ايندي  خندان يا رسول الله ( ص )

نسيــــــــم ِ    عشقلـــــه   اسديكجه   زلف ِ   عنبر افشانین

تماشايـــــه    دورار    حــوري لـر   الآن   يا رسول الله ( ص )

نبوّت   چـــون    سنـــه    آيــدين    خطِ   قرآن دن     سونرا

اولوب    مهر ِ    درخشانوندا     بـــرهان  يا  رسول الله ( ص )

اوره كلــر   فتح    اولدوقجا    باخيب   گؤر    سئير ِ   معناده

ائـــدير   عالملري  عشقين   نه  حئيران   يا رسول الله ( ص )

دادانماز   معرفت   جامين    اؤزون   عــارف   بيلن  مسلم

اگر   درس   آلماسا   سندن   بو  دوران  يا رسول الله ( ص )

وَ  حال ، اهلا ً وَ سهلا ً  ، صد هـزاران  مـــرحبــا    ساقــــي

جوشور  عصمت   ده نيزيندن    مي ِ جان   يا رسول الله ( ص )

اذان  قوينوندا    بســـم الله  ،  الم نشرح ْ  لـك َ  صـــدرك ،

تــَســَـلــّيتُ  بآياتـــــه  ،  لب  عطشان يا رسول الله ( ص )

ايچه ر   آخير   وفا   جاميـن    يئتـــَركن      كامينــه   دادا

خزان  اولموش باهاري چون آليب جان يا رسول الله ( ص )

 

 1372 هجری شمسی

 

 

 

 

 

شعر کودک بهار. ترکی . سبک زلال

 

 

 

یــاز  زولالی

 

 

 

 

 

یاغدی  یاغیش

آیـریـلیبان  آغـلادی   قیـش

شاختا کؤچوب گئتدی داها یئتیشدی یاز

آی گول آچیل بیرده دانیش

منله باریش

*

گولدی داغی

عطیرله نیرسه   تورپاغی

من  سئویـره م  آتـام  آنـام  ایـله  گـزه م

یاشیل یاشیل باغچا باغی

سحر چاغی

*

آچدی چیچک

اوستـونه  قـوندی کَپه نک

حیاتیمیزدا  « یا کریم »  ائـو  چَکه رَک

قوشلار اونا گلدی کؤمک

قالمادی تک

*

گؤز دولانیر

گؤزده گؤزه للیک  قالانیر

بیـر  آغاجین  گوللری   هئی  آلچـالانیر

باخجاغین آغزیم  سولانیر

تورشالانیر

 

 

دادا بیلوردی

 

 

 

بایرام گلدی...منه بایرامدیر او گون كی...

 

 

 

 

 

گؤزه لیم   گل   قونوشاق  باهم   اوره ك دن  دانیشاق 

سئوگی دن ، آرزیـــلاریمدان ، گَله جــك دن   دانیشاق

بیزكی  بیـــر عؤمر  بو  زندان دا   قالانلار  دَه ییلیك 

باش  ووراق  گولشنه   بیــر یولدا  چیچك دن  دانیشاق

دویغوموز  لاپ  آخــار اولسون  سؤزوموز أن دادلـی 

سوسوزا  سو ، آجــــا  البتّه   چـــــؤره ك دن  دانیشاق

قارغیلانمیش   یئری  دولدوردو  دومانـلار  دور گَل !

تانری دان   نـور  دیله ییب  خالقا  كؤمك دن  دانیشاق

سئوگی   یوردوندا   دوُنان  دویغـولارا  بـاش  وئـرمه 

یاخشی  اوْلماز  داهــا  یاز  فصلی  كولك دن  دانیشاق

سؤیكه نه ركن   گونشه، عـدل دن  آرتیق  سؤز آچاق 

یازیـــق  اینسانلارا   یاردیـــــم   ائـله َمك دن  دانیشاق

دونیــانین  یـوخ   یییه سی  ظولم   چیخیبدیر  عـرشه 

گل گوناهسیز  قان  اودان   حوری - ملك دن دانیـشاق

آختاریب  بیـرجه  تاپاق  گؤیده كی  بخت  اولدوزونـو 

عؤمرومــه   قـوْورا   چَكن  چـــرخ  فلك دن  دانیشاق

هئچ  بیلیرسن  نهَ یَه  خاطیر  سنه  بئل  باغلامیشام؟! 

هئچ  بیلیرسن  نییه  یالواردیم   اوره ك دن  دانیشاق؟!

ایستیرم   گوزگو   اولام   یئرلــه شه سن    باغـریمدا 

حُسنیوه  تانـری  وئـرَه ن   بوْللو   به زك دن  دانیشاق

منه   بایرامدیـــر  او گون  كی  جمالین  شمعی  شاخا 

باغــــری  یانمیش « دادا » آدلی  كپَهَ نك دن  دانیشاق

 

دادا  

 

 

 

 

سبک زلال

 

 

 

 

 

درده درمان ایسته رم

جان وئریب سندن گئنه جان ایسته رم

دونیانی سنلن  ده ییشمه م،عشقی سنسیز دینله مَم

کؤنلومی وصلین اوچون قان ایسته رم

نفسی قوربان ایسته رم

 

 

دادا

 

 

****

 

 

 

 

سبک زلال

 

 

 

 

 

درده درمان ایسته رم

جان وئریب سندن گئنه جان ایسته رم

دونیانی سنلن  ده ییشمه م،عشقی سنسیز دینله مَم

کؤنلومی وصلین اوچون قان ایسته رم

نفسی قوربان ایسته رم

 

 

دادا

 

 

****

 

 

شعری زیبا از شاعران دوران قاجار ( خازن تبریزی)

 

 

 

حسینه  یئرلـر آغلار

 

 

 

 

گؤیلر آغلار

 

 

 

 

 

 

 

 

حسینه یئرلر آغلار گؤیلر آغلار

بتول و مرتضی پیغمبر آغلار

 

اولوب ماتم سرا عالم حسینه

محرمدیر، بو عالم یکسر آغلار

 

غبار غم دوتوب کون و مکانی

باتیب یاسه، هامی خشک و تر آغلار

  

فرات اوسته  دوشوب بیر سرو قامت

باشی اوسته شه بی یاور آغلار

 

علمدارین  قولی تندن  دوشنده

علم آغلار  شه  آغلار  لشگر آغلار

 

سوسوزلار ناله سی دوتموش فضانی

عطشدن  اهل بیت  حیدر  آغلار

 

اولوبدور «خازن»ین  روز  ازلده

حسین(ص)  آدی  دیلینده  ازبر آغلار

 

 

شعر:  میر عبدالحسين خازن تبریــزی

 

(  قاجار دؤره سی نین  شاعیرلریندن )

 

 

 

 

 

 

 

 

پاییز . ترکی . شعر کودک . زلال

 

 

 

پاییــز  ( اوشاق  زولالی )

 

 

 

 

 

 

 

 

پائیـز گئنه گلدی

هر یئر دولو  یارپاقدی خزل دی

سانکی یئـره نقّاشی چکیبلر سالینیب فرش

بو منظره نی آخ نه گؤزل دی!

پائیـز گئنه گلدی

*

بـاخدیـقجا اَنـاره

یئتدیم دئییرم پس کی بهاره

دئم قارپیزی، نارنگی، لیمو، پرتقال، انجیر

به به، نئجه گؤر گلدی بازاره

پُز وئـردی خیـاره

*

گون نورونو ساچدی

داوودی گولی قول قاناد آچدی

من مدرسه نین باشلانیشی شَنلیگه دولدوم

روحوم گئنه شادلیقلاری ایچدی

پروانه تک اوچدی

*

احساسیله یاتدیم

رؤیاده  نه گؤر حئیرته  باتدیم!

پالتارلارینی  بیـر بیر آغاجلار سویونورلار

من پالتاریمی آمما چوخاتدیم

راحتلیگه چاتدیم

 

 

 

دادا

 

 

 

 

کربلانی ماتم آلدی

 

 

 

کربلانی  ماتم  آلـدی

 

 

 

 

کربـلانی  ماتـم  آلـدی

چیگنینه زینبده  قانلی پـرچم  آلدی

گولشنه اود ووردولار گوللر سوسوز چؤلده سارالدی

شیعه لـر قلبین خداونـدا  غم آلدی

گؤزلرین جامین نم آلدی

*

آغلییار تلّ اوسته زینب(س)

داغلییــــار  دونیـــانی  دستـه دستـه  زینب(س)

قالدی  پیغمبـــر  بالاســی  قانلی  مئیدانـدا  کؤمک سیــز

نئیله سین قان عرصه سینده خسته زینب(س)

قارداشا دلبسته زینب(س)

*

آغلییــار حیـدر(ع) حسینه

حضرت ِ  زهـرا(س)  و  پیغمبـر(ص)  حسینه

آغلییـار  داغـلارلا  باغـلار  دریـالار  گلمیش  نـوایــــــه

قانلی داش و نیزه و خنجر حسینه (ع)

مسجد و منبر حسینه(ع)

 

 

 

دادا بیلوردی

 

 

سهند - زلال

 

 

 

 

 

سهندم من

 

 

 

 

 

 

 

بو داغلاردان  سهندم  من

حکیملر یازدیقی دفتر ده  پندم من

شهَرلر باغلاریم وار،کند لردن بهره مندم من

اتکلرده  پتکدن ، کانِ  قندم  من

سمایـــه  پای بندم  من

*

جهاندا  شوکتیم  واردیر

اؤنومده  دوشمنیم،نامرد لر خواردیر

باشیم طوفانلیدیر گؤیدن یئره  گلمه ز، یاغار الهام

بوتون شاعیرلره  عنوانیم  آشکاردیر

ائلیم  یوردوم منه یاردیر

*

 گل ایچ  بوزلی  بولاقلاردان

قلم قاشلاریمی  سئیر ائت  اوزاقلاردان

اوچوب قوشلار، قونورلار، لاله لی گوللی اتکلرده

بو  آل گوللر  حیکایتدیـر  یاناقلاردان

قیزیل رنگلی  دوداقلاردان

 

 

جاوید مدرس (رافض)

 

 

 

 

زولال

 

 

 

 

 

 

 

تانیـر  احـوالیـمی  یـول

گـؤزومون  یـاشلاری  اؤپمـوش  قـورو  کول

نـه  زامـان  امــر ائلـه سن  منـده  یاشیللیـق  گـؤره رم

تؤکه نیب، یوخ داها صبریم،  دی  تئز اول

اؤلورم گؤز! یاشا دول!

    

 

 

دکتر امیر علی مطلوبی

( سخن سنج تبریزی )

 

 

 

 

بیر گؤزه ل  قیز  واریدی اون  اوچون  تـانری  غم ایچره  یاریدی اوخـویـاردی  غمـه  قـارشی   ساز  الینده   زولالی أتـگیـنـده   دولــو  هئیـوا ،  نـاریـدی ایشی   آه  و   زاریدی       رعنا امیریان

غمزه  ائدیب  وار میسین؟ کؤنلومه صاحیب چیخاجاق  یار میسین؟ دینلـه  کی  دعوت  ائـدیـرم ،  گل  امیـرین  قلبینه ای گونشیم ، حالیمی  اودلار میسین؟ فیکریمی اوخشار میسین؟       دکتر امیر علی مطلوبی (سخن سنج تبریزی)

آرزیلار  هئی  منی  سَسله ر داغیـدار  سینـمی  او  غملی  نفس لر عؤمور حسرتله ساووشدو سؤزلر حبس اولدو  قفسده شاعیرین طبعی دیر عالملری بسله ر داریـخیب  داغـلی  قفس لر       سالک تبریزی

حسرتین کؤنلومو داغلار اوره گیم  سیزلایاراق  گؤزلریم  آغلار نه بیلئیدیم کی  وفاسیز چیخاجاق  یار منه قارشی منی بوندان  سورا غملرده  سوراغلار ائشیدن یوخ  منی داغلار!       سالک تبریزی

منی حیران ائله دی ائل گؤلونون لاله لری

 

 

 

 

ائـل گؤلونون  لالـه لـــری

 

 

منی  حئیـران  ائـلــه دی  ائـل گؤلونون  لالـه لــــــــری

دوشه   ای  کاش   بــورا    نـازلــی   نیگاریــن    گذری

 

بـو  طبیعت   نـه  گؤزه ل   درد دل   ائیـلیـر    بیـزیــلـه !

یاغیــــر  آنـجـاق   اتـه ییندن   سـایـــا   گلمــه ز  هنــری

 

ائله  بیـل  عؤمـرونـون   آز  چـاغــی  یـاریب  گول  باغرین

بیـزه   آیـدینلاشـــا  عـالـمده کـــــــی  عشقیـن    ثـمـری

 

منی   نـرگیـس   گولوده   نازیله   مست  ائتمه ده دیـــر

گؤروم   آلله    اوزاق    ائتسین   گـؤزو دار  -   بـد نظـری

 

سن  اؤزون  کئفلی  سایاق  هاردا  گزیرسن  گئت گـــز

دادا !  مـن  منتظرم    بـوردا   گــؤره م    بیــــر  نفــری

 

 

دادا