69- شهادت امام علی (ع)
شهادت امام علی (ع)
قالـدی باشسیز اَلعَجب اصحـاب و لشگــر یـا علی
اولـدو مظلوم امّتــی بــــی یار و رهبـــر یـا علــــی
جانمیـــــز یانـدی غم هجــرینـده پـرپـر یــــا علـی
گئتـدی الـدن سن تـکـــی آنلاقلــی سرور یا علی
گؤرمــز عالــم داحــــی مثلینـده دلاور یـــــــا علی
ایندی کی رخسارون اولدی لاله تک محـزون منـــه
سیزلاییب دل آغلایارکن بولبولـــــه هم سوسنــــه
تیکمه رم گؤز بی وفالر مثلی سن سیـــز گولشنه
چون عدالت مولکونون سولطانی سان یاننـام سنه
بــو غم عظماده بی شک سوللام آخـــــر یا علی
ییرمی بئش ایل دیل یاراسی جانه سالـدیـقجا اثـر
حرمتین حفظ ائتـــدی گــؤرنــــه نهـروانــی شیخلر
اولماییب راضــــــی بونـــا اخــــــــر خدادن بی خبر
ووردولار شمشیـــــــر زهــــر آگین بــه فرق دادبر
آغلادی بــو ماتمه محـــــراب و منبـر یـــا علــــــی
شیــــرایله سرپنجـه اولماقـدان ائدیب تولکی حـذر
گؤردی هئچ مومکون دَییل وورماق،نماز اوسته مگر
قورخوب اصلان مرددن گیزلینجه اولدی حمله گـر...
گـؤر نئجه نامــردلر دالـدان بـاشا خنـجــر چـکـــــــر
قطره نـــی افـــزون گـؤرَر دریـانـــی کمتــر یا علی
قانمـاز انسانــه آقـــــــــــــا بیــهوده دی رسم ادب
گـــــؤرمــــوشم نـافهم عالیـملرده چـوخ لهو و لعَب
ابـن ملجم شبـه مــــردی بی حیــا ایمیش عجب
سن تکی گول رهبـریـن هیـجرانینه اولموش سبب
عالمه اود ووردو یـانـدیـردی ســـراســـر یـــا علی
سن گئـدن گونـدن خبـر یوخدور نه اولدی ذوالفقار
ذوالفقارین صاحبــی یالنیز سن ایـدیـــن بیـــقــــرار
آتش عشقینـده وار بـاخ گــــؤر نــــــه آه انتــــــظار
آخــــــــــــرین حیدر (عج) گله تا اینکه بیرده آشکار
قالدیــــق عالمــده عجب بی یــــار و یــاور یا علی
زهـــــــر شمیـــریله ای محــــــراب دا مسموم آقا
اهل کوفــــــه غیرتیندن هر زمــــان محروم آقـــــــا
عدل میــدانیندا ای بی یـــــاور و مظلوم آقــــــــــــا
حـق سؤزی نامـــردم ایـچــره بستـه در حلقوم آقا
نیـــزه لر اللرده آخـــــــــــــــــر اولدو خنجر یا علی
گؤیلومــه دوشدوکجــه هر یئـردن خبـر آللام سنی
عالـــم رؤیـــاده اطهــــــردن خبـــــــــر آللام سنی
مسجد و محـــــراب و منبــــردن خبـــر آللام سنی
آخـــــــر آدمسیــــــز یتیــــملردن خبــر آللام سنی
آغلاییب خلوتــده یاننـام شمعه بنـزَر یــــــــا علی
منبع: جلد اول عبرتها و اسرار عاشورا در عالم عرفان (مؤلف: دادا بیلوردی )
چاپ: 1379
صفحه ی 233
اوخشاماق
شیعه لر قلبی جوشلاندی آلله!
گؤزلــرین جامـی داشلاندی آلله!
دَیــدی تیـــغ جفــا فـــرق یـــاره
آیریلیـــق یـاسی باشلاندی آلله!
یاندی جان، غربت مرتضایه
یا امام زمان(عج) گل عزایه!
.
اُف اولا بئیلـــــه بیـــر روزگاره
آیریلیقلا ووروب جانــــــه یاره
یئتدی صبر علی (ع) انتهایه
اولدو غمدن اورک پــاره پـاره
یاندی جان، غربت مرتضایه
یا امام زمان(عج) گل عزایه!
.
گر چــــه حقّیله یار باغلی گئتدی
وقت دیــداریـدی چــاغلی گئتـدی
آمما عالـم بیلیـــر کی آقـامیـــــــز
قهر ائدیب کوفه دن داغلی گئتدی
یاندی جان، غربت مرتضایه
یا امام زمان(عج) گل عزایه!
.
نئیلیرم عدل سیـز بو جهانـی
ای اورک سسله صاحبزمانی
ایستـه آلسین اله ذوالفقاری
سؤیله دولدی غمه شیعیانی
یاندی جان، غربت مرتضایه
یا امام زمان(عج) گل عزایه!
.
لطف قیــل بیـــرده بو محفله گل
لایق اولماساق ائتـمـه گـِـله گـل
ای کی بو یئـرده صاحب عزاسن!
دؤنـدو گــؤز یاشلاریمیز سئله گل
یاندی جان، غربت مرتضایه
یا امام زمان(عج) گل عزایه!
.
آیریلیق گؤر نئجه قلبی داغلار
گــؤز یاشی عاقبت یـاره باغلار
تاریـخی چوخ ورق ووردوم آخـر
یازدی دادا بــو اشعاری آغلار
یاندی جان، غربت مرتضایه
یا امام زمان(عج) گل عزایه!
دادا بیلوردی
