شعر در سبک زلال - کودک و نو جوان - قیش - زمستان

 

 

 

قیش، سنه  اولسون  سلام !

 

 

( به زبان ترکی )

 

 

 

 

 

قیش گلیب، تاخ تاخ تاتاخ

شاختـادان  دوندی   بـوتـون  تاختـا  تابـاخ

قارکولک دی، چن دی ، بوز، هر یئر قیرو، هر یئر سازاخ

چیلله چیلله  بیـز گره ک  قیش دان  داداخ

ائتمه سین چوخ قاش قاباخ

*

داغلار آغ کؤینک گئییر

باغ  و  بستــانــه کولک  لای لای  دئییر

شاختادان گؤیده  بولودلار تیتره ییر  هئی  قار یاغییر

یئـــر آغیـز آچمیش او  قارلاردان  یئییر

آسمـانـه  بـاش  اَیـیــــر

 *

اولدو  قار هر کوچه دام

من  باباملا  جورلـه دیم  قاردان  آدام

قیش دادا  وار  چوخ گؤزللیکلرله  لذّتدن  خبـر

قیش سیز ائتمز یاز  بو یئر اوسته  قیام

قیش، سنه اولسون سلام !

*

یئر اوشور قار یاغماسا،

داغ  تپه ، چایلار ، باتار  هر گون  یاسا

آمما  من  قیشدا  گرکدیر  ایستی  پالتارلار  گییه م

قویمایام  تـا  شاختا دان  جانیم  سوسا

یا مریضلیکدن  میسا

 

دادا  بیلوردی

 

 

 

 

 

سبک زلال

 

 

 

زلزله . میانه .ورنکش

 

 

زلزله

 

 

 

 

 

 گئنه  دونیام  بوزولور

گئنه  احساسیمی آلقان  سوزولور

یئر آغیز آچدی نفَس چکسین اؤزون دینجَتسین

گؤردو داغ  سینه سینه غم  دوزولور

نه  اوره کلر اوزولور

*

نه  پتَک لردن  اؤتور

نه ده  صاحیبسیز اینک لردن  اؤتور،

باخارام ، آواریله  ال  بــه  یاخا  ویرنیخانا ،

یانارام  قانلی  بیلک لردن  اؤتور

داغ  اورک لردن  اؤتور

*

منیم  آی  هم وطنیم!

منیم آی غصّه یه  باتمیش  بدنیم!

دؤزگیلن  بیرده  سوُلان  اؤلکه میزه  یاز گلسین

چیچگه  دولسون  اوغولسوز  گزه نیم

یاشیل  اولسون  کفنیم

 

 

دادا بیلوردی

 

 

 

سبک زلال . ادبیات ترکی. پاییز

 

 

پاییـــز

 

( زُلال شعری )

 

 

 

 

 

پائیـز گئنه گلدی

هر یئر دولو  یارپاقدی خزل دی

سانکی یئره نقّاشی چکیبلر سالینیب فرش

بو منظره نی آخ نه گؤزل دی!

پائیـز گئنه گلدی

*

بـاخدیـقجا اَنـاره

یئتدیم دئییرم پس کی بهاره

دئم قارپیزی،نارنگی،لیمو،پرتقال،انجیر

به به، نئجه گؤر گلدی بازاره

پُز وئـردی خیـاره

*

گون نورونو ساچدی

داوودی گولی قول قاناد آچدی

من مدرسه نین باشلانیشی شَنلیگه دولدوم

روحوم گئنه شادلیقلاری ایچدی

پروانه تک اوچدی

*

احساسیله یاتدیم

رؤیاده  نه گؤر حئیرته  باتدیم!

پالتارلارینی بیـر بیر آغاجلار سویونورلار

من پالتاریمی آمما چوخاتدیم

راحتلیگه چاتدیم

 

 

دادا

 

 

 

 

مناجات ترکی - شعر

 

 

 

مناجات

 

 

 

 

 

 

 

الهی! آل سلامیم  بنده وَم  من

علاجی قطع اولان شرمنده وم  من

 

ای عالمده  وئرن  مخلوقونا جان!

منه  اؤز رحمتیندن  ائیله  احسان

 

الهی! معصیتکار  و  ذلیلم

الیم بوش، آستانیندا  دخیلم

 

بو عاجز  بنده وه  رحم ائیله  آلله!

سن ای پنهانی درد و سیرره آگاه!

 

الهی! ای  غریبلر  پادشاهی

بوتون بی کس لرین  پشت و پناهی

 

قبول ائت طاعتیم، عفو ائت گناهیم

ائله محشرده  آسان  دادگاهیم

 

الهی! داد  او گوندن کی  وئرم جان

دوعایه  قالمییا  بیر ذرّه  ایمکان

 

چکه  اعمالیمی  بیر بیر  حسابه

سالا  مأمورلارین  روحوم  عذابه

 

هایاندا  واردی سندن  باشقا قدرت؟!

هایاندا  واردی سنسیز  دوز رفاقت؟!

 

سنه پس التماس ائتمیم  نه  ائیلیم؟!

سنه تکجه سپاس ائتمیم نه ائیلیم؟!

 

الهی!  دونیا  زندانیندا  گیرم

یئتیش فریادیما آنجاق، اسیرم

 

 دادا بیلوردی

 

 

 

 

سبک زلال . ادبیات ترکی

 

 

 

 

 

گؤزلریم اولموش ارس

دالغا دالغا  جان سنی ائیله ر هوس

گل کی تکلیکدن  بوغولدوم  هئچ نه واریم قالمادی

اولماسان  من عاشقه دونیاده سَس

خلوت ائیلیم کیمله پس؟

 

 

دادا

 

 

 

 

سبک زلال . ادبیات ترکی

 

 

 

 

 

گؤزلریم اولموش ارس

دالغا دالغا  جان سنی ائیله ر هوس

گل کی تکلیکدن  بوغولدوم  هئچ نه واریم قالمادی

اولماسان  من عاشقه دونیاده سَس

خلوت ائیلیم کیمله پس؟

 

 

دادا

 

 

 

 

سبک زلال . ادبیات ترکی

 

 

 

 

 

یالواریرام

رؤیادا زولفون داریرام

من سنی دویدوقجا کی وارسان قاندا

قلبیمی آنجاق  یاریرام

آختاریرام

 

 

دادا

 

 

 

سبک زلال . ادبیات ترکی

 

 

 

 

 

سبک زلال . ادبیات ترکی

 

 

 

 

 

من او گون دولدوم آها

آتدیلار  پولسوز   منی   درمانگاهـا

بؤیره گیم جیسمیمده سالیمدیر قانیم قلبیمده صاف

اولمادیم  مؤحتاج  نامـــرده  داهــــــا

شوکر  اولسون  آللها

 

 

دادا

 

 

 

 

غزلترکی . دادا بیلوردی

 

 

 

سنسيز گؤزه ليم  گلمه سن  آخـر باهـار اولماز

 

 

 

 

 

 

سنسيز  گؤزَه ليم  گلمه سن  آخـر  باهـار  اولماز

گولشنده كـــي   بولبول لـرينه    اعتبـار   اولماز

دونيا  دولو  حوري  اولا ، عالـــم  دولــو  عارف

سن تك  منِ شيدايـــه  بيليـرسن كي   يـار اولماز

سن گل كي دوُنور دویغومو بیر ایستی  زُلال تک

یازفصلی  کؤنوللرده  داهــــا  بئیله  قــار اولماز!

قلبيم  سيناراق  بيــــر نفريــم  يـوخـدو  هـــوادار

هئچ عاشقه  هئچ  يئــرده   بئله  روزگار  اولماز

قان  آغــــلاييرام   شهـري  غـريبانه  گـَـــزَه نـده

دونياده   بئلــه   ســــوز ِ  غم  ِ   بيشمار  اولماز

معلومدوكـي  غــربتده  اگــــــــر اولماسا   مؤنس

انسان   چاليشا  هـــر نه قـَدَه ر   رستگار اولماز

فريـــاد   و  امـان   درده   سالان   تكليك  اليندن

گلسن  داهــــا  بـو غملي  گؤزوم  اشكبار اولماز

هاردان  سني  من آختاريـم  اي نازلي  نيگاريم؟!

آخــر  بئلــه  دونيـــاده   اوزون   انتظار  اولماز

سن گل کی  جهان  سنسيز  اولار  واديِ  ظلمت

قان  اوددورار  هرگون  دادايـــا  سازگار اولماز

 

دادا بیلوردی

 

 

 

 

 

سیل جنوب - شعر زلال

 

 

 

 

دوتما یولوم ای سئیل!

قییما کی بولوت کیم سوُلوم ای سئیل!

انصاف ائله  بیر  آز  دایان ، اولما  منه  راضی ،

بو عرصه ده غملی قالیم ای سئیل!

پوُزما حالیم ای سئیل!

 

 

دادا

 

 

 

غزل ترکی . منه بايرامدير او گون كي...

 

 

 

 

منه  بايرامدير  او گون كي...

 

 

 

 

 

 

گؤزه ليم   گل   قونوشاق   باهم   اورك دن دانيشاق

سئوگي دن، آرزيلاريمدان ، گَـله جك دن    دانيشاق

بيزكي   بير عؤمر  بو زندان دا   قالانلار  دَه ييليك

باش  ووراق  گولشنه   بير يولدا  چيچك دن دانيشاق

دويغوموز  لاپ  آخار اولسون سؤزوموز أن دادلي

سوسوزا   ســو  آجـا   البتــّه   چؤره ك دن   دانيشاق

قارغيلانميش  يئري  دولدوردو  دومانلار   دور گَل!

تانري دان   نور ديله ييب  خالقا  كؤمك دن دانيشاق

سئوگي   يوردوندا  دوْنان  دويغولارا  باش  وئـرمه

ياخشي  اوْلماز  داها  یاز فصلی  كولك دن    دانيشاق

يانغيلي   قوْ ل   بويون   اولماق   نه قَـدَه ر رؤياده ؟!

گل   دوْداق  بير   اوز اوزه  آنجاق  امك دن دانيشاق

بير قوجاق  شنليك ايله  كؤكسومو  قيوْراق  دولاناق

اؤلكه مه    شار سالاق  ايستكله   ديلك دن  دانيشاق

قلبيمي   آل  اليم   اوستوندن   آخـان   قانيمي   گـؤر

قلم   آلتيندا   سينان   باغلـــــــي   بيلك دن   دانيشاق

قافالــــــي   ائللـــــريمين    قايغيلاريـــن   دويدوقجا

گؤز   ياشيمدا    بوْغولان   خسته   بَبَك دن دانيشاق

سؤیكه نركن    گونشه  عدل دن  آرتيق  سؤز  آچاق

يازيق   اینسانــلارا   يارديـــم   ائله َمك دن  دانيشاق

دونيانين    يـوخ   يیيه سي   ظولم   چيخيبدير عرشه

گل گوناهسيز قان اودان   حوري - ملك دن دانيشاق

آختاريب  بيرجه  تاپاق  گؤيده كي  بخت اولدوزونو

عؤمرومه   قوْرا   چَكن   چرخ ِ  فلك دن  دانــيشاق

هئچ  بيليرسن   نهَ يَه   خاطير  سنه  بئل  باغلاميشام

هئچ بيليرسن   نييه  يالوارديم  اوره ك دن  دانيشاق؟!

ايستيرم  گوزگو   اولام    يئرله شه سن    باغریمدا

حسنيوه  تانري  وئره ن   بوْللو   بزك دن   دانيشاق

منه   بايرامدير  او گون  كي  جمالين  شمعي  شاخا

باغـــري  يانميش  دادا  آدلي  كپَهَ نك دن  دانـــيشاق

 

دادا 

 

 

 

 

سبک زلال . ادبیات ترکی

 

 

 

 

 

اوُ، قارنی تولیق دیر

احساسی سولی  جانی  ایلیق دیر

ایستی سویوقو آنلاماییر،قیش یایی دویمور

دریاده اوزه ن سانکی بالیق دیر

بیلمیر باهالیق دیر

 

 

دادا

 

 

 

 

سبک زلال . ادبیات ترکی

 

 

 

 

 

 

 

اوُ، قارنی تولیق دیر

احساسی سولی  جانی  ایلیق دیر

ایستی سویوقو آنلاماییر،قیش یایی دویمور

دریاده اوزه ن سانکی بالیق دیر

بیلمیر باهالیق دیر

 

 

دادا

 

 

 

 

شعر ترکی شهادت حضرت فاطمه زهرا - س

 

 

 

سوُلور رسولِ خدانین  صفالی بُستانی

 

 

 

 

 

 

 

 

اولوبدو شمس و قمر، مبتلاسی  زهرانین

سالیبدی جانه شرر اودلو یاسی زهرانین

غروب رنگی تاپیر اون بیر اولدوزون گونشی

دولور سحابیله  غملی  سماسی  زهرانین

یاواش یاواش دولانیر گؤی حسن حسین(ع) باشینا

گلیر کی  زینبه ساری  صداسی  زهرانین

کیچیک  یاشیندان  اولور  درده  آشنا  زینب

تاپیر ادامه  قیزیندا  وفاسی  زهرانین

دوشوبدو داهی گؤزوندن مین اوزلو دونیانی

اولوب اؤلوم گئجه گوندوز دوعاسی زهرانین

ائشیتسه بئیله دوعانی چتیندی بیر کیشی یه

بو حالدا، نئیله سین آخر آقاسی زهرانین!

باخیشلارین دَییشیر مرتضا  زمانه یه  دای

قاتیبدی  فیکرین  عجیب  کربلاسی زهرانین

نه جور  زمانه یه  ائتسین پس اعتماد علی(ع)

بیر حالداکی  شهید اولدی  بالاسی زهرانین!

نه نوعی پس گییه جک  رنگی پالتارین زینب(س)

بیر حالداکی قانا باتدی لباسی زهرانین(س)!

سوُلور  رسول خدانین  صفالی  بُستانی

اولورکی  لاله به لاله  یاراسی  زهرانین

عطش قناری یه  بنزه ر  قاناد  چالیر زینب

اوجالدیقیجا  عذابدان  نواسی  زهرانین

خانیم  بیله ر خانیمین  یاخشی نیسگیلین دردین

اولار  کیم آخی  زینبه تای  آشناسی زهرانین؟!

او گون کی  کرب و بلاده  یانیردی  خیمه لری

یئر اوسته  تازه له نیردی  عزاسی  زهرانین

گلیردی  قلب فلک دن  صدای «جان زینب»

یانیردی  گؤز قاباغیندا  آتاسی  زهرانین

تمام  اولمایاجاقدی  یانیر  بو  غمده  گئنه

وفالی خلقیله « شاعیر دادا» سی  زهرانین

 

دادا بیلوردی

 

 

 

شعر ترکی شهادت حضرت فاطمه زهرا - س

 

 

 

سوُلور رسولِ خدانین  صفالی بُستانی

 

 

 

 

 

 

 

 

اولوبدو شمس و قمر، مبتلاسی  زهرانین

سالیبدی جانه شرر اودلو یاسی زهرانین

غروب رنگی تاپیر اون بیر اولدوزون گونشی

دولور سحابیله  غملی  سماسی  زهرانین

یاواش یاواش دولانیر گؤی حسن حسین(ع) باشینا

گلیر کی  زینبه ساری  صداسی  زهرانین

کیچیک  یاشیندان  اولور  درده  آشنا  زینب

تاپیر ادامه  قیزیندا  وفاسی  زهرانین

دوشوبدو داهی گؤزوندن مین اوزلو دونیانی

اولوب اؤلوم گئجه گوندوز دوعاسی زهرانین

ائشیتسه بئیله دوعانی چتیندی بیر کیشی یه

بو حالدا، نئیله سین آخر آقاسی زهرانین!

باخیشلارین دَییشیر مرتضا  زمانه یه  دای

قاتیبدی  فیکرین  عجیب  کربلاسی زهرانین

نه جور  زمانه یه  ائتسین پس اعتماد علی(ع)

بیر حالداکی  شهید اولدی  بالاسی زهرانین!

نه نوعی پس گییه جک  رنگی پالتارین زینب(س)

بیر حالداکی قانا باتدی لباسی زهرانین(س)!

سوُلور  رسول خدانین  صفالی  بُستانی

اولورکی  لاله به لاله  یاراسی  زهرانین

عطش قناری یه  بنزه ر  قاناد  چالیر زینب

اوجالدیقیجا  عذابدان  نواسی  زهرانین

خانیم  بیله ر خانیمین  یاخشی نیسگیلین دردین

اولار  کیم آخی  زینبه تای  آشناسی زهرانین؟!

او گون کی  کرب و بلاده  یانیردی  خیمه لری

یئر اوسته  تازه له نیردی  عزاسی  زهرانین

گلیردی  قلب فلک دن  صدای «جان زینب»

یانیردی  گؤز قاباغیندا  آتاسی  زهرانین

تمام  اولمایاجاقدی  یانیر  بو  غمده  گئنه

وفالی خلقیله « شاعیر دادا» سی  زهرانین

 

دادا بیلوردی

 

 

 

غزل . بو باش دا یئرده منیمدیر بدن ده یئرده منیم

 

 

بو  باش دا  یئرده  منیمدیر  بدن ده  یئرده  منیم 

 

 

 

 

 

 

سنینله  بو گئجه  من  قایغی دان  جالانمالییام

دانیش کی  بیر داها  اوْل  کؤزلرینده  یانمالییام

دانیش کی  غم قوجاغیندا  داریخمادان  اؤلورم

بَه بَه کلرینده   ائدیب  یئر  گَزیب  دولانمالییام

زامان  یارامــی  دئشَرکن  سیزیلداییر  کؤنلوم

گؤزوم  یاشیله  چیمیب  بیرده  چالخالانمالییام

یارالی  بولبولونو  چَک  یانیقلی  باغرینا  کیم

یاواش یاواش  دییه سن  من دَه  آرخالانمالییام

گونش  دونوندا  بولودلار   افاده  ساتسا   اگـر

گون اورتا چاغی  گونون  اولماسیندا دانمالییام

سئوینج   قاینامیر  هردن   اینام   آزالمادادیـر

دَریم  سویولسادا  آنجاق  بو سیرّی  قانمالییام

دوداقیمی  تیکه لرده  سؤزوم  شورولدایاجاق

محبّتین  قانـی آخسا  ،  قـانـا  بـویـانـمالیـیام

بو  باش دا  یئرده  منیمدیر  بدن ده  یئرده منیم

بوغازیمــی  کسه لـرده   حقـی  اینانمالییام

دئییرلـر  عشق  آیاغین  اوزوبدو  گولشندن

دوز اوْلسا یوردومو  سَنله دوروب دولانمالییام

کؤنول  قانیله دوْلورسا ، دومانلی  عرصه لره

گیریب  بو خلقیمه خاطیر  هرآن  دایانمالییام

 *

دادا  اوْجاغین آلاوْلیر  داغین  چوخالمادادیر

هایین  گلیر  اوجا  یئردن  سنینله  یانمالییام

 

 

 دادا بیلوردی

 

 

 

بیر تصویر - بیر دنیز سؤز : ائوین دادی - دوزو

 

 

 

ائوین  دادی - دوزو

 

 

 

 

 

دونیالری یارادان بؤیوک تانری نین بوتون ایشلری حساب کیتاب اوزو ایله دیر و آداملاری یاراتماقدادا بیر پارا هدفلری واردیر کی بیز  اونلارین هامیسین بیلمه ییریک  و  بیزیم  اونون  هامی سیررلریندن باش چیخارتماغیمیز مومکونسوزدور. آنجاق یالنیز بونو دویوروق کی تانری ، دونیانی یاراداندان سونرا چالیشیر چکدیگی زحمتلر بهره سیز قالماسین،  مثال اوچون : آداملارین آراسیندا ائوله نیب اوشاق دونیایا گتیرمه گی خوشلاییبدیر. دئمه ک اولار بئله بیر داورانیش ایله ، بؤیوک تانری نین  هدفی نین  داوام   تاپماسین آلقیشلاییریق . ائله بیل کی بیز ائوله نیب اوشاق دونیایا گتیره نده  بیر باخیمدان،  تانری نین  باخیشین و سئوگی سین  اؤزوموز  اوچون  داهادا  چوخالدیریق ، چونکی اونون دا  ایسته گی ، آداملارین  نسلی نین  آردیسی  و داوام تاپماسی دیر. او  قیز اوغلان ایچینده ائولنمه ک اوچون سئوگی ( محبّت )  یارادیبدیر  تا  بو  یارانیشدا کی  چالیشماقلاری نین  ثمره سی  داوام  تاپسین. اودور کی ایسلام پیغمبری ، حضرت محمد (ص) بویورور: ائولنمه ک دینین یاریسی دیر. 

اوشاق دونیایا گلندن سونرا ، سئوگی ( محبّت ) ، یاشاییشدا  داهادا  آرتیر و  همین  تانری وئره ن سئوگی دیر کی بیزده  اوشاغا نسبت یئنی دویغو  یارادیر.   اوشاق، تانری طرفیندن  بیزده  امانت کیمی  ساییلیر.  هر کیم اوشاغین یاخشی بؤیودوب  و اونا یاخشی اخلاق  نیشان  وئریب ، ایسته ک  گؤرستسه  تانری یانیندا عزیز ساییلار. دئمه ک لازیم گؤرونور کی، اوشاق آتاسی یالنیز  ائشیکده  ایشله ییب ، اوشاغین یئمه ک ایچمه گین گتیرمه گه  کیفایتلنمه ییب ، اونون باشقا ایستکلرینه ده  باش قوشوب ، اونا  ائو ایچینده  محبّت  ائتمه لی دیر. 

امام صادق (ع) حضرتلریندن روایت دیر کی : 

اِنَّ اللهَ عَزّوَجَلّ یَرحَمُ الرَّجلَ لِشِدَّة حُبِّهِ لِوَلَدِهِ 

 

یعنی: تانری، کیشینی اوشاغین چوخ ایسته مه ک  اوچون  اؤز  رحمتینده  ساخلایار

(وسائل الشیعه- جلد 15)

اوشاقلار  آتا آنا دان  ایسته ک و سئوگی گؤرمه گی  سئوه رلر  و  قیز اوشاغی نین لاپ چوخ ،  آتا آنا طریفندن  ایسته ک و  عشقین اولماغینا باغلیلیغی واردیر. آمما یاددان چیخارتمایاق کی  آنانین دا سئوگیسی اوشاقا خاطیر  حسابا گلمییه ندیر  و اونا گؤره دیر  کی عزیز  پیغمبریمیز  جنّتی  آنانین آیاغی  آلتیندا گؤرور.

مقدّس قرآن کیتابیندا ، آنانین اوشاغینا عشق باغلاماغیندان سؤز آچیلیبدیر و  تانری آنادا  خاص بیر محبّتین اولماغین داستان کیمی بیان ائدیب خاطیرلادیر...

اوشاق ، قفس ایچینده قالان قوش کیمی بیر زاددیر کی  آتا آنا قانادی آلتیندا کؤلگه له نیبدیر. خوش دیندیرسن گوله جکدیر ، آجیقلانسان  آغلایاجاقدیر. سوت وئرسن ایچه جکدیر ، وئرمه سن آغلایاجاقدیر. یئمه ک وئرسن یییه جکدیر ، وئرمه سن آغلایاجاقدیر... بیز اؤزوموز  اوشاق اولساق سئوه ریک بیز ایله  نئجه  گئچینسینلر؟ ، بیزده اوشاقیمیز ایله  اوجور  اولاق .

 آنجاق اوشاق ائوین دادی دوزودور . و اوشاق اوچون آتا آنانین محبّتی و بو محبّت دن  دادلانمالاری  تانری نعمتلریندندیر و بو بؤیوک نعمته گؤره تانری اؤنونده دیزه چؤکوب اوندان تشککور ائتمه ک بیزیم  بوینوموزدا بیر حق ساییلیر. اوشاقلاریمیزا  ائوده محبّت ائتسه ک و اونلاری اؤز  ایستی نفسیمیز ایله ، قوینوموزدا  آلقیشلاساق، تانری بیزی سئوه ر. اوشاق ایله اویناماق و اوشاقا محبّت ائتمه ک ، عبادت کیمی ساییلیر.  قدیم دن دئییبلر کی : اوشاق اولان ائوده غیبت اولماز ، چونکی  اونیله اویناماغا  باش قاریشار  و  داها  آیری سؤز  دانیشماغا  واخت قالماز .  و دئییبلر:  اوشاق ائوین دیره گی دیر، چونکی اوشاقلی ائوده یاشاییشین داوامی آرتار  و  ائوین  داغیلماغی نین  قاباغی  آلینار ...

بؤیوک تانری دان بو وئردیگی نعمتلره گؤره تشککور ائدیریک و ایسته ییریک بیزی گوناهلاردان - خیانتلردن اوزاقلادارکن، باشقا نعمتلریندن ده  وارلاندیرسین.

 

یازان: الف. عظیمی بیلوردی ( دادا بیلوردی )

 

 

 

 

بیر تصویر - بیر دنیز سؤز : اربعین هاواسی

 

 

 

اربعین  هاواسی

 

 

 

 

« اربعین » کلمه سی بیزه چوخ تانیش کلمه دیر. بو کلمه نی  ائشیدنده  هر زاددان  اؤنجه ، امام حسین (ع) آغانین  و  ایستکلی باجیسی حضرت زینب(س) خانیمین و باشقا کؤمک لری نین  نیسگیل لری اوره گیمیزده  یئنی دن نقش باغلاییر و  ائشیتدیگیمیز  مصیبت لرین غمی چوخالیر. ائله « اربعین » کلمه سین  یالخی ائشیدنده ده ، کربلا حماسه سی  و  امام حسین (ع) حضرتلری نین قبرین  زیارت ائتمه ک یادا دوشور. سانکی « اربعین » کلمه سی خاص امام حسین (ع) اوچون ایشلنمه گه  یارانیبدیر و او  کلمه یه  جان وئره ن ، کربلا حماسه سی  و  آغانین عشقی دیر.

هر ایل  حسینی اربعین  آستانیندا  میلیونلار  عاشق ، حؤرمت ایله  کربلایه  ساری  یولا دوشورلر  و  آز چوخ  یولو پیادا گئتمه ک ایله  اؤز ارادتلرین امام حسین (ع) حضرتلرینه بیلدیریرلر.

بودا بیر حکمتدیر کی،  اربعین هاواسی ، خاص بیر معنوی لذّته  مالیک اولاراق ، گئتدیکجه زائرلری، آغانین  زیارتینه یانغیلاندیریر.

آنجاق: 

بو ایلاهی بیر حرکت دیر.

بو ایلاهی بیر عشق دیر .

آقاجان! سن تانری نین ایشیغی سان  و  بو  گلن قوناقلار  سنین قوناقلاریندیرلار. سنین محبّتین دیر کی اؤرکلری جوشا گتیریبدیر . دییه رم ، عشقیله  یوللانان اوره ک  هر آتدیم دا ، یئتمیش ایکی دؤنه  سنه  چیرپینسادا  یئری وار . 

سلام اولسون سنه ای بؤیوک اینسان!

سلام اولسون سنه ای شرافت دنیزی!

سلام اولسون سنه ای عارف! ای حسین ...!

سلام اولسون سیزه ای کربلا شهیدلری...!

 

یازان: الف. عظیمی بیلوردی ( دادا بیلوردی )

 

 

 

بیر تصویر - بیر دنیز سؤز : « یئریش » و « یؤندم » اوغورلوغو

 

 

 

« یئریش » و « یؤندم » اوغورلوغو

 

 

 

 

بؤیوک تانری ، یاراتدیقلاری نین  هره سینه ، اؤزونه  اویار  یاراشیق  باغیشلاییبدیر کی ، او  وئره ن یاراشیقی  هئچ  بیر زاد ایله  دَییشمه ک  اولماز. تانری  وئره ن  یاراشیغی آزالتماق یا اونا اؤزوندن آرتیق  بیر زاد  یاماقلاماق ، بیر باشقا  یئردن آخساقلیق  تؤره تمه گه  سبب  اولار.

اورداکی دئییلیر فیلان زاد ، فیلان کیمسه نین ذاتیندادیر  یا  فیلان یؤندم  فیلان کسه  ایلهام  اولوبدور ،  یعنی  بو کی او  یئر سالیبدیر  و  داها  اونو  دَییشمه ک  اولماز ، یوخسا  بئله لیکله  بوتون  یارانیشلارین  یئریش  ریتملری  دونیادا  بیر بیرینه  دَییب  تنظیمدن  چیخاردی.

آداملارین ایچینده  بیر پارا  تانری دان  اوتانمایان  و  اؤز  ویجدانیندان  اوزاق  گزه نلر  واردیر کی  اونون - بونون  خویون  یانسیلاییب  یا  باشقاسی نین  چالیشغیندان  تؤره نن  یؤندم لره   ال اوزالدیب ، اوغورلاییب ، ایکی گونلوک  آد - شؤهرت دن  اؤتور   هم  کثیف ایلقارین  و  هم ده  زیغلی  ویجدانین  آغ  بوغچادا  گیزله دیبدیر.

بیر کیمسه نین  بیر نوع  عادتی  ، ذاتیندن  اولموش  اولسا،  اونون  ایزلری  درین  و  چوخ اولار  و  اؤز یولوندادا  آخساییب  یورولماز. 

هره نین اؤزونه گؤره بیر باشاریشیغی واردیر. دوز آدام  اودور کی  اؤز باشاریشیغیندان یارانان بیر زادی باشقا  بیر یؤندمه  اوخشاتماق  اوچون  اونا  قوندارما  قول قاناد  و  قول قیچ  وئرمه سین ، یوخسا اوزاقدان نئچه سی بئله  بیر  ترسه لیگه  توولانسادا ، یاخینا  گلیب « ایز » لرین  ناشیلیقجا  تَرسه و نئجه شکیلده  یارانماسیندان  باش  چیخارداجاقدیر.

تأسّف اولسون کی ،  ایندی مجازی دونیا گئنیشلندیکجه عقله سیغیشمایان اویونلار باش وئریر  و اینترنت دونیاسیندا بئلنچی بیر شوبهه لی ایشلر گؤرسنمه ده دیر  . « سایت » طرّاح لاری بو مسئله یه واقفدیرلر کی: ائله مه ک اولار بیر مقاله نی  سهمانلایاندا (ویرایش ائدنده ) اؤز تاریخینده ( قاباقجادا یوللانمیش تاریخینده ) ساخلاییب یا ثبت تاریخین دالی قاباغا چکسینلر. مثال اوچون: بیر نفر ایسته سه ، ائلییه بیلر  باشقا بیر وئبلاق یا سایت دان بیر پارا یازیلار اوغورلاییب اؤز سایتیندا یا وئبلاغیندا  نئچه ایل قاباق ثبت اولموش مقاله سی نین  ایچینه  قویسون و سونرا  « های کوی »  سالیب ، قاباقدان  گله نلیک  ائدیب دئسین کی: من بو سؤزو  ، بو قایدانی ، بو طرحی یا بو مقاله نی قاباقجادان یازمیشدیم...  و  بئله لیکله  اوغرو  اؤزون دوزلوگه چیخاردیب ، دوزی  اوغرو  آدلاندیرماق ایسته سین!  یادا کی اوغورلوغون آدین « اتّفاق » قویماق ایله ، اؤزون دوزگون ایله  بیر ترازدا  گؤرسه دیب  اونون  شؤهرتینده شراکت  ائتمه ک  اوچون  «های قیشقیریغا»  باشلاسین.

پس  اوزون  ایللر  کئچندن  سونرا  هاردان یاردیم  آلیب ، بیلمه ک اولار کی  بیر یؤندم  ایزی نین  اصیل صاحابی (  یییه سی ) کیمدیر؟ 

یاددان چیخارتمایاق کی ، ذاتیندان  دوغان « ایز » هم  سئوگیلی ، درین معنالی و چوخ  اولارکن، چتین  یئرلرده ده  ایرادسیز  و  عرصه لی  هاوادا  قیوراق  قاباغا  گئده ر ، هم ده  یورقونلوق رنگی  اوندا  گؤرسه نمه ز ، نه اینکی  بیر آزجا  گئدن دن  سونرا ، آخساماقا  دوشسون! 

ائله کی  جیزیقدان چیخماق ، یورقونلوق  و  آخساقلیق  قاباغا  گلدی  اوندا  بیلینه ر کی  ، مدّعی ، بیر  بیلگین آدامین  یؤندمین اوغورلاییبدیر.

بئلنچی بیر شوبهه  و  افترالر ، باشقا کیمسه لرین  الیله  دونیادان گئتمیش  بیر شخصین  هاواسین ساخلاماق اوچون  و  اونون منفعتینه چالیشیب، اونا  آد قازانماق  اوچونده  اولا بیله ر. 

دوزلوک  یاخشی  بیر  زاددیر ، آنجاق بیری نین  ذاتیندن دوغولان یؤندمی اوغورلاییب ، یؤندم  صاحیبی نین ( یییه سی نین )  اؤزونه ده  خوروزلانماق ( و بونو دئمه ک کی:  ائله  بو  یؤندم  ، بو یئریش و  بو « ایز»  و  بو « قول » و  بو « قیچ » سندن  قاباقجادان  منده ده  یا فیلان کس ده ده  واری دیر )  هئچ ده  آداملیقدان  دَییل  و  بئله  چیرکینلیک لر  بیر زامان  گونش آلتیندا  هامی اوچون  آیدینلاشاجاقدیر ... 

 

 یازان: الف. عظیمی بیلوردی ( دادا بیلوردی )

 

 

 

 

سبک زلال . شعر زلال . حقیقت . راستی . عشق . عرفان . غیرت . محبت . صادقانه . خدا . دادا . بیلوردی . افترا . تهمت . ترکی . مقاله . تورکجه . یازی . زولال حاققیندا دوشونه جه ک . سئوگی . تبریز . عالم عشق . بهانه . غربت . تنهایی . هر چه که از ذهنت می گذرد . دیوانگی . در اوج مظلومیت . حسادت . بخل . خود بزرگ بینی . از خدا بی خبر بودن . عدالت . نا عدالتی . سبک شناسی . علم سبک ادبی . سبک های ادبی . سبک های شعری . فارسی . ترکی . احسان . نیکی . زمستان . سردی . نامردی . زن عاقل . مرد عاقل . گل . بهار . غم . غصه . آواره . عرفان . معنوی . معلم . دانشگاه . فلسفه . انقلاب . افتخار . ایران . صبر . ایثار . مقاومت . دلدادگی . معشوق . شمس . مولوی . فضولی . نسیمی . نباتی . کور اوغلی . واحد . غزل . با حال . پیوسته . نوشیدنی . سبک شناسی . فارسی . ادبیات . ترکی . تورکجه . ادبیات عرب. شاعر . عارف . عارفانه . عرفانی . معنوی . حالت . انتظار . غمگین . دانشکده ادبیات . دکترا . تحقیق . شعر و شعور . فهم . جهل . نادانی . دانا . رحم . خشم . دیوانه . فقر . ثروت . قیامت . دنیا . نهر . چشمه . دریا . شهر . کشور . کهکشان . مهربان . 

 

بیر تصویر - بیر دنیز سؤز : درد آغیرلیغی

 

 

 

درد  آغیرلیغی

 

 

 

« دلا بسوز که سوز تو کارها بکند »

دونیا قده ری  عقیلن اولسون ایشه سالما ، نه فایداسی؟!

آدین گونش اولسون یانماغیندان بیر ایز گؤرسنمه سین ، نه فایداسی؟! 

دونیادان سنه قالان دالدا بوجاقلاردا شئح  چکمه ک و  آرادان گئتمه ک اولسون !، گئنه نه فایداسی؟!

آنجاق ، آدام اودور کی اؤزونه لاییق عرصه لرده چالیشیب اؤز گوجونه قده ر  ، الیندن گله نی  ترازویا قویسون، یوخسا ساکیتجه  دوروب  تاماشاچی  اولماقدان  هئچ نه  اولماز. 

گره کدیر ائل ایچینده یاناسان ، ائل ایچینده دردی دوشونه سن ، ها بئله دردی اولانلارا  ایشیق ساچاسان  ، سونرا  آغیرلیغین  گؤزه  وورسون !

بؤیوک تانری بویورور: « من قیامتده اینسانلاری اؤز نیّت لریله  محشور  ائده جه یم »

پس ای اینسان دردین آغیرلاشاندا اؤزونو کیچیک و یونگول گؤرمه کی  بیر گون  عدالت ترازوسی عرصه یه  گله جکدیر  و  او گون  سنین  نظرینجه  چوخ  اوزاق  گلمه سین...!

 

یازان : الف. عظیمی بیلوردی  ( دادا بیلوردی )

 

 

 

 

بیر تصویر - بیر دنیز سؤز : یول آچماق

 

 

 

یول آچماق

 

 

 

 

بعضی آداملار یاشاییش دا موشگولده  قالاندا ، اللری قوینوندا ائله یئره دوشه رلر کی ائله بیلیرسن گمی لری غرق اولوبدور ، هئچ بونا فیکیرلشمزلر کی  باشا گلن موشگوله چاره یولو تاپسینلار. دئییرلر  بیر نفر  چوخ پوزلو دولانارمیش  و  اللرین شالوار جیبیندن ائشیگه چیخارتمازمیش، او  بیر گون قویویا دوشور  چاتی ساللاییرلار  قویودان نجات  وئرسینلر ، سسله نیب  دئییرلر کی:  فیلانی چاتی نین اوجون بئلیوه باغلا ، چکه ک  ائشیگه چیخارداق،  قویودان سسله نیر کی :  آخی اللریم جیبیمده دیر!

بیر پارا  تنبل  آداملارین  گؤیلونده  وار قویویا دوشنده بیر باشقا کیمسه ده  اونون دالیجا ، اونون  چاتی سین  باغلاماق اوچون  قویویا دوشسونلر ! 

بؤیوک تانری قرآن دا ، نجم سوره سی نین  اوتوز دوققوزنجی آیه سینده بویورور:

« لیس للانسان الا ما سعی » یعنی اینسانا چالیشدیغیندان باشقا نتیجه یوخدور.

دوزو  بودور کی  اینسان  یاشاییشدا بئینین ایشه سالسین ، موشگول ده  ، چاره یولو تاپماق اوچون چالیشسن و بو حئین ده تانری دان دا  یاردیم دیله سین ، یوخسا موشگوله دوشن چاغی دیزلرین قوجاقلاییب هئچ بیر ایش گؤرمه یه نین  تانری  یانیندا دا  ده یه ری  یوخدور. آنجاق بؤیوک و ایسته کلی تانری، چالیشان اینسانلارا یاردیم ائتمه ک ایسته ییر  و  چالیشمایان آداملارا هئچ  نه یی  یوخدور.

پس یاخشی دیر کی موشگول ده  دولاشیغا  دوشنده ، یالنیز  دوعا ائتمه ک و یاردیم  دیله مه ک  دویغوسو ایله  باش قاتمایاق . بونلار یئرینده کن ، یاشاییشدا باشا گلن موشگوللره چاره یولو  آختاراق ، فیکریمیزی ایشه سالاق و  چالیشماقدان هئچ  یورولمایاق. بوردادیر کی تانری اؤز یاراتدیغیندان خوشو  گله ر  و  آتا کیمی  اوزو  یوخاری  قالخاندا  الیندن  یاپیشار...

یازان: الف. عظیمی بیلوردی ( دادا بیلوردی )

 

 

 

 

بیر تصویر - بیر دنیز سؤز : عاشورا

 

 

 

عاشــــورا

 

 

 

 

 

محرّم  آیی گیرندن اون گون سورایادک ، مسلمانلارین  ایچینده  حتّی  باشقا  دینده  و  مذهبده  اولان اینسانلارین  ایچینده  چوخلو  اورک لر  چیرپینیب  قایناغا گلیر. آداملار  ائشیگه  تؤکولور  منظمّ  دسته لرده  عزا  ساخلاییرلار  و  محرم آیینین اونوندا ( عاشورا گونو ) بو  عزا  لاپ اووجه  چاتیر. نییه؟!

چون او گون بؤیوک بیر ظولم  اولوبدو. و بو  ظولمین تایی  محمد(ص) حضرتلریندن  ساوای  هئچ پیغمبرین بالالارینا  اولمامیشدی.  ظولم نه معمولی بیر کس لره  بلکه پیغمبر بالالارینا اولموشدو . 

ظولمیله قانا باتانلار ، خاتم الانبیاء (ص) نوه - نتیجه لری دیرلر.  امام حسین (ع) حضرتلری او گونده  کؤمک لریله بیرلیکده  عجیب بیر حالدا شهید اولوب و قالانی دا  غملی بیر حالدا  اسیر اولدولار. بو عزیزلری شهید ائدنلر  شؤهرت و قدرت دن  اؤترو  اؤزون اؤلدورنلردیلر. آنجاق  قورخوردولار  گله جکده  آداملار  امام حسینه  ساری  گئده لر  و  میز - شؤرت  بونلارین  اللریندن چیخا. 

او گونده ، بو  عزا دسته لری ( کی چوخو  ایسته کلی شیعه لردیر )  خیاوانلارا  تؤکولورلر  تا  دییه لر :  ای جهان! بیلین! باخین گؤرون  نئجه شؤهرت دن  و  قدرت دن  اؤترو  آغیر  ظولملر  ائدیبلر!

بو عزا ، همان اعتراض دیر ، همان تظاهرات دیر کی  اؤز  های کوی ایله  ایسته ییر  دونیانی باشا سالسین...

 

 یازان: الف. عظیمی بیلوردی ( دادا بیلوردی )

 

 

 

 

 

بیر تصویر - بیر دنیز سؤز : بیز بیلیردیک

 

 

 

بیز  بیلیردیک

 

 

 

 

 

کیم بیلیردی او دؤیوشون سونو  هارا  چاتاجاقدیر؟! اونداکی سگگیز ایل مقدّس دفاع دؤرانیندا ، نه تکجه صدّام کیمی شیطانی هوسه وورولانلار بلکه استکبار دؤنیاسی بیزایله  ووروشماغا باشلامیشدی و هر یئردن اوستمیزه  یوگوروردیلر ، آنجاق آرادا بیز تک و یالقیز قالمیشدیق.

کیم بیلیردی او دؤیوشون سونو  هارا  چاتاجاقدیر؟! اوندا کی  قیرمیزی آژیر چالدیقجا شهرلرده  قوجا آتا آنالار و اوشاقلارین اوره گی اوزولوردو  و  گون اولماییردی کی بؤیوک شهرلره شهید گلمه میش  اولسون! آنجاق اؤلکه ایگیدلری دؤیوش عرصه سینه  گئدنده  وصیت لرین یازیب  سون گؤروش ایله  یولا  دوشوردیلر. 

کیم بیلیردی او دؤیوشون سونو  هارا  چاتاجاقدیر؟! اونداکی  بیزه باشچیلیق ائتمک اوچون بیگانه اؤلکه لرین  هره سی  بیر یوخو  گؤروردو! 

کیم بیلیردی او دؤیوشون سونو  هارا  چاتاجاقدیر...؟!

آمما بیز بیلیردیک. چون بیر ایگیدین عشقیله قانیمیز قایناییردی کی ، اوزون قرنلر اؤنجه شهید اولوبدیر آمما ایندی نین ایندیسی ده  اؤره کلره حؤکمدارلیق ائدیر. بیز بیلیردیک  بیزایله  دؤیوشمه گه باشلایانلارین چوخو  بیر گون اؤز دوشمانلیقلارینا  پئشمان اولاجاقلار  و بیر آزی نیندا  ایشی رسوالیغا چکه جکدیر. 

بیز بیلیردیک کی او  دؤیوشون  سونو  بیز اوچون  باشی اوجالیقدیر، چون  عاشورانی دوشونمیشیک و هر محرّمده ، بلکه ده  هر  گون ، گؤزوموزون یاشی امام حسین (ع) حضرتلری نین عشقیله آخیردی. دؤیوش مئیدانیندا کی گؤز یاشلاریمیزین  عطری ، ائله بؤیوک رهبریمیز - قورخمایان سیّدین گؤز یاشی نین عطریندندیر. او  بیر یاندا «یاحسین» دئییب آغلاییردی ، رزمنده لرده  بیر یاندا.

بیز بیلیردیک ، گئنه بیلیریک  و  گله جکده کی نسیللریمیزده  بیله جکلر.

یا حسین (ع)! ای بؤیوک تانری نین ایشیغی! ای روحو  تانری یه  قوووشان ایگید!  اوره گیمیز سنین عشقینه باغلیدیر ، بیزی هئچ آن اؤز ایلاهی عشقیندن اوزاقا سالماگیله...!

یاحسین! سنه قوربان اولوم

 

یازان: الف. عظیمی بیلوردی ( دادا بیلوردی )

 

 

 

بیر تصویر - بیر دنیز سؤز : اؤزونو گؤر

 

 

اؤزونو  گؤر

 

 

 

 

 هر زامان آشاغایا باخاندا اؤزونو گؤر !

بو سؤزون عکسینده دئمک اولار: یوخاری باخاندا یالنیز اؤزونو گؤرمه گیله!

بیز  قدیم دن  آتا بابامیزدان ائشیتمیشیک کی دئییبلر: بیری نین  الیندن  گره ک  ائله  دوتاسان کی  او بیری الین خبری  اولماسین! 

امام علی (ع) حضرتلری یوخسوللارین ائوینه خوُره ک آپاراندا  قاپینین  بیر اوزونده  ائله  دوراردی کی یالنیز اؤزوندن سونرا هئچ کیمی گؤرمزدی . دئمه ک: ایستَمه زدی  کی  پای آلان  اونو  گؤروب تانیسین ، آنجاق ائله بونا گؤره ده  چوخلو  واختلار گئجه لر  بئله  یاخشیلیقلارا  ال آتاردی.

آدام  گره کدیر  وارلی چاغی  اؤزوندن آشاغا باخاندا  بوینون  دیک  دوتماسین  و  ال دن  دوتان چاغی اؤزون  ائله کیچیک سایسین کی  ائله بیل ، ال آچان کیمسه  اوُ  اؤزودور! 

یاخشیدیرکی  بیری نین  الیندن دوتماق ایسته ین  کیمسه  تانری ایله  اؤزوندن باشقا  هئچ کیمی گؤرمه سین، چونکی تانری ، اؤنجه  آلار سونرا  وئره ر. بؤیوک تانری  اوتانان  یوخسوللارین  اؤنونده  یاخشیلیق ائتمه گین پایین  او  چاغ  وئره ر کی  یاخشیلیق  یالنیز  اوندان  اؤترو  اولسون ، مثال اوچون  یاخشیلیق ائدن ، یوخسول بیر کیمسه دن  هئچ نه  اوممایاراق ، حتتا  گؤزو گؤزونه ساتاشماقدان دا  بَری  اولمالی دیر. 

یعنی: اگر یاخشلیق ائدن ، یوخسولدان چوخلو حؤرمت و سئوگی گؤرسه  و  بو  ایشدن  لذّت  آپارسا ، اوندا  ائله بیل کی  پایین  آلیبدیر  و   تانری  وئره ن  پایا  داها  یئر  قالماییبدیر!

آدام  گره ک  وارلاندیقجا  اؤزون  یوخاری دا  گؤرمه سین ، آداملارین  اوره کلری بیر بیرینه باغلیدیر ، شاید بیر گون یئتیشه کی  همان وارلی کیمسه ، بوتون واری الدن گئده رکن  اولا همان یوخسولون تایی کی  ال آچماغا مجبور اولوبدیر. آنجاق گؤرسه ک  بیرکس  یوخسوللوق آغری سین  آزالتماق اوچون   دوغرودان یالواریر ، الیمیزده  بیر زاد  اولماسادا  اوزون  آچمایاق  و اونا توخونوب  دیل یاراسی وورمایاق ، اوندا  گؤره ریک  بیزیم  جایماغیمیز تانری نین  گؤزو  ساتاشان چاغا دوشدو   و  آز چوخ  الیمیزده کی لری ده   آلیب  آغلادا آغلادا  گؤرمه دیگیمیز  یئره  یولا  سالدی ...

 

یازان: الف. عظیمی بیلوردی ( دادا بیلوردی )

 

 

 

 

بیر تصویر - بیر دنیز سؤز : دیل

 

 

 

دیل

 

 

 

 

 

دیل، آدامی هم  داغا میندیره ر هم داغدان  یئندیره ر . آمما چوخونون بو  بیر قیرطی  دیلی دولاندیرماغادا  چیخاری  یوخدور . ائله بیلیرسن  یالنیز  بو  دونیایا گلیبدیر  اونو بونو  سانجیب گئتسین!

دونیادا اؤلکه  ییغینجاقلاریندا  ایشین دیبینه  یئتیشنده  آدام گؤرور  چوخ  زامانلار خالقلار،  بیر بیرلریله  دین دوشمانی یوخ  بلکه  دیل دوشمانی دیرلار.

اودورکی بیزیم عزیز پئیغمبریمیز – محمد (ص) حضرتلری آداملارا یاخشی اخلاق اولماغی تاپیشیریر. اگر اخلاق دینین یاریسی دیرسا ، دین، دیله  باغلانارکن ، دیلین  هر نه جوره دولانماغیندان تأثیرله نیر. پیغمبریمیزین  دیلی  یوموشاق  و  شیرین  اولماسایدی  ایسلام دینی  یاییلمازدی . تاریخ  بوُیو  بوتون بیلگین لر  پیغمبرین  خوش اخلاقلیغینا  اشاره ائدرکن دئییبلر: اوکی پیغمبرین دؤره سین آلیب اونا یاردیم  اولدولار سببی دیلی یوموشاقلیغی دیر  و  او ایسلام دینین  یایماقدا  یاخشی  نتیجه  آلدی . یوخسا ابوسفیان تکی  قوردلار چالیشیردی آداملاری پیغمبرین اوستونه  قودوردوب  اونو  سیندیریب  ازسینلر.

آنجاق هر کیمسه نین یاشاییشیندا دیلی آجی اولسا اونون ایشیق گونوده  آزدیر . دیلی آجی  آدام  هر واخت قوُرخودا یاشایارکن، یاشاییش دان  اوجورده  کی  گره کدیر  لذّت  آپارا  بیلمه ز ، هرزاددان  قوُلایی  بودور کی  اؤز  دوره سینه ده  شپه سی  توخونار ...

 

یازان: الف. عظیمی بیلوردی ( دادا بیلوردی )

 

 

 

 

قیرجاندی زمان

 

 

 

 

قیرجاندی زمان

 

 

 

 

آچدیـن هؤروگون بیـر دیشی یـوخ شانـه دن اؤتـرو

یـانــدیـردیـن اؤزون بیــــر قــوجـــا پـروانـه دن اؤترو

احساس ائـله دین کئـفلی لــرین قیمتی آرتمیش

ساتـدیـن  اوجــوزا  عقلیـنـی میـخـانـه دن  اؤتــرو

چــؤللر قـوشـو تـک عؤمرونو داغ داشدا چوروتدون

نـامــرده  بـویـون  اَیـدیـن آخیــــر لانــه دن  اؤتـــرو

سن  ائـل ده  بـاریـش یـایـماغـا باش قاتمادا یالنیز

دیـوانــــــه چــومـاق بـاغـلادی دیـوانــه دن  اؤتــرو

سن آغلادین عشقیندن اؤتور، سئوگی یه  خاطیر

اؤزگـــه دئـــدی پـس یـانـدیـن او  ویـرانـه دن اؤترو

قیــرجـانــدی زمـان فیـــرتـانـا  دوغـدی  وطنـمیده

حلله نــدی نـه خلقـه گـــؤره ، بیـگـانــه دن  اؤترو

غــــرق اولــدو  رقیـبـیـم  زولالیـن  دالـغــالاریـــنـدا

اؤلــدوردو  اؤزون  بیـلمه دیــم  امّــا  نه دن  اؤترو!

مئی لـه  دولـو  تـاپـدیـن  دادانی  یـانغی لیغیندان

سیندیـردیـن  آخیــر گـؤر  نئـجـه  پیـمانه دن اؤترو!

 

 

دادا بیلوردی

 

 

 

 

نظر علیرضا قزوه در مورد سبک زلال

 

علیرضا قزوه: زلال نه تنها سبک نیست که طرز هم نیست و روش و شیوه هم نیست . نوعی توهّم است.

شعر زلال ضدِّ شعر است ( !!!!! )

 

دادا بیلوردی: قرار نیست هرکس نتوانست زلال بسراید دشمن زلال باشد.

سایش و جلای نگین سخن در قالب های عروضی سبک زلال ، کار هر شاعر نیست.

 

 

 

 در اوج تنهایی و غربت

 

 

 

سبک زلال . ادبیات ترکی

 

 

شعر مقاومت . ترکی

 

 

 

بسیجی

 

 

 

 

 

 

عشقین  اودونا  بیل کی  یانار جاندی  بسیجی

هر لحظه ده  آمـــاده ی   فـــرماندی   بسیجی

اثبات  ائله ییب  جنگده  اؤز  عهد  و  وفاسین

مــــردِ  عمل  و  فاتحِ   میـداندی   بسیــــــجی

چون درسین آلیب  کرب و بلا  مدرسه سیندن

حقّ  اوسته  فـدا  اولماقا  عطشاندی  بسیــجی

مظلومین  اولان  یــاره سینه  مرهم  و درمان

ظالیم  گؤزونه  ناوک و  پیکانـدی  بسیـــــجی

بیگانـه   اگــــــر   بـادِ   غـــروریـله  دولانسا

ظؤلمت  ائوینی  ییخماقــا  طوفانــدی  بسیجی

غیــرتـله  بـو گــون  مملکتِ  عشقــه  محافـظ

حیثیّت  و  نامـوســه   نگهبـــانــدی  بسیـــجی

ایـثــار  و  شهادتــــده  اولان  عـالمــــه  الگـو

بــو  مرحله ده  بهتــریــن  انسانـدی  بسیــجی

امنیّت  و  وحـدت  ، عملاً  نطق و شعــــاری

دیــوانسرادا   رهبــــرِ  وجـدانـدی   بسیــــجی

ســــازنـدگــــیِ   مُلکِ   شــــرافتـده   مـؤثّـــر

آبــادگــــــرِ   کشـورِ   ایـرانـــــدی   بسیـجــی

شیطانیلره باج  وئره  مومکون دَه ییل،هیهات،

چون  طالبِ حـق ، دشمنِ  شیطاندی  بسیــجی

خُلقـی عـلـوی، عـشقـی حسینی،  هـدفـی حــق

مستِ  می  و  پیمانـه ی  عـرفـاندی   بسیـجی

واللّهی  شـرافتـدن  اوزاقـدی   دئمه سه م  گر

عیـنِ  شـرف  و  معرفتِ  جـانـدی   بسیـــجی

اَل  چـکمه   دادا ،  مدرسـه ی  عشقِ خــدادن

بو  یئـرده  اؤزی  خالیقــه  مئهماندی  بسیجی

 

 

دادا  بیلوردی  -  اروند رود

1365 هجری شمسی

 

 

غزل ترکی - دادا

تك قالدين عجب دادا

يــاريــم منــي غــربتده ، آواره قــويـــوب گئتــدي

بيــر آهيـــله سينه مده ، مين ياره قويوب گئتدي

يالوارديـــم اونا هر گون درديــن دئمه اغيــاره

دردين دئـــدي نامـــرد و اغيـاره ، قويوب گئتدي

عهد ائتميش ايديم يـازدا گولـزاره قـدم قويسا

گؤيـلون آلارام امّــا مهپاره قـــويــوب گئتـــدي

ياز گلدي سمن بيتدي ، شمشاد و چمن بيتدي

آنجاق مني معشوقـوم بيـچـاره قـــويـــوب گئتدي

آخـديـقجا يـاشيـــل بـاده حسرتـلـــــه نيرم گؤرنه

گؤز ياشيمي پاك ائتميش دستاره قويوب گئتدي

هـرقــدر تلاش ائتــديم شاد اولمادي آخيـــــرده

بيــر دونيا دولي محنت اشعـاره قويوب گئتـدي

يارميش سينه مي آنجاق دلخسته او غمخواريم

باخ گؤر نئجه بير لالــه گـولـزاره قــويـوب گئتدي!

تك قالدين عجب دادا ! عؤمرون گئده رک بادا

عالمده اولان محرم اســـــراره ، قويوب گئتدي

دادا

شعر زلال - ولادت امام رضا

 

 

 

گرعلی موسی الرّضا(ع)!

نامــه مه مثبت باخیب« اقدام» یــــازا ،

بیـــر اوزونـده  یـوُللایـا  آللّهه  استحضار اوچـون،

دای نه پول ایسته رنه پاسپورت و  ویزا

گَلله م  هر گون  پروازا

 

 

دادا

 

 

 

 

 

 

 

 

 

شعر ترکی . دفاع مقدس - جبهه

 

 

 

واردیــر  یادیــزدا ... ؟

 

 

 

 

 

 

 

اولسون خزان وفانی  چَکن لر خزانلیغا

ائتسین  زیان  محبّت  اَکن لر   زیانلیغا

مدّتدی  هئی  ایچیمده جوشور بیر نئچه سئوال

اولموش عوض  درین  باخیشیم  باغبانلیغا

آیا چیچکلنه ر  بیر آغاج  گؤرمه سه  ایشیق؟

آیا  بیته ر  قیزیل گولو   اکسن  شورانلیغا؟

دوزلوک بیچه ر  ایتیلمه سه، دیبدن یالانلیغی؟

غئیرت  باخار  بیر  ائوده  قوجا  یـا  جاوانلیغا؟

*

بیز ایسلامی قبول ائله دیک  هانسی قصدیله؟

بو قصدیلن کی  باغلامایاق  عشق ، خانلیغا

آزاد  یاشارسا  دونیادا  اینسان، باشین  وئره ر

باج  وئرمه ز  آمما  هئچ   کؤنه زه  هئچ  قابانلیغا

*

واردیر  یادیزدا  جنگده  صدّام  دئمیشدی کی

اوچ  گونده  تهرانا  یئتیرم  حؤکمرانلیغا؟

واردیر یادیزدا  قیرمیزی  وضعیّت اولجاغین

آرواد اوشاق  دولوردو  بوتون ناگرانلیغا؟

واردیر یادیزدا بیرده  گلیردی شهیدلری

ائللر چَکیردی  نیسگیل  اوتاقین  فغانلیغا؟

واردیر یادیزدا  پوزدولا چوخ  گولسِتانلاری

موشک قیریردی گوللری سالمیش خزانلیغا؟

واردیر یادیزدا یانغی آیاقلار قابارلاری

آلقان دوشوردو  حمله ده  بیر باش تیکانلیغا؟...

من ایستیرم دییه م  کی بیلیرسیز  نه دیر  بوگون

ایرانی  دونیادا  یئتیریب  قهرمانلیغا؟

چکدی  حسین(ع)  عشقی  بیزی جبهه  سمتینه

تا  بیرده  باشلایاق  کیشی  تک  زندگانلیغا

دوز اولماغین  بو دونیادا  دوز عشقی سورمه یین

بیر حوسنی  وار کی  حققی  چکه ر قدردانلیغا

یوخسا  قرانلیق ایله  آدام  اولسا  قوُل بویون

بیردن  بورور یاشاییشی  یولسوز  دومانلیغا

آنجاق  گره ک  زولال  اوتوراق  تا  زولال دوراق

قارراقلاناق   موسلمان ایکن   جاودانلیغا

 

دادا

 

 

 

شعر در وصف اسکو

 

 

 

اُسکو

 

 

 

 

 

 

مرا  بر سمتِ  اسکو  بـر که  شوقِ  کندوان دارم

و  بسیـار اشتیاقِ  شـرب  زان  آب  روان   دارم

بهشتی هست گویند آن طرف ها  عنصرودی  نام

که از تعریف  نهر جاری اش  نام  و نشان  دارم

اگــر خواهـی  کــه  دانی  لذتِ  نانِ  لواش  اینک

برایت  مژده ای  از  شهر اسکو  بهـر  نان  دارم

چمنـزاری  مصفـّا  دامـنِ  کــوهِ  سهند  اینجـاست

کـه  گـردشگاهِ  جانِ  عـارفـان  باشد  گمان  دارم

ز سوغاتیِ  اسکو  دیـده ام   دوشاب  و  گردو هم

خبـر از خشکبـار و  دستـرنـج ِ  مـردمـــان   دارم

ادب  در این  مناطق  حـرفِ  اوّل می زند  ایضاً

سُـراغی  نیــــز  از  خیلی  ادیب  و عالمان  دارم

صفایی باشد  اینجا  بیشتـر  جذاب  و  روح انگیز

که  شیرینیِ  آن را  مژده   بـر  گردشگران دارم

چه خوش گفتا غزل در وصف اسکو دُرفشان دادا

که از دریای  طبعش  این  گهر را  جاودان  دارم

 

ایضاح:

یوخاریدا کی شعری ، نئچه  دؤنه  اوسکو  منطقه سین  دولاندیقدا ، ایش بیریم و یولداشیم ، مهندس علی قاسمی خسرقی حضرتلری نین  ایسته گی  اساسیندا  قوشوب ، او یولداشیما ، اؤلکه میزین  چالیشقان  مسئول لارینا  و  صفالی  اوسکو  منطقه سی نین  ایسته کلی  خالقینا  تقدیم  ائدیره م.

دادا -  اردیبهشت 1395 هجری شمسی

 

 

 

وصف مقام بسیجی ( شعر ترکی )

 

مقام بسیجی

 

 

 

***

 

عشقین اودونا بیل کی یانار جاندی  بسیجی

هر لحظه ده  آمـاده ی   فـرمـانـدی  بسیـجی

اثبات ائله ییب  جنگده  اؤز  عهد  و  وفاسین

مــردِ  عمل  و  فـاتـحِ   میدانـدی  بسیـــجی

چون درسین آلیب کرب و بلا مدرسه سیندن

حقّ  اوستـه  فدا  اولماقا  عطشاندی  بسیجی

مظلومین  اولان  یاره سینه  مرهم  و درمان

ظالم گؤزونه  ناوک و  پیکاندی  بسیجی

بیگانـه   اگـــر   بـادِ   غـروریـله  دولانسا

ظؤلمت  ائوینی  ییخماقا  طوفاندی بسیجی

غیرتله  بو گون  مملکتِ  عشقه  محافظ

حیثیّت  و  نامـوسه  نگهبـانـدی  بسیـجی

ایثـار  و  شهادتـده  اولان  عـالـمه  الگو

بو  مرحله ده  بهترین  انساندی  بسیـجی

امنیّت  و  وحدت  عملاً نطق و شعاری

دیوانسرادا   رهبــرِ   وجـداندی  بسیـجی

سازنـدگـــیِ   مُلکِ   شـرافتده   مـؤثّـر

آبــادگـــرِ   کشورِ   ایـرانـدی   بسیــجی

شیطانی لره  باج   وئره  مُمکن دَییل، هیهات،

چون  طالبِ حق ، دشمنِ شیطاندی بسیجی

خُلقی علوی،  عشقی حسینی،  هدفی حق

مستِ  می  و  پیمانه ی عرفاندی  بسیجی

واللّهی  شرافتدن   اوزاقدی   دئمَسَم  گر

عینِ  شرف  و  معرفتِ  جاندی  بسیجی

اَل چکمه  دادا  مدرسه ی  عشقِ خدادن

بو  یئرده  اؤزی  خالقه مئهماندی بسیجی

 

دادا  بیلوردی  -  اروند رود

1365 هجری شمسی