شعر ترکی در وصف شهرک بیلوردی
بیلوِردی نین تعریفینده
بـو یئرین شیریـن آدی بیـلوِردی دیــــر
گؤیلومون بال تک دادی بیلوردی دیـر
*
دیـل آچان واختیـم بـو تـورپـاقدا قالیب
سانکی بـو یئـردن کؤنـول الهام آلیب
چون آنام بوردا منه لای لای چالیب
دویغومون هـر بیر زادی بیلوردی دیـر
*
او یئری کی لاپ سئویملی اجدادیــم
ایسته ییم ، سئوگیم ، آتام تک ایمدادیم،
افتخـاریــم ، شؤهـرتیــم ، شأنیـم ، آدیــم،
هر نه واریم اوردادی ، بیلوردی دیـر.
*
بو یئر آنلاق باغی گول دربندی دیـــر
سئوگی قایناغی ، بیلیک فرزندی دیـر
بـو قوجا تورپـاق ایگیدلــر کندی دیـــر
معرفت لــــر میعـادی بیــلوردی دیــر
*
هـم شهیـدی واردی هـم آزاده ســـــی
جانبـازی ، رزمنـده سی ، یاردیـم سَسی
جعفـــری وهّاب تـک عـلّامـه ســـــــی
غئیرتین بیــر ائولادی بیـلوردی دیــر
*
بـو یئـریـن وار اقتصادی شؤهـرتـی
آدلانـان داداش – بـــــرادر شـرکتــــی
یـــــا سلیمـان زاده لـــــــــــر جدّیّتـی
شیرنی نین ایلک اوستادی بیلوردی دیـر
*
بـو یئــر آدلیـملارلا دولـمــوش یکسـره
بیـربیـر آد وئرسه م سیغیشماز دفتـره
ایش بیلَن لــر جان وئریبدیـر بو یئره
صنعتین بیـــر اَسنـادی بیـلوردی دیـر.
*
یوردومون اوستونده «بَی» عنوانی وار
بـو یئـریـن آنجـاق محبّت قانـــــی وار
عشق دونیــاسیندا جوشغون جانی وار
سئوگی میـن جدّ آبـادی بیـلوردی دیــر
*
فَرش لـر طرحی نئجه ایلمه کده دیر!
توُیـلارین عشقی نئجه گولمـه کده دیر!
معناسی «بیلوِردی» نین بیلمه کده دیر،
تـورکی ، دانشگـاه آدی بیلوردی دیر
*
بو یئری وُسعتلی شهـر اولسون گؤروم
بو یئره توریست لــر دولسون گؤروم
بو یئرین نیسگیل لری سولسون گؤروم
عشقیمیـن سوُن فریـادی بیلوردی دیـر
*
بـوردا آنلاقـلا ادب دریــاســـی وار
معنوی یئردیــر، بیلیک دونیـاسی وار
شعرده احساسلی بیــر داداسی وار
چون زولالین بُنیادی بیلوردی دیـر
*
بهمن آیی 1394 هیجری شمسی ایلی
دادا بیلوردی
