وصف تبریز - شعر ترکی
تبـریــــــز - شهر زلال
درخشان تبــریــــز
مهدِ آزادی و سُکّانِ دلیران تبریز
شهرِ مردانگی و معدنِ عرفان تبریز
قلبیمه الهام ائده ن حقّ سؤزی ، جان مولکی
معنوی رازلری سینه ده پنهان تبریز
عشقدن مست قیلان هر مَلک و انسانی
مِهردن جوشه گلن بحرِ دُر افشان تبریز
عینالی، داغی اولان ، ائل گؤلو سئیرانگاهی
یاشیل احساسه دولان باغری گولوستان تبریز
آدی دیللرده قالان عشق و محبّت اوجاغی
سئوگی دن دالغا ووران سینه سی عمّان تبریز
قهرمانلار بئجه ره ن داغدا ووران بایراقلار
ظفره مالیک اولان تاریخی الوان تبریز
مطلعِ اهلِ ادب ، مظهرِ اهلِ خوبان
عرصه ی مستِ حق و شاعر و پیران تبریز
مولوی تک یارادان حضرتِ حق دریاسی
شمس دن آیری دوشن آهلاری طوفان تبریز
دیزیمین طاقتی و قوللاریمین آل قانی
منی قوینوندا بئجه رتدیکجه منه جان تبریز
دادا بو شهری آلیب گؤر نئجه حق جیلوه لــری !
اولاجاق دونیـــادا مشهور و درخشان تبریز
دادا – 1369 هجری شمسی
